الموضوع: مرور السلام بمدينة السلام بشرق القاهرة يعطيك دفعة من التفاؤل لتوقد النار في سيارتك

فعلا يا عمرو اصلي اتعملت في الموضوع ده والرخصة منتهية شكرا ليك

العن مرور في مصر مرور السلام رشوة وفساد وهبل على الاخر اول مرة روحت من غير واسطة كرهت حياتي هناك لما رحت بالواسطة معاملة تانية لابد من حل مشكلة هذا المرور المتخلف

المشاركة الأصلية كتبت بواسطة amr_elrashidy

كلامك مضبوط بس شهادة البيانات مهمة فى حالة انتهاء مدة الرخصة لكن لو سارية يبقى شهادة البيانات ممكن الاستغناء عنها لانها بتقوم مقام الرخصة المنتهية
..النمر ممكن اوى متتغيرش لو انت بتنقل جوه نفس المحافظة و ده لو مفيش نمر جديدة..لو بتنقل من محافظة للتانية حيدولك(حاليا) صفيحتين تكتب عليهم نمرك انت بمعرفة اى حد او ممكن بأيدك انت...او بقى يبقى حظك حلو و يكون مرورك الجديد شغل النمر الجديدة

معنى كده ان ملهاش حل غير انى لازم اغير محل سكنى!!!!
انا كنت باتعامل مع مرور عين الصيره بس اضطريت انقل مرور فيصل علشان شوية لخبطه بعد وفاة الوالد
و كل ماجى اتعامل فى فيصل افتكر الايام الحلوه بتاعت عين الصيره
شكرا يا رجاله

السلام عليكم

ممكن حد يقولى خطوات استخراج رخصة جديدة من مرور السلااااااااااااااام بالتفصيل والأفضل أرخص سنة أو ثلاثة وأى نصيحة ممكن أعرفها قبل ما أروح

شكراَ جداَ

الكلام ده ىاجماعة خطير جدا واقل ما يقال انه مخالف لابسط حقوق الانسان ولا يصح فى اى بلد يكون الوضع بهذا السوء حتى ولو بلاد الواق واق.
وانا راى ان سكوتنا على هذا الوضع من احد الاسباب لبقاءه على ما هو عليه ياجماعة الخير ابسط شئ شكوى لوزارة الداخلية او تلغراف او شئ من هذا القبيل
وعلى فكرة وزارة الداخلية ليها موقع على النت وفيها رابط شكاوى وفى فاكس وفى ارقام تلفونات بس اتحركوا واعملوا اى حاجة لازم ما نسكتش على اى حاجة غلط لو بنحب بلدنا صحيح