مرور السلام بمدينة السلام بشرق القاهرة يعطيك دفعة من التفاؤل لتوقد النار في سيارتك

**ahmed2801** · 25-08-2009 01:51 PM

الحمد لله جددت الرخصة فى مرور برمودا على يومين يوم المخالفات والبصمة والتامين ويوم الجهاد على الشباك حتى تصل للموظف وتديلة الرخصة والمعلوم علشان نخلص فى اقرب وقت ممكن على الساعة واحدة الظهر تقريبا!!!!!

**ahmed1981** · 27-09-2009 10:24 PM

جزيل الشكر للإدارة والسادة المشرفين على تحديث روابط الصور
جزاكم الله خيراً

**abo_lamar** · 04-12-2009 09:07 PM

والله العظيم انا فضلت مستني من الساعة 10 لغاية 4 العصر عشان استلم بس رخصة العربية .

**elrasy** · 05-12-2009 03:19 AM

ياة الواحد يحمد ربنا بعد ما غيرت الاقامة وبقيت تبع مرور مدينة نصر وحسيت بالفرق البشع فى مستوى الخدمة والادامية,,
انا مرة كنت واقف ولقيت واحد واقف فى طابور مكون من فردين فقط وبينفخ وبيقول انا زهقت انا بقالى حوالى ساعة , رحت قيالة احمد ربنا لو كنت فى مرور السلام كنت عرفت ان الناس هنا ملايكة

على فكرة تجديد الرخصة هناك اقصى حاجة ساعة ولا عزاء!!!!!!

**أحمد كمال** · 05-12-2009 04:45 AM

المشاركة الأصلية كتبت بواسطة ashrafakl

[overline]
انت خلتنى اراجع الرخصة بتاعت زوجتى اللى استلمتها يوم 26/8 الحمد الله رقم الشاسيه و رقم الموتور سليم كده تمام بس الحلو ميكملش لان المفروض و اللى مكتوب ع الرخصة فى الوجه الاول ان انتهاء الترخيص 9/2011 بينما ع الوجه التانى مكتوب تاريخ الفحص 2012

بس زوجتى اخدت قرار انها مش هتروح تغير حاجة و لا تصلح الغلطة مش هتروح الا فى شهر 9/2011 اذا اطال الله فى عمرها هى مش عاوزة تشوف المرور ده بتكرهه جدااااااااااااااااااا
[/overline]

مفيش مشكلة ممكن انتهاء الترخيص يبقى غير الفحص ده لو حضرتك مرخص سنة لان الفحص كل 3 سنين

**A_H_M_A_D** · 08-12-2009 03:29 PM

المشاركة الأصلية كتبت بواسطة el prince

صحيح يا جماعه هما دلوقتى بيطلعوا الرخص بالكمبيوتر و لا برده لسه مقضينها ترخيص مؤقت زى اللى معايا حالياً ..

اخر مرة كنت برخص في المرور الملعون ده و بعد ماخلصت كل الاجراءات على الساعه 4 ونص , وكنت دافع كل حاجه على 3 سنين

لقيتهم بيقولولي الكومبيوتر قفل و تعالى بكرة الصبح عشان تاخدها كمبيوتر او تاخد دلوقتي تصريح مؤقت

بصراحة ماقدرتش اتصور يوم تاني من العذاب فأخدت تصريح مؤقت بسنة واحده مكتوب على ورقة لحمة

**loma_satanic** · 11-12-2009 01:59 AM

انا اصلا رخصه العربيه خلصانه من سنه ونص ومش عاوز اروح اجدد الرخصه والله والرخصه مسحوبه والوصل ضايع

**loma_satanic** · 13-12-2009 01:25 AM

رحت النهاردا علشان ارخص لان العربيه ماشى بيها والله سنه ونص الرخصه خلصانه والرخصه مسحوبه والوصل ضايع
المهم رحت علشان اسجع بالتوكيل قالى لا لازم تعمل نقل ملكيه
رحت عند بتاع البينات كانت الساعه 8.10
قالى صور البطاقه واطلع اعمل استعلام عن المباحث رحت طالع واديك البطاقه الساعه 8.20
الساعه 9.30 بعد لما لموا كل الناس طلع قالنا الكمبيوتر بايظ انزلوا تتحت من غير استعلام
طبعا الناس كلها اتملت على صورة البطاقه وانا كنت مصور كتير فجريت على الشباك
رحت على الشباك وكان معايا ورقه استعلام شهر عقارى وكنت حاطط عليها طاب بوسطه شرطه
المهم كنت الرابه لحد لما جى دورى كانت الساعه 11
قالى الرخصه قولتلوا مسحوبه راح قالى هات الورقه دى من الخزنه بى 10 جنيه واملاها وروح شباك 3 استعلم عن الرخصه بالوصل المسحوب
المهم عملت كدا ووقفت طابور فى الخزنه كانت الساعه 11.30
رجعتلوا قلتلوا ايه قالى استنا اجيب ملفك علشان اشوف الرخصه علشان اشوف الضريبه التسجيل اد ايه
لحد 12 مجبشى حاجه زهقت مشيت وقولت هروح يوم الاتنين اكمل انى اسجل والتلات اجيب مخالفات والاربعاء ادفع التامين والخميس افحص والاتنين اللى بعده اسلم ورقى فى الشباك والتلات استلم الرخصه
هبقى احكلكم التفاصيل وهجبلكم صور ان شاء الله من اول يوم الاتنين

-

مشاهدة نتائج الإستطلاع: ما هو الحل في رأيك لإنهاء مشكلة وحدة مرور السلام بالقاهرة

الموضوع: مرور السلام بمدينة السلام بشرق القاهرة يعطيك دفعة من التفاؤل لتوقد النار في سيارتك

LinkBack

أدوات الموضوع

عرض

-

-

-

-

المواضيع المتشابهه

توقف الحركة بشرق القاهرة-استغاثة لمدير مرور القاهرة

مرور السلام

ذهبت لترخيص الألتو في عذاب السلام اقصد مرور السلام

الكلمات الدلالية لهذا الموضوع

المفضلات

المفضلات

ضوابط المشاركة