لانسر و الا فيات لينيا

**khaled_afandy** · 20-05-2013 12:42 AM

خلاص زهقت من نفسى كل يوم أوصل لقرار و أرجع أغيره
قلبى أختار اللينبا و عقلى يختار اللانسر
اللينيا تصميم جميل اوبتونز روعة جسم صلب مصفح 6 ايرباج و لكن غير منتشرة على الإطلاق يعنى ممكن مصر كلها يكون بها 200-300 لينيا من 2009 (ده فتى طبعا لا أعرف الأرقام)
اللانسر البوما السبورت بها كل شئ و لكن شكل ممل قديم رغم التحسينات من أول 2012 و بها 2 إيرباج فقط.. طبعا إنتشار وهمى و سهولة تداول و أشعر أن صاجها ضعيف و خامات الدهان غير جيدة و اللينيا أكثر إرتفاعا عن الأرض و شنطتها أوسع

السعر: اللانسر 142 و اللينيا 150

أيه رأيكم؟؟

**magic girl** · 20-05-2013 01:04 AM

اعتقد إن القاعدة العامة انك لو ناوي تجيب العربية و تفضل معاك مدة كبيرة يبقى هات اللينيا.. لو ناوي تبيع بعد سنتين و لا 3 يبقى اللانسر.. و إن شاء الله الناس تفيدك..

**aw2100** · 20-05-2013 01:33 AM

المشاركة الأصلية كتبت بواسطة khaled_afandy

خلاص زهقت من نفسى كل يوم أوصل لقرار و أرجع أغيره
قلبى أختار اللينبا و عقلى يختار اللانسر
اللينيا تصميم جميل اوبتونز روعة جسم صلب مصفح 6 ايرباج و لكن غير منتشرة على الإطلاق يعنى ممكن مصر كلها يكون بها 200-300 لينيا من 2009 (ده فتى طبعا لا أعرف الأرقام)
اللانسر البوما السبورت بها كل شئ و لكن شكل ممل قديم رغم التحسينات من أول 2012 و بها 2 إيرباج فقط.. طبعا إنتشار وهمى و سهولة تداول و أشعر أن صاجها ضعيف و خامات الدهان غير جيدة و اللينيا أكثر إرتفاعا عن الأرض و شنطتها أوسع

السعر: اللانسر 142 و اللينيا 150

أيه رأيكم؟؟

فى شراء العربية لازم تحكم عقلك وتبعد عن رغبتك بمعنى انا مثلا حموت اشترى الفا روميو و هى حلم حياتى وكانت قدامى اكثر من عربية تحفة طبعا ورغم كده لما جيت اشترى عربية فعلا اشتريت سكودا فليشيا المانى علشان توافر قطع الغيار وسرعة البيع لكن الافا طبعا قطع غيار نادرة وبيعها صعب فانا انصحك تخليك عملى وتوكل على الله واشترى اللانسر ومش حتندم وصلى برضة صلاه استخارة وبراحتك طبعا !!
مجرد سؤال ليه حضرتك مفكرتش فى الباسات او الأوكتافيا عربيات المانى مصفحة ومتانة وصاج مضاد للصدء ؟؟؟

**khaled_afandy** · 20-05-2013 12:46 PM

المشاركة الأصلية كتبت بواسطة magic girl

اعتقد إن القاعدة العامة انك لو ناوي تجيب العربية و تفضل معاك مدة كبيرة يبقى هات اللينيا.. لو ناوي تبيع بعد سنتين و لا 3 يبقى اللانسر.. و إن شاء الله الناس تفيدك..

هو أنا عموما بأحتفظ لمدد طويلة و ده اللى قالقنى فى اللينيا أن ما يكونش لها قطع غيار بعد شوية

**ahmedz310** · 20-05-2013 01:45 PM

افضل عربية في الفئة السعرية دي اللينا من غير نقاش بس للأسف توكيل يدمر كل جميل
ليه مافكرتش في الياريس عربية ياباني واعتمادية وسعر اعادة بيع مش بطال او ستروين سي اليزه عربيه اعتماديه بس مش عارف توكيلها ايه ظروفه

**fouady** · 20-05-2013 02:07 PM

أنا مش معا تحكيم العقل فـال حاجات دي للأسف ... فـهخطرلك اللنيا علشان هي ك عربية أحسن ... وإنت المفروض تختار الأحسن واللي إنت حبه ... أنا مقتنع إني مش بتعب علشان أجيب فلوس علشان فـال اخطر أختار حاجة الناس البلد أو أي حاجة تانية اجبرتني عاجبها .. أنا تعبت فـفلوسي علشان أجيب حاجة أبقى فرحان وأنا راكبها مش فرحان وأنا ببيعها أنا بجيب فلوس علشان اعيش مبسوط .. وإنت واختيرك شوف إنت حبيب مين فيهم وسيبك من أي حاجة تاني ولو اتعممت الفكرة دي متأكد إنك هتلقي حال السوق غير حاله دلوقتي فـتوزيع الانتشار

**horas3000** · 20-05-2013 02:35 PM

دلوقتي عندك البيجو 301 و الستروين سي اليزيه
و لو ليك في المانوال السكودا رابيد
و كلهم في نفس رينج السعر و يمكن اقل
و دول في راي احسن من الخيارين بتوعك

**aliabdo** · 20-05-2013 03:59 PM

بص الفيات حلوه مفيش كلام و فى كلام بيقول ان التوكيل اتحسن
للعلم انا لسه شارى جراند من اسبوعين اول صيانه لى و تغير زيت على 10 الف مش الف زى عربيات كتير قوى
قطع الغيار معمره و ممكن تشوف اللينيا الفئه الاولى فى حدود 120 تقريبا
و اى حد يقولك كلام وحش على الفيات قله ركبتها الاول و لا بتفتى ؟ و طبعا متسالش واحد معاه 128 :d