الموضوع: اشتريت a4 محتاج نصايحكم

المشاركة الأصلية كتبت بواسطة survival

السلام عليكم
الحمد لله اشتريت a4 اوتو موديل 2006 اول فئة عاملة 122 الف كم. حالة العربية كميكانيكا كويس بس محتاجة شوية حاجات فى الاكسسورات و شوية تظبيط فعاوزكم تساعدونى فين و بكام الاقى الحاجات دى.
- صاحب العربية قالى انه عمل صيانة 120 الف اللى فيها تغيير زيت الفتيس لما عمل صيانة ال 100 الف بس هو مش فاكر- على فكرة انا فكرت ان العربية مش بتاعته لانه تقريبا مش عارف عنها حاجة مع انه المالك الاول و كل صيانتها و الشغل اللى فيها كان بيعمله سواقين الشركة عنده (اغلب الصيانة كانت فى مركز الاقصى اللى فى المعادى).
- الكاسيت بتاعها فيها و مفصول و راكب واحد تانى بايونير من عارف موديله و صوته كويس - هل ليها كاسيت اصلى دبل دين زى بتاع الفانتزيا كده و لا لاء و بكام و منين.
- جوان البرباريز الامامى فى جنب مش موجود - ياترى الاقيه فين و يعمل كام
- مفتاح تعلية نور العدادات مكسور و النص التانى بتاع تعلية الكشافات موجود و شغال
- مساحة الزجاج الخلفى مش موجودة و عاوز اجيبلها واحدة - بكام و منين.
- انوار مفاتيح التكييف مش بتنور مع نور العدادات.
- شكل العربية من ورا مش حلو نهائي هل ليها فوانيس ليدات و فكرت اركب اسبويلر بس لاقيته مش هيبقى حلو و هيقلل مساحة الرؤية الخلفية.

لما كلمت مركز الاقصى عشان اسأل على تكلفة الكشف عنده قالى 500ج و صيانة ال 120الف ب 6000ج!!!!!!!!!!!!!!!!!!!!!!!! ليه يعنى.
عشان كدة هاخد لفة عند التوكيل بدير الملاك و اشوف الورش اللى جنبه و لو حد اتعامل مع حد هناك يا ريت يقولى عليه.

مبروك العربيه

ربنا يرزقك خيرها ويبعد عنك شرها

الكاسيت ممكن يتغير بواحد يونيفرسال دبل دن عادي غيه اللي انت عايزه

الحاجات المكسوره ممكن تجيبها استيراد

اللي اعرفه ان الفوانيس الاماميه فيه منها يباع معدل بعدسات و ليد في اماكن كتير

اما الخلفي اعتقد بيتعمل مخصوص

راي حضرتك تصبر علي العربيه شويه كده ومتستعجلش عشان تحدد هيه محتاجه ايه بلضبط

واعمل قايمه ورتبها الاهم فالمهم

وتحت امرك في اي حاجه