واحد عنده 18 سنة ومخنوق من كل حاجة !!

**S0m3-0n3** · 20-05-2013 01:42 AM

السلام عليكم ورحمة الله وبركاتة .

فى البداية الموضوع باين من العنوان ,, باختصار حاسس إن مفيش حاجة مستاهلة ؟ معرفش عايش ليه ولا ليه :( زهقان وقرفان من كل حاجة , مش راضى عن نفسى عن عيشتى عن اى حاجة .

عايش كويس الحمدلله . بس مفيش حاجة مفهاش مشاكل , اكيد فى مشاكل عند كتير مننا , بس انا مش لاقى هدف انا عايشلو !! ,, انا فى 3 ثانوى - والامتحانات قربت وبردو مبذاكرش :s ,, دايما بتمنى اعيش لوحدى . مش عشان حاجة بس حاسس بخنقة - البيت عندى نوعا ما يميل إلى الاستقرار . بس مخنوق دايما الواحد عنده مشاريع كتير بس ناقصها راس مال . ,, مش عارف انا بكتب ليه بس قولت اسجل عضوية جديدة واكتب بيها . يمكن ملل , زهق ! الله اعلم .

:d بعشق حاجة اسمها سواقة . انا فى حياتى مش نافع غير فى حاجتين , السواقة , وشغل الكومبيوتر :(

**مزمار وحيد** · 20-05-2013 01:46 AM

أبحث عن الله هو من خلقك

**S O P H O S** · 20-05-2013 01:57 AM

السواقة والكمبيوتر اسهل ما فالحياة الان
علشان تخلص من الخنقة لازم تعمل شئ جديد وتنجح فيه
حاليا المطلوب منك تعدي مرحلة الثانوي وتهتم بالدراسة علشان توصل لمرحلة جديدة
وده فحد ذاته نجاح 18 سنة انت مستعجل الامور مش لان السن صغير لا بالعكس
بس صدقني بكره يجي يوم وتفضل سايق ليل نهار وتزهق وتتعب من السواقة
خلي دايما ليك هدف واقعي يعني نجاح فدراسة فعمل فبناء اسرة شئ حقيقي
مش نجاح فعربية ماشية فالشارع علي 4 عجلات ممكن تتضيع فلحظة
فالنهاية ابتدي بالتقرب من ربنا لان مفيش احن عليك من ربنا ثم اهتم بالدراسة وجرب تستحمل
لحد ما توصل لهدف جديد فحياتك جرب مش هتخسر ومتنساش رضي اهل بيتك برضوا
وربنا يوفقك ويكرمك بالخير فحياتك
مجرد رأي ..

**adelghanem** · 20-05-2013 02:13 AM

والله يا ابنى كلنا مرينا بنفس الظروف مش انت وحدك اللى حاسس كده ,كل اللى فى سنك لهم نفس الاحساس طيب ايه الحل.ايه اللى حيغير حاله الملل والخنقه اللى انت فيها .ملهاش حل غير الاتجاه الى الله ثم محاوله قضاء الوقت الممل ده فى المذاكره وده مش كلام انشا......هانت فاضل فتره بسيطه وتروح الكليه وهناك مودك كله حيتغير وافكارك ومزاجك وكل حاجه ....اما حبك للعربيات كلنا كنا بنحبها ومكانش معانا بسكلته وكانت فكرة ان الواحديحيب 128 خيال علمى اما الكمبيوتر فسمعنا عنه ومشفناهوش ..بالصبر والعزيمه كله والله بيتحقق

**aw2100** · 20-05-2013 02:15 AM

المشاركة الأصلية كتبت بواسطة s0m3-0n3

السلام عليكم ورحمة الله وبركاتة .

فى البداية الموضوع باين من العنوان ,, باختصار حاسس إن مفيش حاجة مستاهلة ؟ معرفش عايش ليه ولا ليه :( زهقان وقرفان من كل حاجة , مش راضى عن نفسى عن عيشتى عن اى حاجة .

عايش كويس الحمدلله . بس مفيش حاجة مفهاش مشاكل , اكيد فى مشاكل عند كتير مننا , بس انا مش لاقى هدف انا عايشلو !! ,, انا فى 3 ثانوى - والامتحانات قربت وبردو مبذاكرش :s ,, دايما بتمنى اعيش لوحدى . مش عشان حاجة بس حاسس بخنقة - البيت عندى نوعا ما يميل إلى الاستقرار . بس مخنوق دايما الواحد عنده مشاريع كتير بس ناقصها راس مال . ,, مش عارف انا بكتب ليه بس قولت اسجل عضوية جديدة واكتب بيها . يمكن ملل , زهق ! الله اعلم .

:d بعشق حاجة اسمها سواقة . انا فى حياتى مش نافع غير فى حاجتين , السواقة , وشغل الكومبيوتر :(

مشكلتك دى هى مشكلة الشباب اليومين دول وده علشان انك لازم فى الأول تزرع علشان تحصد ولازم حضرتك تخطط حياتك على المدى البعيد وتثقل مهاراتك فى كل نواحى الحياة وتحاول توسع مداركك بمعنى انك مش تكتفى بالدراسة الثانوية او الجامعة بس حاول تدرس اى مجال اخر ولو ظروفك المادية ماتسمحش حاول انك تنزل لمجال العمل فى فترة الصيف ومش مهم نوع الشغل اية ممكن تشتغل فى اى عمل طالما عمل شريف ولو تشتغل فى صنعة كهربائى او ميكانيكى يعنى تتعلم صنعة وحتفيدك فى مجال العربيات اللى بتحبة او فى مجال صيانة الكومبيوتر وشبكات النت او اى عمل تانى المهم تشغل فراغك وتتعرف على الناس وتكتسب خبرات فى الحياة وفية مثل ماليزى بيقول اكثر من الحرف تنجوا من الفقر ولو سيادتك اشتغلت حتحس بالمسئولية وحتبطل تحس بالملل والزهق علشان حيبقى عندك هدف وهو انك تبدء فى الأعتماد على نفسك فى الحياه لازم تشغل وقت فراغة بما هو مفيد ومدر للربح ومرضى لله فالعمل عبادة ودون مضيعة للوقت فالوقت ثمين جدا وتضييعه على القهاوى والصحاب ربنا حيحسبك على عمرك فيما افنيته وقرب من الله اكتر حتلاقى نفسك تصفى وربك الموفق والمستعان اخوك الكبير وليد !!!