الموضوع: مقارنة تفصيلية بين الفانتازيا والالنترا 2013

المشاركة الأصلية كتبت بواسطة inspiron

بسم الله الرحمن الرحيم

- ده موضوع تفصيلي يشمل مقارنة بين سكودا أوكتافيا فانتازيا وهيونداي إلنترا.

المقارنة هتكون بين أعلي فئة أوتوماتيك في الألنترا وأعلي فئة أوتوماتيك في الفانتازيا

نبدأ بالإلنترا :-

- المواصفات الفنية :-

* محرك 1600 سي سي 16 صباب يولد قدرة 125 حصان ( Gross )
* ناقل حركة أوتوماتيك 6 سرعات مع ستيبترونيك.
* نظام تعليق تورشن بيم.
* وزن السيارة curb weight 1144kg
* أبعاد السيارة 4,530 طول 1,775 عرض 1,435

- عوامل الأمان :-

* فرامل abs
* 2 وسادة هوائية.
* باور يفصل تلقائياً علي السرعات العالية.

- التجهيزات :-

* 4 زجاج كهربة مع خاصية auto down لشباك السائق فقط.
* سنتر لوك غير مزود بالغلق التلقائي أثناء السير.
* تكييف هواء أوتوماتيك بدون dual zone .
* مثبت سرعة.
* طارة متعددة الوظائف.
* بلوتوث.
* مرايات كهربة وضم كهربة.
* فتحة سقف.
* كاسيت سي دي وراديو بشاشة تاتش..وصوته متواضع.usb/aux
* فرش جلد بالكامل.
* طارة جلد.
* حساس ركن خلفي.
* شاشة بيانات للعدادات تعرض نقلات الفتيس واستهلاك البنزين وكمبيوتر الرحلة.
* تشغيل المحرك بدون مفتاح ( smart key )
* فوانيس شبورة أمامية.
* جنوط مقاس 16

فيديو تسارع السيارة الأوتوماتيك :-

Hyundai Elantra 2012 Steptronic transmission 0 to 170 - YouTube



تقييمي للعربية :-

- من حيث التسارع :- يعتبر التسارع بتاع العربية جيد جداً لحد 200 كم /س ودي أقصي سرعة وصلت لها.
- أداء السيارة علي طريق :-

من حيث الثبات.تم تجربة سيارة زميل لي في العمل وكانت التجربة علي طريق السويس الصحراوي.العربية لحد 140 تحت السيطرة ومش بطالة.بعد الـ 140 مصيبة..خفيفة بشكل غير طبيعي ومطبات الهوا بتلعب بيها لعب السنين.
من حيث نظام التعليق..ناشف جداً ومش عارف السبب إيه..أنا قولت يمكن الكاوتش مش مش حلو بس لما بصيت عليه لقيته هانكوك.وأعتقد إن ده نوع ممتاز في الكاوتش.لكن العربية في الطرق المكسرة لو ماشي بسرعة 40 أو 60 مثلاً..مشكلة بجداً..إهتزاز قوي وكل زلطة بتسمع في جسم العربية.ويا سلام لو عديت بيها علي المطبات الحديد الصغيرة دي اللي هي عين القطة.تسمع أحلي رزع في جسم العربية..لكن في المطبات الصناعية العادية والطرق اللي فيها مطبات ناعمة العفشة كويسة وأدائها كويس فيها.

الثبات :- 7.5/10 وممكن نقول 8/10 لأنها كويسة لحد 140
التعليق :- 7/10

* تصميم السيارة من الخارج ( وجهة نظر ) :-

- من الخارج التصميم جميل جداً وشيك والخطوط الهندسية بتاعة جسم العربية حلو.
يعيبه فقط إن السوك كتير وصعبة جداً لو إتخبطت تتظبط..وحجم الفوانيس مستفز شوية من الأمام والخلف..يعني لو خبطة في أحد الرفارف سهل جداً تدمر الفانوس.

