استفسار هام بخصوص عفشة الالتو

**asd2** · 24-05-2013 10:58 PM

السلام عليكم يا نسور الالتو

انا معايا سوزوكي التو 1100 سي سي مو 2008 من سنه و نص
و مش قادر اقول قد ايه صحبتها كانت مبهدلاها

او مجبتها عملت طقم سرفيس كامل و جت كاوتش و جنوط جداد

بس المشكلة الازلية في العفشة
كان علي طول فيه طقطقة و دربكه في العدل و الملفات
غيرت الكبالن الخارجي و لكن برضه نفس المشكلة و لم تتحن
العربية من الرجه مش بتجيب اكتر من 90

فلحد ما روحت لعفشجي قالي دي الكبالن الداخلي
روحت سالت عليها جديدة لاقيتها ب 1600 جنية و الاستيراد 800 من الوكالة
فدورت لاقيت حد بيقولي ده فيه ورشة لتصليح الكوبلن الداخلي
فكيت واحد و روحت عملته خد من 70 جنيه
و كانت المفاجاه الصوت راح !!!!!!
الكلام ده بقاله 6 شهور

دلوقتي العربية غريبة جدا لما اجيب ال 80 بترج ة بحس ان مفهاش عزم حالص

فسوالي كالتالي
هل ده من الكبالن ام من اسطوانه الفتيس و الدبرياج
و هل لازم اكشف عليهم و اغيرهم لاني مكشفتش عليهم من ساعه مجبت العربية

السوال التاني
انا عاوز اغير العفشة كلها
فمنين اجيب مساعدين جداد نضاف و لا اجيب استيراد و اجيب ده او ده منين و اللي غيرهم الرينج كام
و للعلم اني سالت عليهم في سوزوكي سنتر لاقيت المساعدين الامامي 650 و الخلفي 300
و هل لازم اغير السوست و البيض و الجلب و علبة الدريكسيون و الطنابير و لا اكشف عليهم الاول

معلش انا طولت عليكم بس انا خبرتي في العربيات قليله و مش عارف ابدا منين
شكرا لكم

**asd2** · 24-05-2013 11:16 PM

و دي الحاجات اللي انا غيرتها و بالاسعار
و كان ليا استفسار عن
اسعار الاكصدامات و منين
ساعه التابلو اجبها منين

1- الزيوت و الفلاتر
تغيير الزيت شل 5000 كم ب 125 جنيه
فلتر الزيت من 25 ل 35 جنيه
تنضيف او تغيير فلتر الهواء 50 جنيه

2- السيور
تغيير سير الدينامو 25 جنيه
تغيير سير الكاتينه 120 جنيه س سنتر \100 جنيه ميدو
بلية الشداد 125 جنيه س سنتر\ 90 جنيه ميدو

3- الريداتير
تغيير مية الريديتر الاسباني iada الجركن ب 35 او تجيب نوع توتال باور مصري ممتاز ب 20 جنيه

غسيل دورة المياة في وطنية
طلمبة المياة 200 جنيه ميدو

4- البنزين
تغيير فلتر البنزين 50 جنيه ميدو

5- كهربا الماتور
تغيير البوجيهات الواحد ب 25 جنيه

6- الماتور
تربيط وش السلندر و قواعد الماتور و عمود الكرنك

7- الدبرياج و الفتيس
تغيير زيت الفتيس بزيت شل ممتاز واللتر ب 24 جنيه

الفرامل
تغيير تيل الفرامل 90 ج ماليزي و 120 ج هندي س سنتر

التكييف
سير التكييف ب 25 ج

الكهرباء
الفوانيس امامي ب 150 ج و خلفي كامل ب 140 و اوشاش الواحد ب 50 جنية من ميدو
الاشارات جانبية 2 ب 10 جنيه

العفشة
تربيط العفشه والقواعد وتربيط عصاية الفتيس من تحت العربية...و تشحيمها كل 10000 كم
الكبالبن خارجي الجوز ب 320 ج من ميدو و 600 ج من س سنتر
داخلي كاوتش داخلي تشحيم ب 50 جنية
المساعدين امامي و خلفي 650 ج \ 300 ج

