الكرولا بتاعتي مروحتها مجنونه وهاتجنني.

**esam_ayad** · 24-05-2013 01:05 PM

السلام عليكم

ندخل في الموضوع علي طول :

من اول ما الحر الناااار بدأ يدخل هنا في الكويت _ تقريبا من شهر _ وأنا بلاحظ شبء غريب

العربيه من غير ماأشغل التكييف مؤشر الحراره بيطلع لحد قبل النص بشرطه واحده وتبدأ المروحه تشتغل دقيقه كده وتفصل تاني وأعتقد هو ده الطبيعي.
لكن اول ماأشغل التكييف حتي لو العربيه لسه علي شرطتين أو تلات شرطات ألاقي المروحه اشتغلت وممكن تفضل شغاله ييجي عشر دقايق أو ربع ساعه بدون مبالغه وبعدها تفصل أقل من دقيقه وتشتغل تاني.

هو في إيه ؟؟؟؟؟؟؟ إيه اللي بيحصل؟
هاتجنن من المروحه دي وخايف تبوظ في أي وقت من كتر الوقت اللي بتفضل شغاله فيه ده.

**horas3000** · 24-05-2013 03:51 PM

اعتقد ده عادي يا زعيم
التكيف حمل علي العربيه و جو الكويت بديع
و المروحه هتفضل شغاله لغايه لما درجه الحراره توصل للمعدلات الطبيعيه

**horas3000** · 24-05-2013 04:28 PM

المشاركة الأصلية كتبت بواسطة esam_ayad

بس يا باشا دي المروحه بتشتغل حتي لو أنا لسه مشغل العربيه واستنيت دقيقه واحده وبقي مؤشر الحراره علي شرطه واحده وأقوم مشغل التكييف علي طوووول تقوم المروحه شغاله!!!!!!!!!!!!!!!!!!

كده يبقي غالبا في حاجه مش مظبوطه
ممكن حساس و لا حاجه
وديها لاي كهربائي يبص عليها
او انزل الشويخ عشان لو احتاجت حاجه تجيبها علي طول

**ahmed1981** · 24-05-2013 06:05 PM

عادي جداً

-

**esam_ayad** · 24-05-2013 10:33 PM

المشاركة الأصلية كتبت بواسطة ibn_seeena

مافيهاش حاجة يا حج

أنا والعربية لما كانت لسة زيرو كنت بركنها في جراج وأنزل في الشتاء أشغل التكييف بارد علشان الدورة متبوظش من الركنة

كنت أدور العربية والجو تلج
وأقوم ف ثانية مشغل التكييف
وبمجرد ما يشتغل المروحة بتشتغل على طول وتفضل شغالة دقيقة وتفصل ودقيقة وتفصل وهكذا
حتى لو العربية لسة مسخنتش أصلاً ولا مثلاً هتفكر تسخن

بس اكشف برضه علشان تطمن بنفسك

بس يا باشا دي المروحه مش بتشتغل دقيقه وتفصل ودقيقه وتفصل,
لأ دي بتشتغل علي الأقل عشر دقايق متواصل ان ماكنش ربع ساعه.وهي دقيقه المروحه تسكت وتشتغل تاني!!!!!!!

**lamada** · 26-05-2013 03:35 PM

ده طبيعى و عادى جدا جدا

لو المروحة مشتغلتش مع التكييف مش هيحصل تبريد اصلا

مش انت عندك تكييف فى البيت و ليه وحدة داخلية و خارجية

الوحدة الخارجية اول ما تشغل التكييف مراوحها بتشتغل علشان تبرد الفريون اللى فى الدايرة

هى دى بقى مروحة اللى على الرادياتير او السربانتينه زى ما بيقولواز

متقلقش و متكشفش ومفيش عندك اى مشاكل