زحف الفرامل فى اللوجان والحل ايه؟

**mohmmedzohier** · 23-05-2013 06:26 PM

مشكله زحف الفرامل فى اللوجان

المشكله انك لما تدوس فرامل جامد ومره واحده الكاوتش بيقف ويصرخ فى الارض بس العربيه بتزحف شويه
محدش يقولى عيب كاوتش عشان لسه مغيره
الكاوتش الفبريكه كانت العربيه يتزحف 10 متر
رجلاشت فرامل اليد
الكاوتش الجديد يوكوهاما سى درايف العربيه بتزحف بس مش زى الاول

لما روحت التوكيل قالةلى فرامل اللوجان خداعه لازم تدوس براحه مش مره واحده

طيب الحل فين

**eng.m7md.ali** · 23-05-2013 06:34 PM

الحل في الكاوتش بردو

لو الكاوتش ناشف مكانش عمل كدة .. وبما ان اليوكوهاما طري يبقى اكيد العربية هتزحف

الحل الاساسي والمكلف هو ال abs بس مفيش للعربية دي تقريبا

**gebreel** · 23-05-2013 11:14 PM

يا باشا طالما العربية زحفت بس مش كثير ده نتيجة ان العجل عمل lock لأن العربية عندنا مفيهاش ABS العربيات اللي بABS بس هي اللي الكاوتش مبيصرخش فيها مع كبسة الفرامل

**wassim_nasser** · 24-05-2013 09:42 PM

الحل علي خطوتين :
1 - تغيير الكاوتش لنوع كويس زي البريدجستون تورانزا أو الكومهو إكستا

2 - الحرص أثناء القياده بالذات في الطرق اللي مش عارف مطباتها مع عدم الضغط علي الفرامل مره واحده لأن ده بيحتاج مسافه كبيرة عشان العربية تقف تماما و لكن ضغط الفرامل بشكل متقطع وده بيقلل سرعه العربية في مسافه قصيره و بيسهل وقوفها ( دي نفس فكرة ال abs )

**mohmmedzohier** · 25-05-2013 02:31 AM

انا شاكك فى موضوع الزوايا وقصه الabs انا عارفها بس معانا عربيه كيا مفهاش abs بس مكانتش بتعمل كدا

الغريب انى من اقل ضربه فرامل مفاجاءه او لما اتقل سنه تقيله على الفرامل الفرده اللى قدام السواق هى اللى بتصرخ فى الارض

**Kareem.ElAraby** · 25-05-2013 12:02 PM

صباح الخير
شوف حضرتك اليوكوهاما ديه مفيش حد اشتكي منها تقريبا !
و لو أقولك ان قريبي و صحابي مغيرين مثلا 5-6 أطقم لغايه دلوقتي و زي الفل
شوف منظومه الفرامل و الزوايا و فرده قبل فرده ديه ممكن محتاج تاخد هوا للفرامل
أو فرده مقفواه , مفتوحه عن التانيه
شوف بتاع زوايا نضيف بس و جرب
و الفرده ديه لا تقل البريدج ال gr 90
بالتوفيق