زجاج الفانتازيا بيهرتل

**طارق _عبد السلام** · 28-05-2013 12:47 AM

السلام عليكم

العربيه بقالها كام يوم مجننانى فى موضوع الزجاج الكهرباء

هقولكم اللى بيحصل معايا ومنتظر تعليقاتكم ومن منكم واجه هذا التهييس قبل كده

العربيه بتبقى تمام ارفع الازاز انزل الازاز عادى بدأت تعلق الازاز اليمين ازاز الراكب من التحكم عندى فقط لكن من باب الراكب كله تمام قلت ممكن الزراير فيها صدأ أو اتربه ممكن ابقى انضفها بس لانى مشغول جدا بمرض زوجتى مفيش وقت لانى بنزل للعربيه اركبها واجرى بيها

بعد كده بدأ الزجاج من ناحيتى انا يشتغبل بتهييس هو كمان يعنى ارفع انزل عادى وفجأه ميقبلش كأن الزرار فصل وبالتالى الاربع ابواب المهم انا استبعدت الزراير من ناحيتى (المجموعه الموجوده فى الباب) ليه لانى لو بطلت العربيه ودورتها تانى الازاز بيشتغل تانى عادى جدا وبعدين يعمل نفس المشكله بمزاجه

المهم امبارح فصلت كابلات البطاريه علشان ارستر كمبيوتر العربيه

واستخدمت العربيه كم مشوار صغير والازاز ماشى عادى بس مش عارف هيعملها تانى ولا لا

نفكر مع بعض ممكن ده ايه

**inspiron** · 28-05-2013 12:53 AM

عدة إحتمالات :-

- لخبطة في كنترول الباب الرئيسي نتيجة مياه غسيل أو ما شابه.
- لخبطة ecu واتحلت بعد فصل البطارية وتركيبها ( هيبان معاك ).
- تهييس من الفيوز.

**طارق _عبد السلام** · 28-05-2013 01:10 AM

المشاركة الأصلية كتبت بواسطة inspiron

عدة إحتمالات :-

- لخبطة في كنترول الباب الرئيسي نتيجة مياه غسيل أو ما شابه.
- لخبطة ecu واتحلت بعد فصل البطارية وتركيبها ( هيبان معاك ).
- تهييس من الفيوز.

ربنا يستر يازعيم
وتبقى اتحلت بفصل البطاريه هى كانت ماشيه كويس النهارده بس انا مكنتش بستعمل زجاج كتير

**inspiron** · 28-05-2013 01:12 AM

إن شاء الله خير وابقي طمنا بكرة إن شاء الله..وألف لا بأس علي زوجة حضرتك.ربنا يطمنك عليها

**forti** · 28-05-2013 01:16 AM

ان شاء الله الدنيا تكون اتظبطت يا استاذ طارق و الف سلامة لزوجة حضرتك

**طارق _عبد السلام** · 28-05-2013 01:32 AM

المشاركة الأصلية كتبت بواسطة inspiron

إن شاء الله خير وابقي طمنا بكرة إن شاء الله..وألف لا بأس علي زوجة حضرتك.ربنا يطمنك عليها

ان شاء الله

ربنا يبارك فيك يارب والحمد لله على كل شىء

**طارق _عبد السلام** · 28-05-2013 01:33 AM

المشاركة الأصلية كتبت بواسطة forti

ان شاء الله الدنيا تكون اتظبطت يا استاذ طارق و الف سلامة لزوجة حضرتك

الله يسلمك يادكتور

ربنا يجازيكم خير يارب

**Moratoz** · 28-05-2013 02:45 PM

بص يا استاذي انا ساعات بيعمل عندي زي حضرتك كدة وبعدين لما ابتديت اركز في الموضوع لقيته بيحصل في حاله اول ما افتح العربيه وادور الموتور علي طول وافتح الزجاج في نفس التوقيت فجرب تدي تفسك وقت لأدارة الموتور اولا ثم بعد ذلك افتح الزجاج براحتك بيشتغل كويس واعتقد انها بتبقي تهيسه كونترول من استخدام ثلاث اوامر متتاليه قريبه الزمن من فتح الريموت وادارة العربيه وفتح الزجاح .
جرب وقولي
تحياتي

**SYD** · 28-05-2013 03:03 PM

اولا الف سلامة علي زوجة حضرتك وربنا يطمنك عليها
ثانياً مع كامل احترامي لكل من شارك - بس الزجاج الكهربائي لا علاقه له بالكنترولر بتاع العربية لا من قريب ولا من بعيد ولا تحكم من الecu علي عمله
الecu متعلق بكل ما يخص دورة البنزين + الحساسات الموجودة في المحرك
فيما بعد يجوز أضافة بعض الأوبشنز علي الEcu زي مثلا حساسات التوجيه والسرعة والأتزان والتراكشن
لكن زجاج بيطلع وينزل مالهاش اي علاقة بالecu

انا ارجح انها كتاوت الزجاج - طالما شغالة من بابك ومن باب اليمين لا
او العكس

والله اعلي واعلم

تحياتي