الموضوع: بشرى لمالكى الرينو . . . فعلا شركة محترمة

باختصار شديد وبدون مقدمة

زى ما انتوا عارفين الحادثة اللى حصلت لى فى عربيتى ودى هى احد اسباب كتابةهذا الموضوع

طب ايه علاقة الحادثة بالبشرى

مفيش حد عامل حادثة وبعد ما يعمل حادثة يبشر الناس

ماتستعجلوش الصبر

طبعا بعد ما فقت من الحادثة وبعدين

سألت على تكلفة قطع غيار الحادثة

وبعد كده قدرت تكليف الاصلاح اللى طبعا طلعت اقل بحوالى 1400 جنيه من التكاليف الفعلية

وبعد تدبير مبلغ 4000 جنيه للاصلاح ربنا هدانى من خلال احد زملائى بالعمل

يملك رينو 2010 وكان عنده خبطة خفيفة فى الردياتير والسربنتينة ( اقل من الخبطة اللى عندى بكتير )وشغل دوكو للعربية

المهم زميلى سأل التوكيل فى اصلاح سيارته وبما ان هو تامين فالموضوع مش فارق معاه

رد التوكيل وقال 50 يوم للاصلاح لوجود طابو انتظار

المهم سأل على مركز معتمد اسمه فرنش موتورز وسأل يخلص فى وقت اد ايه قال 5 ايام

توكل على الله وذهب الى المركز وترك سيارته

وانا بعد لف ودوران وسؤال حرفيين وغيره لقيت اسعار المركز قريبة من اسعار الحرفيين

لأنى جربت شغل سمكرة ودوكو فى الحرفيين لقيته مثل المركز تماما مع الاعتبار ان المركز عنده جهاز ضبط شاسيه وقياس مسافات وشغل على اعلى مستوى

المهم انا كنت قلقان من المركز ( على فكره مكانه فى الرحاب ) وبقيت خايف ليعملى اى شغل خاصة ان المقايسة كلفتنى 5150 جنيه ده غير مصاريف اخرى حوالى 300 جنيه

المهم تركت العربية هناك امس وعلى فكرة كنت عامل حسابى يقولى سيب لى عربون

عشان لسه هاركب ردياتير وسربنتينة واكصدام شاسيه ( دول لوحدهم ب 2850 جنيه بدون تكاليف الاصلاح )

ولا حاجة من الكلام ده حصل - حتى انا بقيت ماشى وانا مستغرب

والنهارده طول اليوم وانا قلقان لأن فى خبطة فى اكصدام شاسيه

وده هى الى مقلقانى

والحمد من ساعة بس بشرنى صديقى ان جاله تليفون استقصائى

بيسأله عن مدى رضاه عن خدمة مركز فرنش موتورز وسأله عن سيارته والاصلاحات المطلوبة فيها

فرد زميلى بأنه لم يستلم السيارة بعد وسيرد عليه بعد استلامه لها

طبعا بعد ما سمعت الخبر ده استريحت ان العربية فى مكان امين

وطبعا الشركات اللى بتسأل عن مدى رضا العميل عن مستوى المركز المعتمد

شركات محترمة وبتحافظ على العميل

ولو الشغل او الاصلاحات ماعجبتنيش او معيوبة ممكن ارجع للمركز او الوكيل او حتى الشركة فى فرنسا

ودا احد اسباب اطمئنانى انى تعاملت مع هذه العلامة ( علامة رينو ) - مع وجود كثير من الشكاوى من العلامات الاخرى او ( الشركات الاخرى )



اللى اقدر اقوله بعد ما سمعت

مع رينو انت فى ايد امينة