هشتري لانسر 2013 كسر زيرو النهـاردة إن شاء الله .. أرجـو المســاعدة

**Lancer in Need** · 27-05-2013 12:12 PM

السلام عليكم ورحمة الله وبركــاته ،

السادة الأعضـاء الكرام ..

أخوكم ناوي إنشاء الله يشتري عربيـة .. وكان نفسه تشوروا عليـه

دي إن شاء الله هتكون أول عربية ليّـا ، ونويت على اللانسـر

لقيت في معرض لانسـر 2013 أوتوماتيك، الفئـة الثـانية (اللي هيّا كلاسيك + جنوط .. من غير abs) ، ماشية 11 ألف كيلـو , فبريكـة من بره وجوّه الإكصدام للإكصدام "على حد كلامه اللي ناوي اتأكد منه في التوكيل بإذن الله" .. ولو إن العربيـة حالتها باين عليها ماشاء الله

فمعلش بما إني لسه جديد في العربيات ، فلو ممكن شوية استفسارات .. ويجازيكم ربنا كل خير

- العربيـة مطلوب فيها 114 ألف .. إيه رأيكم في السعر !؟.. مع العلم إنها جديدة بـ 134 تقريبـا

- موضوع إن مفيهاش abs ده فيه ناس خوفتني منه .. خاصة إنها أول عربية ليّا .. إيه رأيكم !؟

- أنا سمعت عن موضوع صاجة الفرامل اللي مبتكونش في العربية في الأول ، وبعد كده التوكيل بيركبه .. إيه حكايتها وأعرف إنها متركبة إزاي !؟

- إيه أحسن توكيل في اسكندرية ممكن أخليه يكشفلي على العربية كلها وأثق فيه ؟.. وتكلفته كام ؟

- عامة,, إيه أهم الحاجات اللي اخد بالي منها وأنا بجيب اللانسـر !؟

متشكــر جدا مقدما ، وأرجو الأخوة هنـا يفيدونـا بسرعة لأني احتمال أخلص في العربية النهاردة :)

**M I D O** · 27-05-2013 01:02 PM

نصيحة حاول تزود شوية وتجيب فيها abs لانة مهم جدا

**Dr.lancer** · 27-05-2013 01:51 PM

ربنا يوفقك و تشتريها. بالنسبة للسعر معقول قوى تنزل 20 ألف من الزيرو (10 تركيب نمر و عشرة علشان 11.000 كيلو. بس أتاكد أنها فبريكة من التوكيل) موضوع abs ممكن تتنازل عنه لأنها ماشاء الله فراملها حلوة (أنا معايا موديل 2013) و من غير abs .
ماتنساش وانت بتشتريها تكشف على التكييف لانى لاحظت بعض الموديلات تكييفها ضعيف عن التانية. بالنسبة للتوكيل فباذن الله حد من الأعضاء الاسكندرانية يقولك عنه.

**shaddadfalcon1** · 27-05-2013 02:05 PM

طيب ماتجيب شارك احسن واجدد واشيك ؟

**mahmoud_anwar** · 27-05-2013 02:08 PM

المشاركة الأصلية كتبت بواسطة lancer in need

طيب هوا عدم وجود abs في العربية يعيبها !؟

يعني عامة الصفقة مقبولة ولا لا ؟.. 114 وهيا بتتباع جديدة ب 134

أصل حضرتك متنساش انها بتتباع مستعملة .. يعني يا تشيل يا بلاش ، مفيهاش نقاوة

زي ما انتا قولت مافيهاش نقاوة وكل واحد علي قد فلوسة
انتا فلوسك هتجبلك حاجة كده عايز بقا تزود وتركب ابي اس وفتحة سقف زود بس سعرها حلو ممكن كمان تخبط معاه في 2000 ولا 1000 كويس جدآآآ
وربنا يرزقق بي الأحسن