شكل التصميم :- 9/10
إعتمادية التصميم :- 7.5/10 وإن كان فيه سمكرية ولاد عفاريت في موضوع السوكة ده
قوة الصاج :- 6/10






* تصميم السيارة من الداخل :-

- فعلاً تصميم وشكل الطابلوه والأبواب جميل جداً جداً وذوق راقي وعصري.
-شكل الطارة حلو وشبابي.
- شكل عصا الفتيس معجبنيش..يعني الأفضل إنها تكون جلد لأن الشكل ده يعتبر قديم.
- البلاستيك المستخدم في الخامات الداخلية مش وِحش ولكنه مش ممتاز..ممكن نقول عليه جيد مرتفع.
- التقفيل بصراحة تقفيل نظيف.
- الفرش الجلد بتاعها حلو.

تصميم :- 8.5 /10 عشان عصا الفتيس.
الخامات :- 8/10
التقفيل :- 9/10






بالنسبة لعزل العربية :- صوت الموتور مسموع شوية..وصوت الهواء نقدر نقول مسموع لكن مش بحد كبير.

تقييم العزل :- 8/10

بالنسبة لأداء التكييف :- من الآخر 10/10

بالنسبة لمساحات التخزين جيدة جداً..والشنطة مش صغيرة ومش كبيرة..يعني زيها زي باقي فئتها.

-----------------------------------------------------------------------------------------------

سكودا أوكتافيا فانتازيا :-

* المواصفات الفنية للسيارة :-

- موتور 1600 سي سي 8 صباب يولد قدرة 105 حصان ( Net )
- ناقل حركة أوتوماتيك 6 سرعات أوتوماتيك مع نظام تيب ترونيك والوضع الرياضي S
- نظام تعليق ماكفيرسون ومالتي لينك
- curb weight 1380 kg
- أبعاد السيارة 4,569 طول 1,769 عرض 1,490 إرتفاع

* عوامل الأمان :-

1- EBD,ABS, MBA,MSR,ASR
2- عدد 4 إيرباج.
3- عدد 5 أحزمة أمان.
4- فصل الوقود عن المحرك في حالة التصادم لا قدر الله.
5- نظام corner light وده عبارة عن إضاءة فانوس الشبورة حسب إتجاه العربية يمين أو يسار.أنا مش عارف أشغله إزاي.
6- نظام EBC.
7- ISOFIX للأطفال.
8- IMMPOLIZER .
9- باور كهربة يفصل تلقائياً علي السرعات العالية.
10 - الإستشعار بأي عائق للزجاج أثناء صعوده.
التجهيزات :-

- سنتر لوك وزجاج كهربه مع وحدات رفع لجميع الأبواب.
2-عدد 2 مفتاح fold يمكن فتح الشنطة وتانك البنزين منه وكذلك التحكم في الشبابيك وغلق المرايات.
3- مصابيح الإشارة الجانبية في المرايات مع وجود مصباح في كل مرآه للإضاءة بجانب الأبواب عند فتحهم وعند فتح السنتر من الريموت.
4- طي كهربائي للمرايات.
5- عدد 2 مساحة أمامية للزجاج و 1 للزجاج الخلفي.

6- عجلة القيادة وفرامل اليد وعصا ناقل الحركة مكسوة بالجلد الطبيعي.
7- صالون جلد طبيعي بالكامل.
8- تعديل عجلة القيادة في 4 إتجاهات مختلفة.
9- عجلة القيادة متعددة الوظائف multi functions .
10- شاشة بيانات كبيرة وسط العدادات بها وظائف عديدة مثل :

* عداد سرعة ديجيتال
* إستهلاك البنزين وحساب الكيلو متر المتبقي بالنسبة لكمية الوقود.
* متوسط السرعة الحالية.
* كمبيوتر رحلات.
* بيان نقلات ناقل الحركة.
* بيان درجة الحرارة.
* إظهار البيانات الخاصة بالهاتف.
* إظهار البيانات الخاصة بالنظام الصوتي.
* عن طريقها يتم معرفة ما إذا كان أحد الأبواب مفتوح أو غطاء المحرك أو الشنطة.
* كمبيوتر أعطال ومواعيد الصيانة.
*وأخيرا عن طريقها يمكن التحكم في بعض الوظائف مثل :

a- تحديد السرعة التي يبدأ عندها الصوت التحذيري.
b- تحديد غلق الأبواب أوتوماتيكيا عند سير السيارة وفتحها عند وقوفها.
c- تحديد تشغيل خاصية غلق النوافذ في حالة سقوط الأمطار أو غلقها عند سرعة معينة.

