الموضوع: دعوه لوضع جدول او معايير ثابته بقسم المقارنات للتسهيل على الاعضاء فى اتخاذ القرار

المشاركة الأصلية كتبت بواسطة s o p h o s

فكرة جميلة منك كالعادة
بس رأي ان المفروض فقسم المقارنة يكون الكلام عن تجربة يا اما موثوق فيه جدا قبل ما يتقال
لان للاسف في بعض وجهات نظر القليلة بتقول هي نفسها تركب عربية ايه
يعني مقارنة عن عربية تويوتا وعربية بي ام مثلا
الي بيخش يقول بي ام وبدون سبب او ملاحظات وطبعا لانه بيحب البي ام ونفسه يمتلكها وهنا بتبقي المشكلة
ان القسم هدفه محاولة افادة من يبحث عن عربية ممتازة ومحتار مع عربية اخري
ومفيش مجال لوضع رأي او طموح فموضوع لان دي فلوس هتتدفع والكلام الانسان هيتحاسب عليه فالنهاية
فأتمني يكون في نظام او شئ يقول ان الرأي فالقسم هنا مش طموح ولا تأمل فتحقيق امنيات
ولو رجعت المواضيع فالقسم هتلاقي ردود بتتكرر فكل موضوع
معايا كذا وعاوز اشتري تلاقي الرد جاهز علي عربية محددة طب ايه السبب ايه عيوب العربية
مش مشكلة المهم ان الشكل جميل وقليلة وطموحي هي !! طبعا مينفعش
واتمني كلامي ميكنش مزعج فهو مجرد رأي فالنهاية
تحياتي ليك ..

المشاركة الأصلية كتبت بواسطة ahmed a.maksoud

الموضوع أكبر من تحيز شخص لماركة معينة.....

الموضوع فيه حاجات بيختلف الأحساس بيها من شخص لأخر..........بمعنى أيه

هنقول ثبات....مثلاً
ممكن أنا أركب الميجان و اقول أنها ثباتها 100%
واحد تاني متعود على الألماني هيقول لأ طبعاً دي 80% مش 100%

بالمثل..........و ده حاصل فى الميجان تحديداً

أنا بشوف التكييف بتاعها أداءه كويس جداً فى عز الحر..........و فيه عضو تاني شايف أن أداءه مقبول مع الرأفة.........و ده ناتج عن أختلاف الأحساس بيني و بينه بالبرودة.

نفس القصة هتتكرر فى السحب....و نعومة العفشة.....الخ.

يبقى الخطوة التانية بعد ما تحط معايير معينة و ثابتة......أن يكون فيه لجنة مهمتها تجربة العربيات المختلفة و تقول رأيها............و دي مش حاجة سهلة أنها تتعمل و إن كنت أتمنى ذلك.

كلامكم سليم يعنى من الممكن وضع المعايير الثابته فى جدول مقارنه ومن بنود المعايير دى باب الملاحظات الشخصيه وهنا يتكتب فيها الانطباع الشخصى منك عن العربيه وبكده يبقى وضعنا معايير فنيه واضحه مفيهاش جدل + انطباعات شخصيه توصل بينا لنتيجه ايجابيه او سلبيه

تحياتى