كيا كارينز 2014 حجزت والاستلام يوم الاحد

**Dr.M_baz** · 24-05-2013 10:39 AM

الف مبروك مقدما

**kokowasfy** · 24-05-2013 10:52 AM

انت لسة على البر معلش متدفعش فى عربية كورى مهما كانت 210 الف ؟؟؟؟؟؟؟؟؟؟؟؟؟؟؟؟؟؟ اية الرقم الى انا شيفة دا دا انتا تجيب عربية جيب رانجلر مستعملة بلسعر دا احسن مليييييييييياااااااااااار مرة

**meroo99** · 24-05-2013 11:37 AM

ياباشا الف مبروك مقدما
بس نصيحة لوجه الله انا كنت حاجز عربيه قشقاى ابيض من سمير ريان من اسبوعين ودافع نصف الفلوس وكنت هكمل الفلوس تانى يوم لقيت المعرض بيكلمنى وبيقولى العربية اتباعت وممكن تيجى تختار لون تانى قولتله انا دافع فلوس و واخد رقم الشاسيه ولون العربيه فى الايصال قلى لك اصل العربيه حصل خطا فى السيستم والعربيه اتباعت .
ممكن تختار لون تانى قولتله للك وانا هاجى اخود الفلوس عشان مفيش ثقة فى البيع !!! طبعا انا عرفت ان العربيه انا كنت هشتريها بـــــــــ 200 الف وجاله فيها 203 الف فبعها . فخلى بالك من سمير ريان لانه مبقاش ذى القول انا شارى منه قبل كده اكثرمن 8 عربيات يعنى مش قول مره .

**meroo99** · 24-05-2013 11:40 AM

يا باشا خليك فى الــ سبورتاج تانى فئة نفس السعر تقريبا وعربية على الطريق

**shaddadfalcon1** · 24-05-2013 12:10 PM

208 الف؟ طيب حضرتك سالت علي قطع غيارها احسن تلاقيها اغلي من البيجو ؟؟

**esam_ayad** · 24-05-2013 12:49 PM

أولا يا باشا ألف مبروك علي العربيه التحفه دي .
وأنا شايف ان الناس عماله تكتب قشقاي أو سبورتاج--------->أولا :هو الإتنين دول سبعه راكب.
ثانيا : تمنهم كام الإتنين دول؟؟؟؟؟؟؟
ثالثا : قطع غيارهم أعتقد هاتبقي نفس تمن الكارينز.
رابعا: البيجو 5008 دي كل الناس خايفه منها علشان الصيانه وقطع الغيار وسعر إعادة البيع اللي مش مضمون زي الكوري.

يبقي في المجمل ألف مليون مبروك يا باشا وإتهني بعربيتك مادام إنت مقتنع بيها وشايفها صفقه رابحه.
لكن ماتنساش تعملنا تقرير عنها بعد ماتستلمها وبعد ماتكمل بيها ألف كيلو ان شاء الله.

**2CODE** · 24-05-2013 03:43 PM

يا جماعة الراجل بيتكلم عن عربية 7 راكب مش عربية suv زي القشقاي والسبورتاج دي حاجة ودي حاجة ثم ان الكارينز عربية عائلية من الدرجة الاولى ولايمكن مقارنتها الا بنظريتها من العربيات العائلية يعني مينفعش تتقارن بسبورتاج ولا بقشقاي

القشقاي عيوبها معروفة ومش هنتكلم عنها وكفاية الفتيس بتاعها مش هقول لك ان الدريكسيون بيطلع في ايدك ونيسان طلبت عربياتها علشان كده (شوف اليوتيوب وشوف الانترنت عن المشكلة دي)
فيبقى طلع القشقاي من برا حساباتك نهائياً اذا كنت بتفكر في عربية suv العمر واحد وانا لايمكن الاقي الطاره في ايدي وانا بسوق والعربية ماشيه لوحدها غير الفتيس ومشاكله يبقى سيبك منها نهائي

نيجي بقى للكارينز :