الكاوتش و الجنوط
الترصيص
ظبط الزوايا

السمكرة
رفرف امامي 357 ج استيراد
كارتيره امامي ب 80 ج استيراد

الصالون

زجاج الكهربا المكن ب 300 ج
اكرة الباب ب 40 ج من ميدو
المرايات الجانبية 180 ج و 300 ج و الاحسن استيراد

زجاج امامي ب 320 ج
علامات سوزوكي خلفية 20 ج

**oraby88** · 26-05-2013 01:45 AM

بعد اذنك هو حضرتك جبت مكن الزجاج من عند مين والسعر ده شامل الاتنين ؟

**al_manara** · 26-05-2013 04:33 AM

الكبالن بتاعتها من الوكالة ب 350 جنية . الكوبلن كامل ولسة جايبة

الاكصدامات من الوكالة الخلفي كان ب 300 جنية
والامامي معاة الفوانيس ب 800 جنية . لواحدة مش عارف . والاسعار دي وانا معدي سالت عليها .

**asd2** · 26-05-2013 04:29 PM

المشاركة الأصلية كتبت بواسطة oraby88

بعد اذنك هو حضرتك جبت مكن الزجاج من عند مين والسعر ده شامل الاتنين ؟

هو انا جبته من محل تصليح ابواب معرفة و كان مكنتين ب 300 ج بس شغلين كويس لان الاولنين كانوا بيعلقوا

**asd2** · 26-05-2013 04:34 PM

المشاركة الأصلية كتبت بواسطة al_manara

الكبالن بتاعتها من الوكالة ب 350 جنية . الكوبلن كامل ولسة جايبة

الاكصدامات من الوكالة الخلفي كان ب 300 جنية
والامامي معاة الفوانيس ب 800 جنية . لواحدة مش عارف . والاسعار دي وانا معدي سالت عليها .

ايوه انا سالت في الوكالة علي بتوع السوزوكي لاقيت 2 واحد اسمه زكريا سوزوكي و التاني اسمه سيد محله في حارة كده و قالي ال 2 ب 800 ج و كان مجرد بسال عليهم و مفصلتش
بس فيه ناس خوفتني و قالتلي لازم تاخد عفشجي معاك و تكشف عليهم

بعد اذن حضرتك هو الكبلن اللي جبته كويس و جبته منين و خت معاك عفشجي و لا

**al_manara** · 26-05-2013 08:46 PM

كويس جدا الحمد لله .
الكوبلن بيكون الاصلي بتاع العربية .
شوف الكوبلن بتاعك هتلاقي علية افيز .شوف شكلة (طبعا دة لو انت مالعبتش فية) والاستيراد هتلاقية نفس الشكل
لان لو الكوبلن مفكوك لازم الافيز الاصلي يشلوة وبيركبوا الافيز بتاعتنا الي بمسمار بيتربط .
تاني حاجة امسكة بايدك ولفة حوالين نفسة وشوف بيلف كويس ولا لا وفي اي اصوات غريبة منة ؟

دة غير انك بتاخدة علي التجربة .

المحل الي جيبتة منة صاحبة اسمة يحيي . اسال علية هتلاقية معروف هناك .

**Amr Axel** · 27-05-2013 09:33 PM

لا حول ولا قوة الا بالله ديه مكنتش مخليها عربية خالص هههههههه
بس نصيحة لو جايب سير الكاتينة و البلية من احمد حلمي بص عليهم في اقرب وقت يعني بعد 10000 مثلا لأن كانت ليا تجربة زي الزفت بصراحة سير هندي من عندهم و بلية كاتينة قالي اس جي بي من هناك مكملوش معايا 10000 حتي و طلعت السير ع اخره و البلية بتلق