11- نظام صوتي bolero تاتش جبار في نقائة وإمكانياته الصوتية يدعم mp3 , aux, sd card ,radio, audio. مع عدد 8 سماعات بنظام Harman kardon
12- إمكانية إرتفاع مستوي الصوت تلقائيا مع زيادة السرعة.
13- سينسور بارك.
14- بلوتوث للإتصالات الهاتفية ( كاركيت )
15- تكييف climatronic dual zone مع خاصية توزيع الهواء للمقاعد الخلفية.
16- شاشة الكاسيت تعمل بمثابة كمبيوتر كامل خاص بالنظام الصوتي والتكييف والبلوتوث والسينسور ووظائف السيارة.
17- درج التابلوه مبرد وكذلك درج الكونسول.
18- درج الكونسول متحرك للأمام والخلف كمسند يد.
19- عدد 12 مكان تخزين بالمقصورة مع حوامل أكواب.
20- التحكم في إرتفاع وإنخفاض كرسي السائق.
21 - التحكم في إرتفاع وإنخفاض إضاءة المصابيح الخارجية.
22- مصباح قراءة للمقاعد الخلفية وآخر للأمامية.
23- سخانات الكراسي
24- سخانات للزجاج الخلفي والمرايات الجانبية.
25- تعتيم تلقائي للمرايا الداخلية والجانبية.
26- مقابض الأبواب الداخلية من النيكل كروم.
27- حليات للأبواب و التابلوه والكونسول الأمامي.
28- إريال إلكتروني في الزجاج الخلفي مع إريال رياضي إضافي.
29- مؤشر لضغط الإطارات.
30- مثبت سرعة.
31- مصابيح أمامية Adaptive xenon مع عدسات
32- حساس مطر مع مساحة خلفية.
33- جنوط 17
34- فتحة سقف كهربة
35- نظام day light
36- بخاخات فوانيس
37- نظام follow me لتحديد مكان السيارة عند فتح السنتر

* فيديو التسارع :-

skoda octavia 1.6 mpi acceleration - YouTube



- تقييمي للعربية :-
* من حيث التسارع :- يعتبر تسارع العربية جيد جداً ومرضي علي الأقل ليا.علي الرغم من إعتراض 500 % من الناس علي الرأي ده ومش عارف السبب لحد دلوقتي لكن أنا بقول إنه جيد جداً وفقط محتاج sense علي دواسة البنزين عشان تعرف تجريها..مع العلم أقصي سرعة وصلت ليها كانت 205 كم /س

* أداء السيارة علي الطريق :-
- العربية دي مهما قعدت أقول شعر في ثباتها..مش هقدر أديها حقها..إختبرتها تحت كل الظروف اللي خلقها المولي عز وجل.بداية من الطرق المستقيمة علي سرعات 180-190-200 مرورا بالملفات اللي باخدها علي سرعة 160-170 كم بدون أدني شعور بالخطر وأخيراً علي طرق المليئة بمطبات الهواء علي سرعات 160-170-180

من حيث نظام التعليق :- هو مش ناعم..ولا ناشف..تقدر تقول الوسط.يعني في الطرق الغير ممهدة علي سرعات 60-80 كم..أداء العفشة ممتاز ومش مزعج لجسم العربية ولا لجسمك.لما بعدي بيها علي سرعة 60 من فوق المطبات الحديد اللي هي عين القطة..بتسمع بنسبة تحت المتوسط في جسم العربية..لكن لو علي سرعة أكتر من 60..الإحساس ده بيقل 50%..وطبعاً علي المطبات الصناعية أداء زي الفل.علماً بأن الكاوتش اللي فيها كونتينينتال ألماني وده معروف إنه ناشف.

الثبات :- 10/10
التعليق :- 9/10

* التصميم الخارجي للسيارة ( وجهة نظر ) :-
- تتميز العربية دي بتصميم يخلط بين الإنسيابية والوقار وخطوط هندسية رائعة.مع الأخذ في الإعتبار إن صاج العربية دي فولاذي بمعني الكلمة..يعيبه فقط الكبوت أنا حاسس إنه أضعف جزء فيها بالنسبة لقوة باقي الصاج.

