الموضوع: حيره كبيره بين لوجي و نيسان صني شكل قديم

المشاركة الأصلية كتبت بواسطة miceg

بص ياباشا
الصني القديمة معايا
والوجان مع واحد صاحبي
عاوز اقولك على شوية حاجات هتلخصلك الموضوع
اللوجان تتميز في العلو بتاعها ومبتحكش فأي مطب
وماشاء الله بتشيل ممكن حوالي 300 لغايت 350 كيلو
ومبتحسش ان العربية هبطت اوووووي
وواسعه جدا ومريحة واللي ورا عمره ماهيدايق
تيجي بقا للصني
عربية بتستحمل اوووي
ماتور جبار حتى لو اوتوماتيك
تابلوه شيك وشكل الكلاسيكي بتاعها جميل
عالية عن ألاض لكن مش بنفس علو اللوجان
قطع الغيار متوفرة وأرخص نسبيا من اللوجان
مراكز صيانة محترمة جداااااا وليها سمعتها وضمانها طبعا
عيبها الخطير ان الكنبة الخلفية ضيقة نوعا ما مش لدرجة ان اللي ورا يكون قاعد مخنوق
لكن لو هو من طوال القامة ممكن يتدايق .
نيجي بقا لموضوع الثبات بقا يامعلم
انا كنت فرحلة للغدقة ومعايا 3 أصحابي فالعربية
من ضمنهم صاحب اللوجان كان جمبي
تخيلو بقا في كل منحنى بسيط على سرعة 150 بيقولي هدي السرعة هدي السرعه
قولتله في أيه ياعمنا
قاللي معلش ياخالد افكر نفسي راكب اللوجان
اللوجان بتتمرجح مع الملفات ومش ثابته
فالثبات صني وانت متطمن وبسحب بيها على طريق الصعيد لغايت 190 ك
وبتبدأ تحس انك سرعتك زادت وبتتأثر بمطبات الهواء من اول 170 كم/س
وانا كنت في نفس حيرتك اجيب لوجان زيرو ولا صني مستعمل
وربنا كرمني بالصني
انما ده لا يعيب اللوجان إطلاقا كفايه انتشارها الرهيب
انت ممكن تجيب صني اوتو حالة ممتازة وهتلعب فالثامنينات
بل بالعكس هيكون فيها abs عكس ماتفتقد حاليا فالزيرو 2013

الراجل حبيبي المحترم ده قال كل اللي عايز اقوله :)))
ومانيوال كمان ..... ماشاء الله وحش تحت رجلك :d