لكل اصحاب الادا 2110 مشكلة التبريد وحلها ضروري

**cobraa2008** · 24-05-2013 05:52 PM

يا جدعانا انا بقالي 6 سنين معايا 2110 حلو في الشتا العربية ولا اروع مافيش بعد كده راحة وانسيابية وقليلة الاعطال والحمد الله اول ما يخش عليا الصيف العربية يركبها 100000000000000 عفريت الحرارة في السما من اقل مشوار مع العلم ان الردياتير شغال كويس والمروحة بتشتغل لكن عندي مشكلة ارتفاع الحرارة فانا عاوز اعرف هل كل اللي معاه العربية ده عنده نفس المشكلة ولو حد كانت عنده وحلها ممكن يقلي حلها ازااااي ولو كده ممكن حد يقلي اعمل ايه مع العلم ان في الصيف لو ماشي بليل بتبقى عااادي يعني ولو قرصت على العربية في طريق طويل سوا صيف او شتاء لازم اركن لحد ماتبرد والقرص يعني اجيب 160-180 بالعربية على الاقل
وشكرا

**hassanin_lada** · 24-05-2013 07:01 PM

طبيعي جدا لما تقرص علي ار بي ام لحد 5000 او 6000 العربيه تسخن خصوصا الجو بتاعنا ده

لما نتكلم نتكلم علي الطبيعي لو انت بتمشي طبيعي هل مؤشر الحراره بيعدي النص !!

اخبار التكيهات ايه صحيح !!

**mohammed dodda** · 24-05-2013 09:30 PM

المشاركة الأصلية كتبت بواسطة cobraa2008

يا جدعانا انا بقالي 6 سنين معايا 2110 حلو في الشتا العربية ولا اروع مافيش بعد كده راحة وانسيابية وقليلة الاعطال والحمد الله اول ما يخش عليا الصيف العربية يركبها 100000000000000 عفريت الحرارة في السما من اقل مشوار مع العلم ان الردياتير شغال كويس والمروحة بتشتغل لكن عندي مشكلة ارتفاع الحرارة فانا عاوز اعرف هل كل اللي معاه العربية ده عنده نفس المشكلة ولو حد كانت عنده وحلها ممكن يقلي حلها ازااااي ولو كده ممكن حد يقلي اعمل ايه مع العلم ان في الصيف لو ماشي بليل بتبقى عااادي يعني ولو قرصت على العربية في طريق طويل سوا صيف او شتاء لازم اركن لحد ماتبرد والقرص يعني اجيب 160-180 بالعربية على الاقل
وشكرا

.....اعتقادى الشخصى ان اللادا اساسا مصممة للدول ذات الطقس البارد زى روسيا و دول اوروبا..القصد ان كل عربية ليها قدرة وحدود وظروف تشغيل متعدهاش... انا عندى العربية كويسة لحد ال150 بيبقى المؤشر على نص الاخضر بعد كده160 و170 يبتدى موضوع السخونة يقرفنى بس غالبا بيبقى فى النهار والحر بس....ياريت حضرتك تكلمنا اكتر عن ال2110 نظامها ايه معاك فى التحمل والثبات والسحب والتكييف والتوب سبيد واخبار الصيانة وقطع الغيار ايه؟ العربية دى نادرا ما حد بيتكلم عنها فى المنتدى!!

**esam123** · 03-06-2013 04:12 AM

هو العربية بتسخن فعلا

**walidabc** · 21-06-2013 01:59 AM

اولا شوف مروحة التبريد شغالة كويس و لا لا مش مجرد انها تشتغل لانها ممكن بدور بس مش بالسرعة المطلوبة (غالبا الكلتش بيكون في الحالة ده بايظ)
لو كلتش المروحة تمام اتاكد ان السلوك مربطة كويس و مش مشعرة (كانت عندي الحرارة عالية علي طول برغم دوران المروحة لكن سلكها كان مش مربوط كويس فكان في تسريب في الكهربا
ثانيا تاكد ان دورة التبريد مفيهاش اي هوا
لو كله تمام مع ثرموستات ٨٢/ ٨٧ الحرارة بتكون اقل من ٩٠ بشرطة

**cobraa2008** · 11-09-2013 03:04 AM

انا اسف للغيبة بس لظروف الامتحانات والتدريب العربية للي بيسأل جيدة نسبيا بمقارنة سعرها العربية هتكلم لو انت محافظ عليها ومهتم بيها يعني هتكلم على حالة العربية من 3 سنين لان الفترة ده موش مهتم بيها ومابعملش مشواير كتير التكييف رااائع لكن بعيد عن مشكلة الحرارة اللي موجودة من يوم ما اشرناها والتوكيل مالاقش حل العربية بتجيب 180 مستريح حتى لو العربية مليانة بشر ومحملة العربية بصورة عامة لو على طريق سريع وشادد وكده بتجيب وبتجمع كويس وبتبقى زي الفل قطع الغياار الاساسية الحمد الله متوفرة وبكثرة في محلات كتير وملياناة في محلات الادا في التوفيقية المشكلة بتبقى في الصنايعية ماحدش اشتغل فيها قبل كده فلو موش ميكانيكي كويس جدا هايبوظها او حتى لو كهربائي تاني حاجة العربية التقفيل مصري وموش هنتكلم عن الموضوع ده بالنسبة للثبات الثبات كويس ومحترم جدا لان وزن العربية موش قليل تقريبا 1.5 طن وغير كده تصميم العربية ذان نفسه مديها ثباات العفشة محترمة وبتاعة اشغال شااقة والعربية عالية عن الارض تنفع في مصر

