مش عارف اجيب ايه بدل الافيو برجاء المساعدة

**yehiaabdelrhim** · 24-05-2013 05:09 PM

انا معايا افيو 2008 بكماليات خاصة من التوكيل انا عايز ابيعها و اجيب حاجة تانية عشان احس امى راكب عربية ( كراحة و كسواقة و كأمان ) انا فى بداية حياتى يعنى مش عايز اقضى نص اليوم فى الحرفيين او التوكيل - انا بحافظ على العربية جدااااا و عايز حاجة تعيش معايا من 4 - 6 سنين من غير مشاكل كتير فا ياريت تساعدونى فى الأختيار
انا عايز حاجة فى حدود 70000- 85000 سواء كان مستعمل او كسر زيرو و يارريييييييييييييييييت تبعدو عم الكورى :)

**ahmed1981** · 24-05-2013 05:21 PM

مش عايز تقضي نصف اليوم في الحرفيين وبتدور على مستعمل

هذان الأمران لا يجتمعان

طالما عايز الراحة يبقى عليك بالزيرو

ولو زودت ل 95000 ممكن تجيب السانديرو الأوتوماتيك أو أي زيرو في المستوى ده

وبرضه محدش يضملك إنك متروحش التوكيل لكن أكيد أريح من المستعمل

-

**M I D O** · 24-05-2013 05:29 PM

مستعمل يبقي لانسر بومة ممتازة بس الافضل تجيب زيرو احسن عشات تريح دماغك من مشاكل المستعمل

**yehiaabdelrhim** · 24-05-2013 05:36 PM

المشاركة الأصلية كتبت بواسطة m i d o

مستعمل يبقي لانسر بومة ممتازة بس الافضل تجيب زيرو احسن عشات تريح دماغك من مشاكل المستعمل

انا فعلا بقول ان الزيرو افضل بس انا حدود المبلغ اللى معايا 85000 و مش هقدر ازود اكتر من كدة و لو هجيب حاجة زيرو هتبقى كورى او صينى وانا بصراحة كرهت الكورى عشان بعد سنتين او 3 العربية بتتعب و الموتور لو بتجرى مش بيبقى بنفس الأداء بتاعة و هو زيرو عشان كدة انا بفكر فى المستعمل الألمانى او اليابانى