TEST DRIVE : hyundai ELENTRA 2007
1600CC 121HP 4000KM GLS 110000LE

انا عارف ان الناس طلبت الموضوع ده من زمان...بس كان لازم انني ادور على العربية...و اخيرا لقيتها مع صاحب واحد قريبي...وقريبي قللبهالي منه :D ومكانش نفسي اعمل كده...بس كلله علشان عيونكوا يهون :D :D

نظرة اولى:
العربية من الخارج تحفة فنية بمعنى الكلمة...وشكل جديد و غير حادة التفاصيل ابدا..الصاج كويس...قمة في الابداع...و تصميم يوحي انها من فئة اعلى...شكل رائع بكل المقاييس (رأي شخصي) المشكلة انها كانت من غير جنوط!! وسالت ازاي تكون بالسعر ده من غير جنوط؟؟ افنكرت على طول مسيو غبور.. :D :D وسياساته التسعيرية......تقفيل الموتور في منتهى الشياكة...علب...علب...
العلو عن الارض (تقريبا زي الانسر) و ده اداني انطباع انها هتكون اقل ثبات على السرعات العالية...(نظرا في الفرق بين التصميم الخارجي لللانسر والالنترا)

من الداخل:العربية فخمة للغاية...وعناية بالتفاصيل...الصالون واسع والتكييف قوي و تاتش مع اضاءة مريحة للعين...و اماكن تخزين ذكية و كثيرة...و كل شيء تقفيله نضيف جدا..ولم الاحظ اي عيوب تقفيل تذكر...نظام الصوت جيد..القعدة اكثر من مريحة قدام و ورا...و مخادع برضه قدام و ورا...الكل شيء قابل للتعديل ليقدم راحة اكثر خصوصا للسائق...

الاداء:
انا عارف ان الناس مقدما هتسال عن المقارنة بين الانسر والعربية دي (نفس الفئة) وانا هقول بمنتهى الحيادية......الانسر طبعا..
الانترا سحبها حلو جدا...والتسارع من الصفر جميل جدا...بس التجميع في السرعات العالية يخللي لانسر تكسب طبعا....و اذهلني عدم وجود ABS في عربية بالسعر ده..ده بقى ا.ب اي عربية...الاتزان حلو جدا...والعفشة ناعمة(انعم من الانسر) و مريحة و صوت الموتور هادي...والكابينة توفر اجواء مريحة للركاب خاصة على طرق السفر...قدرة جيدة على المناورة...الباور بتاعها ناعم (تقريبا كهربا)
السرعة القصوى: داخل المدينة...لم اشهد قدرة لانسر على اعطاء الاداء الرياضي المطلوب..(دي مش عربية شباب عايز يروش)و لكن لا يمكن تسميته اداء ممل...و وصلت لسرعة 205كم...ولكن الثبات ضعف بعد ال170كم بطريفة ملحوظة واظن ان السبب يرجع لتصميم الشكل الخارجي....و اكاد اقسم ان الموديلات القديمة منها كانت اكثر ثباتا من الموديل الحالي....وارجو ان يقوم اي احد بالرد على عذه النقطة لتأكيدها او نفيها...

نقطة جميلة:الترتيب والنظام الملحوظين حتى في العدة بتاعت تغيير الاستبن...جميلة قوي قوي 8)

نقطة سيئة:العربية بومبيه اوي...فاذا مكنتش بتعمل تامين...تأكد ان السمكرة هتكون مكلفة جدا جدا.....

نقطة جميلة:قطع الغيار ارخص علشان كوري..والتوكيل زي ما انتوا عارفين :D

الخلاصة:
العربية متفوقة فعلا في نقط كتير...اغلبها رفاهية...لكن...
بالسعر ده..و كوري (بالرغم من التجهيزات المتفوقة دي) و عدم وجود ABS و الجمال الخارجي....يجعلها خيارا مستبعدا في وجود متسوبيشي لانسر الياباني!!!

وابوس ايديكو...التثبيت التثبيت التثبيت.....و مستني الردود والاستفسارات :D