**ايمن رجب** · 24-12-2013 02:54 PM

بمراجعة السيارة 2110
العربية بتعطى اعلى معدل 90 حصان عند 5600 لفة
ده معناه ان طبيعى ان عدد اللفات تبقى 5000 او 6000 فى ال 2110
لكن مش طبيعى ان العربية تسخن
انا لا اعتقد ان المشكلة من المروحة على السرعات العالية دى لان الهواء اللى بيقابله الريداتير على السرعة دى كافى للتبريد وغالبا المروحة بتبقى فاصلة
بص على ترموستات الكوعة ونضف الريداتير فى البنزينة واظبط تاكيهات

**devoelgendy** · 10-05-2014 04:55 PM

السلام عليكم
انا معايا نفس العربيه وعايز اتواصل مع حد استفسرمنه على حاجات كتيره مش فاهمها ممكن

**EhabAbdElshafy** · 01-09-2014 04:16 PM

كان حد قاللى ان اغير الرادياتير بواحد نحاس 3 ماسورة...ايه رايكم؟؟؟؟

**HanyAziz** · 03-09-2014 05:36 PM

الاخوة الاعزاء فى المنتدى
تحية طيبة وبعد
ردا على بعض تساوئكم فة مشكلة الحرارة فى السيارة اللادا 2110
مشكلة الحرارة تعتبر من المشاكل الخبيثة والمتعبة اللى ممكن تصيب السيارة نظرا لان احتمالات اسبابها بتكون كتير غير العيوب التانية اللى بيبقى حلها واضح وثابت ومتكرر
تبدا رحلة علاج السخونة خطوة خطوة الى ان تصل الى السبب وتتحل المشكلة بفضل الله وهذة بعض الاسباب :-
1- اولا التاكد من حسن عمل دورة التبريد ومراجعة الخراطيم ومستوى المياة فى القربة وعدم انسدادها و سلامة عمل مروحة التبريد والثرموستات وانتظام عملية توصيل المروحة عند الوصول لدرجة الحرارة الكبرى للثرموستات وكذلك توقف عمل المروحة بعد اتمام عملية التبريد والوصول لدرجة الحرارة الصغرى
ملاحظة عمل المروحة بالسرعة الطبيعية لانها ممكن تكون بتدور ضعيف او بتركن فترات وتشتغل تانى بسبب تلف
2- تسليك الرداتير و( عش ) الرداتير لانى دة الجزء اللى بين الشبكة الامامية والرداتير نفسة ووظيفته حماية الرداتير من دخول الاتربة والورق وكل ما هو ممكن يكون عائق لدخول الهواء للرداتير احنا بنسلك الرداتير دايما ومبنجيش ناحية العش اللى ممكن يكون سبب كبير نتيجة انسدادة فى منع الهواء عن الرداتير
3- الشكمان لو مكتوم العربية تسخن
4- علبة البيئة قد تكون سببا رئيسيا فى ارتفاع درجة الحرارة ودى ممكن تتسلك لو مسدودة وفى 2110 مفيهاش فحم وبتكون مجموعة من الرقائق المثقوبة بتتسلك وهى راكبة فى مكانها
5- شوف العربية واخدة هواء ولا لا
6- بعد كل هذة المحاولات مابين الكهربائى والميكانيكى وبتاع الشكمان لو الله لاقد الحرارة مازالت موجوده فعليك بتغيير جوان وش السلندر الذى قد يكون سببا رئيسيا فى ارتفاع درجة الحرارة
واخيرا اناروحت التوفيقية واشتريت شوية حاجات لو عاوزين تاخدوا فكرة
سير كاتينى روسى 100 جنية
حمالة فتيس كاملة بالقاعدة روسى 180 جنية
طقم جوانات كامل روسى 120 جنية
وكمان نزلت عزبة شلبى لقيت واحد معروف هناك بيبيع كل اللى عاوزة استيراد وعندة انصاص كاملة ومواتير لادا 2110 اشتريت من عندة درج تابلوة كامل وكوعة ترموستات بالخراطيم والترموستات الاصلية
اسف على الاطالة وارجو ان اكون افدت الاخوة

الموضوع: لكل اصحاب الادا 2110 مشكلة التبريد وحلها ضروري

LinkBack

أدوات الموضوع

عرض

لكل اصحاب الادا 2110 مشكلة التبريد وحلها ضروري - انشر الموضوع فى :

-

-

-

-

المواضيع المتشابهه

مشكلة تويوتا 2009 وحلها

مشكلة الحرارة وحلها

دفتر احوال الادا السمارا -الرجاء من اصحاب الادا سماره

لاصحاب الادا 2110 الرجاء الدخول للاهمية

اي حد عايز اي حاجة عن الادا 2110 انا حاضر..

الكلمات الدلالية لهذا الموضوع

المفضلات

المفضلات

ضوابط المشاركة