التصميم :- 9/10
إعتمادية التصميم :- 9.5/10
قوة الصاج :- 9/10





* التصميم الداخلي للسيارة :-

- يتماشي تصميم السيارة من الداخل مع تصميمها من الخارج,,إنسيابية ووقار وفخامة..جودة خامات غير عادية.جودة البلاستيك المستخدم في المقصورة فوق الممتاز.الفرش الجلد للصالون أكتر من رائع.بداية من عصا فرامل اليد وعصا الفتيس مروراً بعجلة القيادة وفرش الأبواب وأخيراً المقاعد.

التصميم :- 9/10
الخامات :- 10/10
التقفيل :- 10/10






بالنسبة للعزل :- صوت الموتور مسموع في بداية التحرك حتي الغيار التاني..بعد كده صوته بيكون هادي جداً..صوت الهواء مسموع بردو لكن مش بالقدر المزعج..عادي يعني.
العزل :- 8.5/10

أداء التكييف..إختلف عليه الكثيرين..تكييف العربية دي عشان تاخد منه أحسن أداء..الأول هتظبطه علي العلامة الزرقاء.وتعمل سرعة المروحة للآخر..وده لمدة 5 دقائق..بعد كده تعمله علي درجة حرارة 18 وتخليه مظبوط علي auto low تاخد أحلي أداء..في آخر سفرية للغردقة في الحر ده كانت سرعة المروحة بتظبط نفسها تلقائي بين الـ3 والـ 2 ومعظم الوقت علي 2.

التكييف :- 9/10

بالنسبة لمساحات التخزين..فيها مساحات كتير بس مش ده المهم بقه..المهم الشنطة..إشي خياااال يا ناااس..تفرش كوفيرتة وتنام فيها وتتقلب براحتك.أكبر شنطة عربية في فئتها.

---------------------------

حقائق مختصرة :-

- إرتفاع الأوكتافيا من علي الأرض أكتر من الإلنترا مع عدم تأثير هذا علي الثبات ده شئ يحسب لها.لأن الإلنترا بتحك في المطبات مع الحمولة.

- أسعار قطع الغيار في الإلنترا لما سألت صاحبها قالي أرقام عجيبة مش عارف علي أي أساس..علي سبيل المثال المراية بـ 1700 جنيه العادية اللي مش ضم كهربة !!

- إعتمادية الأوكتافيا اللهم صلي علي النبي عليها.يعني 103000 كم في 3 سنوات مش باين أي إستهلاك للصالون أو الصاج أو الموتور أو الفتيس أو العفشة..معرفش بصراحة الإلنترا ظروفها إيه في الجزئية دي.

- في النهاية أرجو إني مكونش نسيت حاجة وأن ينال الموضوع إعجاب الجميع.

ايه ده , انت بتقول الانترا مش ثابتة !!!!!!
وكمان قطع غيارها اغلى من الاوكتافيا !!!!!!!

قابل بقى الاعصار الكورى اللى جاى على القسم .. فاعل خير بس يديهم اخبارية بالموضوع

"انتا مفكر الالنترا دي عربية .دي المفروض يكتبوا في الكتالوج بتاعها ما نعرفكش بعد ال١٤٠ " الكلمة دي ابن عمي قالهالي بعد ما باع عربيته النترا ٢٠٠٩ واشتري فورد فوكاس وقالي دي بعد ١٤٠ العربية بتبقي شوربة لا فرامل و لا اتزان يعني معاك قوة و مش عارف تتحكم فيها ........بعدين الجديدة شكلها مقرف و راح جربها قالي برده عك

طبعا سكودا
الكوري لسه بدري عليه

و بعدين المقارنة لازم تبقى قريبه في الشبه يعنى سكودا و استرا مثلا....او النترا و سيراتو
لأن ترتيب العربيات من جيث المنشأ معروف
1- أوروبي (ألماني تحديدا)
2- ياباني
3- كوري و ماليزي
4- صيني و اى حاجة تانية