مرور السلام بمدينة السلام بشرق القاهرة يعطيك دفعة من التفاؤل لتوقد النار في سيارتك

**Mohamed A S** · 08-09-2008 04:58 PM

الحمد لله والشكر لله أنا نقلت العربية من مرور السلام لمرور مصر الجديدة بعد ما قعدت من الساعة 1 ظهراً لحد الساعة 5.30 علشان أطلع شهادة بيانات فقط لا غير من مرور السلام والموظفة هناك تتأمر عليك وتروح تقولك هات انت الملف أنا معنديش حد يجيبه واشتغالات الله ينور من كل اللي موجودين هناك (حسبي الله ونعم الوكيل). قررت بعدها إني انقل العربية مباشرة وإجراءات النقل والفحص وكله خلص في ساعة ونصف وأخذت نفس نمر مرور السلام كمان وترخيص بسنة. الحمد لله إن ربنا نجاني من مرور السلام نهائياً وربنا يكون في عون اللي تبعه

**ahmed1981** · 08-09-2008 05:34 PM

المشاركة الأصلية كتبت بواسطة Mohamed A S

الحمد لله والشكر لله أنا نقلت العربية من مرور السلام لمرور مصر الجديدة بعد ما قعدت من الساعة 1 ظهراً لحد الساعة 5.30 علشان أطلع شهادة بيانات فقط لا غير من مرور السلام والموظفة هناك تتأمر عليك وتروح تقولك هات انت الملف أنا معنديش حد يجيبه واشتغالات الله ينور من كل اللي موجودين هناك (حسبي الله ونعم الوكيل). قررت بعدها إني انقل العربية مباشرة وإجراءات النقل والفحص وكله خلص في ساعة ونصف وأخذت نفس نمر مرور السلام كمان وترخيص بسنة. الحمد لله إن ربنا نجاني من مرور السلام نهائياً وربنا يكون في عون اللي تبعه

مبروك يا أخي على الهجرة من مرور السلام

وبدأ الناس يستخدمون الحل الأخير لهذه المشكلة في الهجرة من مرور السلام

حقاً حسبنا الله ونعم الوكيل

**mcomics** · 08-09-2008 06:25 PM

الحمد لله على نعمة تسمى بمرور كفر الشيخ

**amlolo** · 09-09-2008 02:29 PM

ماهي اجراءات نقل الترخيص الى مرور اخر وشكرا

**mohmd76** · 16-09-2008 01:29 AM

نعم لقد تم ترخيص السيارة الجديدة فى 8 /2008 تخيلوا لقد تم الترخيص على 3 ايام والله 3 ايام
اليوم الاول الفحص واخذ حوالى ساعه لاننا ذهبنا الساعه 4 مساء
اليوم الثانى اعتماد الطفاية ههههههههههههه واخذ حوالى ساعتين وباقى اليوم فى البحث عن شباك الترخيص للسيارات الجديدة من الساعه 11 الى مساء الساعه 3 عصرا ههههههههههه حدث حقيقى
اليوم الثالث حوالى 4 ساعات وتم الترخيص لكن مؤقت
والعذاب انك تكون فى الطابور ولما تصل الى الشباك يقول لك الموظف صور البطاقة ههههههههههههههههههه وتخرج ثم تعود الى نفس الشباك
وبالعافية تصل الى الموظف وتستكمل الباقى
والله اقسمت انى لا اشترى سيارة ولن اقود ابدا فى هذه البلد

**Eng.Osama.Afifi** · 18-09-2008 06:31 AM

أمال لو شوفت مرور الحوامدية تقول إيه ؟؟؟

ده بعد لما نقلت الملكية لمرور فيصل حسيت أني في أوروبا !!

ولما جيبت العربية الجديدة تبع مرور العجوزة حسيت أني في الجنة !!

**l0new0lf** · 02-10-2008 08:06 PM

كيف تنقل من دائرة مرور لدائرة مرور اخرى؟

**A_H_M_A_D** · 16-10-2008 05:57 PM

الحمد لله , أنا كنت فاكر ان ده راي انا بس في مرور السلام , لكن واضح ان ده رأي ناس كتير زي , انا بعد ما دفعت ضرايب و تأمين 3 سنين ادولي رخصة مؤقتة لسنه واحدة بس عشان الكومبيوتر بيقفل الساعة 2 و طبعا ده معاد مستحيل حد يلحق في المرور الملعون ده يخلص فيه الرخصة , و كان لازم ارجع تاني , بس مش حارجع و امري لله بالرخصة المؤقته
إسمحولي بقه اقول إن مرور السلام ده أسوأ و ألعن و(@#$%&) مرور في جمهورية مصر العربية على الإطلاق

**mohmd76** · 16-10-2008 11:40 PM

مؤقت للمرة الثالثة
نعم نسيت اخبركم ان الترخيص المؤقت للشهر الثالث على التوالى
والرسم فى كل شهر 31.50 جنية الورق المطلوب
صورة البطاقة وصورة الرخصة المؤقتة الورقية + ونكتة كل مرة دوسية ورق ب 1 جنية هههههههههههههههههه طبعا يتم اعادة بيعه

**moga_moga** · 18-10-2008 01:35 AM

مرور السلام :
انا كنت من سكان مدينة السلام وحاليا مقيم بالعريش
وشفت المرور هنا وهنا بصراحة فكرة التعامل اساسا مع بتوع المرور في اي مكان في الجمهورية فكرة شنيعة لانهم تربية واحدة وقيادة واحدة ومنهج واحد لكن اللي بيختلف التعداد السكاني في كل منطقة والسلام فعلا مزدحمة جدا جدا ولازم تتفكك ولازم يكون تراخيص الاجرة بعيدة عن الملاكي