صيانة الافيو

**vetdody** · 24-05-2013 11:33 PM

عايزة اعرف يا جماعة اما اجى اعمل الصيانة للعربية اروح فرع من فروع التوكيل ولا اروح مركز معتمد اللى تبع شفرولية اية الاحسن

ولو حصل حاجة فى العربية اروح بردة توكيل ولا مركز معتمد وانا ساكنة فى مدينة نصر اية افضل توكيل واية افضل مركز معتمد

والفلوس اللى بتدفع على الصيانة دى ثابتة ولا بتختلف من عربية لا اخرى

معلش يا جماعة مش عايزة حد يضحك علية

**M I D O** · 25-05-2013 12:23 AM

الافضل تروح مراكز الخدمة المعتمدة من التوكيل عشان تحافظ علي الضمان و اسعار الصيانات بتختلف من عربية لاخري بس محدش هيضحك عليك متخافش لانك بتاخد فاتورة بالفلوس الي بتدفع

**Hosam_Optrawy** · 25-05-2013 04:44 AM

حسب الصيانه

لو صيانه دوريه عاديه , يبقى فرع التجمع احسن فرع لعدة اسباب

مفيش عليه ضغط , العربيه بتتعمل ادام عينك

بس هو مركز صيانه سريعه يعنى تغيير زيت وفلاتر وبوجيهات وسيور , صيانة تكييف , تغيير تيل

لكن لو صيانه محتاجه مثلا تغيير مساعد او تغيير زيت فتيس لأ , دهان وسمكره لاقدر الله برضه مفيش , الحاجات دى فى المركز الرئيسى اللى فى مدينة نصر او اللى فى الهرم طريق مصر اسكندريه كيلو 4.5

اسعار الصيانه وقطع الغيار بتختلف من عربيه للتانيه

حجز الصيانه 16424