اما سير الكاتينة جيبها سوزوكي الاصلي او صن ياباني او كونتنينتال و البلية سوزوكي بس تجيبها من التوكيل او ليدرز او اكرم حمدي و البلية ليتل كويسة و ديه برده تجيبها من ليدرز او سوزوكي سنتر او اكرم حمدي لكن ليدرز و سوزوكي سنتر ارخص و هي هي نفس النوعية

اهم حاجة متسترخص في القطع الداخلية عشان متندمش

بخصوص السحب الضعيف من 80 غالبا ده طقم دبرياج لكن حكمي مش بنسبة 100 % لأن العربية مش قدامي
لو هتجيبه جيب فاليو اللي عند اكرم حمدي بلاش من اي حتة تانية لأني عارف اماكن هتلاقيه بـ250 و 300 كمان لكن مش أصلي التقليد و لو في اي مكان تاني لقيته لازم العلبة الجديدة و هي لونها اخضر فاتح و عليها العلامة الجديدة بتاعت فاليو فوق ع الشمال تقريبا اما الطقم من جوة هتلاقي مطبوع عليه السريال نمبر و علامة فاليو بالليزر و الطقم حتي شكله نضيف مفيهوش خدش من الاخر الطقم ع الشعرة التقليد ياما هتلاقي شكله كأنه معمول عند خراط او معليهوش اي بيانات او العلبة القديمة
اما البلية ممكن تجيبها nsk لأنك احتمال متلاقيش فاليو و الناس اشتكت من بلية فاليو

**asd2** · 28-05-2013 12:07 AM

المشاركة الأصلية كتبت بواسطة amr axel

لا حول ولا قوة الا بالله ديه مكنتش مخليها عربية خالص هههههههه
بس نصيحة لو جايب سير الكاتينة و البلية من احمد حلمي بص عليهم في اقرب وقت يعني بعد 10000 مثلا لأن كانت ليا تجربة زي الزفت بصراحة سير هندي من عندهم و بلية كاتينة قالي اس جي بي من هناك مكملوش معايا 10000 حتي و طلعت السير ع اخره و البلية بتلق

اما سير الكاتينة جيبها سوزوكي الاصلي او صن ياباني او كونتنينتال و البلية سوزوكي بس تجيبها من التوكيل او ليدرز او اكرم حمدي و البلية ليتل كويسة و ديه برده تجيبها من ليدرز او سوزوكي سنتر او اكرم حمدي لكن ليدرز و سوزوكي سنتر ارخص و هي هي نفس النوعية

اهم حاجة متسترخص في القطع الداخلية عشان متندمش

بخصوص السحب الضعيف من 80 غالبا ده طقم دبرياج لكن حكمي مش بنسبة 100 % لأن العربية مش قدامي
لو هتجيبه جيب فاليو اللي عند اكرم حمدي بلاش من اي حتة تانية لأني عارف اماكن هتلاقيه بـ250 و 300 كمان لكن مش أصلي التقليد و لو في اي مكان تاني لقيته لازم العلبة الجديدة و هي لونها اخضر فاتح و عليها العلامة الجديدة بتاعت فاليو فوق ع الشمال تقريبا اما الطقم من جوة هتلاقي مطبوع عليه السريال نمبر و علامة فاليو بالليزر و الطقم حتي شكله نضيف مفيهوش خدش من الاخر الطقم ع الشعرة التقليد ياما هتلاقي شكله كأنه معمول عند خراط او معليهوش اي بيانات او العلبة القديمة
اما البلية ممكن تجيبها nsk لأنك احتمال متلاقيش فاليو و الناس اشتكت من بلية فاليو

استاذ عمرو المتميز بالمعلومات القيمة للالتو
انا فعلا جبت السير و البليه من ميدو و ان شاء الله هعمل صيانه قريب و اكشف عليهم
و اكشف برده عن اطوانه الدبرياج و الفتيس لاني حاسس ان السبب منهم

بس سوالي لحضرتك
عاوز اغير المساعدين و حاجات العفشة التانية اجيبهم استيراد و لا جديد و منين
و الف شكر لحضرتك