الموضوع: تست درايف 127-سبعاوي

بغض النظر عن كتاباتك بس انا هقولك من غير اى زعل حسبي الله ونعم الوكيل فيك!!!!
لانك فقدت الموضوعية هنا
وعملت مشكلة كبيرة وهو انك اديت سمعة زى الزفت لعربيات 127 اللى لسه شغالة فى البلد لحد دلوقتى ومفيش شارع الا وفيه 127
العربية اللى بتتريق عليها دى وناس اخدتها بجد وانت سعيت فى كدة
شايلة هم ناس كتير
الناس مش محتاجة تجيب فيرارى ولا مرسيدس وبغض النظز ان كل العيوب اللى قولت عليها دى مش حقيقية
بس للاسف فيه ناس كتير اخدتها بجد وبعدت عن العربية دى
ياريت لو سمحت تمسح الموضوع دة او تغيره لان لو حد عايز يجيب لبنته ولا لاخته عربية مش هيفكر فى 127 وبالتالى ممكن ميجيبلهاش عربية اصلا لان الفلوس ع القد
واحب افكر حضرتك ان فى ايطاليا واسبانيا لسه شغال فيهم 127 لحد دلوقتى و127 توب كمان يعنى موديل سبعينات
وفى امريكا اللى اصلا مصر متجيش جنبها فى صناعة السيارات حاجة
لسه عندهم عربيات موديل 60 و 50 وشغالين فيها لحد دلوقتى
قبل ما تعاتب روح عاتب الاول ان البلد فقيرة صناعيا
ومتزعلش منى لو بهاجمك بس بجد انت عملت مشاكل لناس كتير وكلامك مش صح ومش بينطبق على ال127 كلها
ياريت تراجع نفسك قبل ما تكره الناس فى عربياتها, وعلى فكرة فيه شباب كتير اوى من ضمنهم نفسهم يركبو عربيات ومعهمش الا مبالغ قليلة ومش بيجيبوا غير 127 او واحد معاه اخته او بنته او زوجته فحرام عليك والله العظيم وتتردلك باذن الله ومش هقول غير حسبي الله ونعم الوكيل

طبعا انا قريت الموضوع من اوله واستغربت لما لقيته من 2007 ولسه فى اعضاء بيردوا ممكن يكون صاحب الموضوع نسيه اصلا
لكن اخيانا الموضوع يستفزك وتبقى عاوز ترد . انا معايا حاليا ماتريكس جايبها زيرو وجبت معاها 127
الحمد لله ال 127 بحبها جدا لان حالتها نضيفة جدا وبسافر بيها وباحمل فيها اى حاجة انا عاوزها ومش ببخل عليها بأى حاجة يكفى تعرفو انى جبت لها مراية يمين اصلية ب 150 والبياع رفض يبيعها لوحدها فأخدت الجوز ب 300
ومش هتصدقوا لو قلت لكو انى قريب اتفرجت على 127 مو 86 بس حالتها شاذة مهما احكى يكفى انها ماشية 800 كيلو واترفعت عارفين بكام ب 32000 الف الحقيقة خدتها لفة مبقتش مصدق
عربية عالية عن الارض موفرة جدا فى البنزين شنطتها معقولة جدا بالمقارنة بالبيكانتو والاى 10 دا غير اهم ميزة صاجها جامدجدا بيخلى اى سواق يخاف يقربلك دا غير انك بتركنها فى اى مكان من الاخر عملية جدا

المشاركة الأصلية كتبت بواسطة adelghanem

ليه بس كده
بتحسبن عليه ليه
ده موضوع كاتبه وهو واحنا عارفين
انه فى شيئ من الخيال والفكاهه
ومش الموضوع ده اللى حيخلى
الواحد مايشتريش العربيه..وكل
العربيات بتتهاجم ام10 الاف
جنيه وام نص مليون جنيه..
خلى صدرك رحب..
تحياتى.

المشكلة يا استاذى ان فيه ناس واخدة لينك الموضوع دة وبترد على ناس بتسال هل ال127 عملية ولا لا
والموضوع بقى زى الفيروس او السمعة الغير طيبة للعربية فى كل حتة
انا لاقيت التوبيك دة متوزع على اكتر من 20 صفحة تانية منهم الفيسبوك
عيب ولا مش عيب؟؟؟؟؟؟؟
ماكان يكتب انه هزار وضحك ومش حقيقي ولا هو مش خسران حاجة
حسبي الله ونعم الوكييييييييل