الموضوع: مرور السلام بمدينة السلام بشرق القاهرة يعطيك دفعة من التفاؤل لتوقد النار في سيارتك

واللة العظيم مرور السلام ماساة في التعامل مع موظفين الشباك .. كلهم عاوزين يجربو سوء المعاملة زي ما بيتعاملو معانا ... انا باخد اسبوع اجازة علشان اجدد او ارحص العربية .. منهم للة . وحسبي الله فيهم

مرور طنطا...
بس ... اظن الرسالة وصلت
وحسبنا الله ونعم الوكيل

السلام عليكم

انا الحقيقه كانت ليا تجربه هايله مع مرور السلام من حوالى 3 سنين عشان كنت شارى عربيه من انسان قمه فى الاحترام والاخلاق والعربيه كانت تستاهل والراجل كان يستاهل لو مش كده مستحيل كنت اشتريتها بسبب مرور السلام ده

هو انا اتعاملت فى المرور كتير بسبب انى بغير كتير عربيات الى حد ما بس انا عمرى فى حياتى ما شفت ولا هشوف كده
وعلى فكره دى مش مشكلة زحمه ولا عدد ناس بتروح المرور لان ببساطه النصابين اللى واقفين جوه المرور بالتنسيق مع امناء الشرطه والعساكر واكيد الضباط وقائد المرور اللى ابسط حاجه تتقال عنه انه شخص فاشل لان اكيد مفيش واحد ناجح يستحمل يسيب مكان هو بيديره بالمنظر المقرف المقزز ده فالنصابين دو عددم اكتر بكتير من المواطنين العاديين اللى بيروحو يعملو حاجتهم ودول بيقابلوك من وانت بتركن عربيتك على بعد كيلو من المرور لان ببساطه انا مجاليش قلب اركن قريب لان حرام تدفع 10 جنيه لواحد بلطجى عشان تركن فى الشارع وكمان ده اكيد لا يؤتمن انك تسيب عربيتك عنده.

وبالنسبه لقائد المرور ده انا طبعا مبقولش كده افترا ولا حاجه بس انا شفته وشفته بيتعامل ازاى مع الامور هناك

والظباط هناك عندهم نوع غريب من قلة الزوق تخيل واحد رايح يقولول انا فى واحد تحت نصب عليا يقولو انا مليش دعوه انزل خد حقك منه ده اصلا بعد مالراجل المحترم يا عينى قعد يسال على قائد المرور وكل واحد من العساكر او امنا الشرطه يفتح معاه محضر انت مين وعايزه ليه

على فكره انا نائب مدير بنك وابن ناس وفى اى مرور بخلص حاجتى فى خمس سوانى بسبب معارفى والحمد لله بس وقتها رحت كده قلت الله المستعان وقعدت انقل للمرور بتاعى فى 3 اسابيه كل سبت اروحلهم من اول النهار لاخره

وانا ببصراحه مقدرتش اوصل لحد هناك ممكن يساعدنى
الحمد لله
هى اكتر حاجه خقيقى ماساه هى حكاية النصب العلنى اللى على مرال ومخسمع وبالتنسيق مع الشرطه لان محدش يقنعنى انهم سايبنهم كده زكاة عن المور يعنى

اسف للاطاله بس اصل الموضوع بالرغم انه من فتره طويله بس لا يمكن يتنسى ابدا لان بصراحه دى حاجه لو فى اى بلد محترم او حتى مش محترم اوى قائد هذا المرور وعصابته لازم يتعاقبوووووا بس مش العقاب الاى كلام اننا ننقله لا اننا نحاسبه ونعلمه ان الامانه والمسؤليه ربنا بيحاسب عليها فى الاخره بس البلد لازم تحاسب عليها فى الدنيا