الموضوع: عدنا

الحمد لله..عدت بسلام بعد رحلة طويل للغردقة والجونة.والعربية عملت 1300 كيلو في يومين ليصبح العداد 101680 كم...تقرير الأداء :-

رحلة الذهاب الساعة 10 صباحاً.المسافة المقطوعة حوالي 480 كم..زمن الرحلة 3 ساعات و خمسة عشر دقيقة - السرعة حوالي 160 كم/س.

* التكييف كان علي وضع الـ auto low ودرجة الحرارة مظبوطة علي 18 و سرعة التكييف مظبوطة تلقائياً علي 3 طول الطريق.

* إستهلاك البنزين 6.6 لتر لكل 100 كيلو متر.

* إستجابة السحب..زي الفل

* الثبات..الله ينور

* الفرامل..الحمد لله مصادفتش موقف مفاجئ.

* العزل..مشغل القرآن الكريم ومع التكييف والشبابيك..تحس إنك هتنام..بس بعد ما دخلت طريق الزعفرانة..حسيت الأسفلت مش بنفس النعومة بتاعة طريق السخنة.يعني في صوت بسيط مسمع في جسم العربية.

------------------------------------------------------

رحلة العودة اليوم الساعة 11 مساءً..زمن الرحلة حوالي ساعتين و 40 دقيقة..السرعة 160-180-200 كم/س

* التكييف علي نفس الوضع مع إختلاف سرعة المروحة كانت 1 وأحياناً 2

* إستهلاك البنزين متفاوت.وأكبر رقم كان 8.6 لتر لكل 100 كيلو متر

* الثبات .. بسم الله ما شاء الله حتي علي الـ 200

* الفرامل..الحمد لله ملجأتش لإستخدامها بشكل مفاجئ.

* العزل..صوت الهواء كان باين شوية..وكان الهوا عكس إتجاه العربية.

* إستجابة السحب..الحمد لله تمام رغم إن الهوا كان مقابل للعربية.
---------------------------------------------------------------------

الحمد لله..ودلوقتي لازم أنام عشان أنا مش شايف قصادي.