العربية 7 راكب - واسعة - موتور gdi مع cvvt - الهاي لاين فيها كاميرا وحساسات (انت عارف ان الـbmw x1 بـ325 الف ومن غير كاميرا !!!!!!!!!!!!!!!!) وغير المميزات التانية يعني العربية الهاي لاين نازله تقريباً بكل الكماليات زي بتاعة برا بالظبط علشان محدش يقول لك فرق في المواصفات والله عايز المواصفات ادفع اكتر وخد الفئة الاعلى

انا مازلت شايفها جيدة - وده رأيي الشخصي وكتبت الاسباب فوق بشكل موجز جداً غير ان عربيات كيا دلوقتي خلال السنتين دول بقيت عربيات تتركب فعلاً جودة واداء وبسم الله ما شاء الله غير زمان نهائي في تقدم ملحوظ جداً وممتاز

**AhmedNaeem** · 24-05-2013 03:55 PM

انا شايف انها نقلة مختلفة
بس حضرتك شوفتها وبتشكر فيها
يبقي الف مبروك مقدما
ومستني التقرير

**ZOoOoMA** · 24-05-2013 04:24 PM

المشاركة الأصلية كتبت بواسطة 2CODE

يا جماعة الراجل بيتكلم عن عربية 7 راكب مش عربية suv زي القشقاي والسبورتاج دي حاجة ودي حاجة ثم ان الكارينز عربية عائلية من الدرجة الاولى ولايمكن مقارنتها الا بنظريتها من العربيات العائلية يعني مينفعش تتقارن بسبورتاج ولا بقشقاي

القشقاي عيوبها معروفة ومش هنتكلم عنها وكفاية الفتيس بتاعها مش هقول لك ان الدريكسيون بيطلع في ايدك ونيسان طلبت عربياتها علشان كده (شوف اليوتيوب وشوف الانترنت عن المشكلة دي)
فيبقى طلع القشقاي من برا حساباتك نهائياً اذا كنت بتفكر في عربية suv العمر واحد وانا لايمكن الاقي الطاره في ايدي وانا بسوق والعربية ماشيه لوحدها غير الفتيس ومشاكله يبقى سيبك منها نهائي

نيجي بقى للكارينز :

العربية 7 راكب - واسعة - موتور gdi مع cvvt - الهاي لاين فيها كاميرا وحساسات (انت عارف ان الـbmw x1 بـ325 الف ومن غير كاميرا !!!!!!!!!!!!!!!!) وغير المميزات التانية يعني العربية الهاي لاين نازله تقريباً بكل الكماليات زي بتاعة برا بالظبط علشان محدش يقول لك فرق في المواصفات والله عايز المواصفات ادفع اكتر وخد الفئة الاعلى

انا مازلت شايفها جيدة - وده رأيي الشخصي وكتبت الاسباب فوق بشكل موجز جداً غير ان عربيات كيا دلوقتي خلال السنتين دول بقيت عربيات تتركب فعلاً جودة واداء وبسم الله ما شاء الله غير زمان نهائي في تقدم ملحوظ جداً وممتاز

انا اول مره اسمع عن عيوب القاشقاي ديه بصراحه

و مع ذلك انا شايف ان سعر العربيه مبالغ فيه بصراحه
و ربنا يبارك لصاحبها فيها

**abokoko** · 24-05-2013 04:40 PM

الف مبروك مقدما
العربيه صورها تحفه
والكورى بينتشر وبيتطور
و7 راكب شيئ ممتاز
بس السعر محبط جدا

للتذكرة
فى عربيات تانيه 7 راكب غير الافانزا والتريوس
لوجان 7 راكب وموجوده ملاكى / وسيارة اجرة للمطارات / وللتعاقد مع الطلبه
واللوجان ال7 راكب هى موتور السيدان

فولكس كادى لايف
وهى فى الاساس عربيه فان ومتقفلة ملاكى واجمل ما فيها طريقه طى الكراسي
او حتى رفعها بالكامل - وهى ارخص من الكارينز الجديده

جريت وول منزله عربيه 7 راكب
الهند منزله الاسكربيو ديزل وبنزين

السابق ارخص من الكارينز

الفوتشنر من تيوتيا 7 راكب
بس اغلى
بس 300 من 220 مبعدتش كتير فى السعر

ربنا هو الموفق