شعب عليه العوض فيه

**tota_ys** · 28-05-2013 12:14 PM

انا كنت راكب تاكسى ابيض شغال بالغاز والراجل دخل محطه الغاز علشان يمون وقولتله كده هتاخر نزلنى مرضيش وبعدين انا كنت رايح المعادى عند المستشفى العسكرى وكنت فى باب اللوق لف بيا لفه غريبه من وسط البلد علشان يطلع على طريق الكورنيش يا عم انت بتعمل ايه وايه اللفه دى قعد يقول كلام غريب المهم وصلنى المعادى والاجرة كانت 25 جنيه طلعت 30 علشان يدينى الباقى الاقيه واخد الفلوس وماشى يا عم الباقى يا سيدى الباقى ولا كانه هنا
وبعدين قالى فيها ايه يعنى لما اخد بقيت ال30 جنيه بصراحه ان كنت عايز اضرب الراجل بس كان معايا واحد صاحبى هو اللى كان بيهدينى
اللى مجننانى بقى انه لما فول التنك بالغاز دفع حوالى 11 جنيه والمشوار مش ياخد اكتر من حوالى ربع ساعه
للاسف عليه العوض فى الشعب دا
انا عايز افهم يعنى ايه ثورة
رحت المرور دفعت رشوه اكتر مناللى كنت بدفهعا ايام حسنى
كان زمان فى كل منطقه تلاقى لجنه شرطه واقفه بالليل دلوقتى خلاص بخ مافيش حاجة اسمها شرطه وانفلات امنى فى كل مكان والمخدرات بتتباع فى الشارع علنى
طرق وشوارع مكسرة البهايم ماتمشيش فيها
خراب تام فى كل مكان
كان زمان لو اشتريت حاجة وطلعت بايظه تتصل بحمايه المستهلك او بالشرطه وكانت الحاجة دى بترجع دلوقتى كل البضايع اللى فى السوق مضروبه ولو رحت ترجع حاجة ممكن تضرب لان اللى بيبعها عارف اساسا انها بايظة
الواحد حزين على البلد اللى خربت
اكان فى فساد فى عصر حسنى مبارك اه بس الحاله ماكنتش كده
عليه العوض ومنه العوض

**ahmedhilmy** · 28-05-2013 12:23 PM

ربنا يهدي الحال و يعينا علي ما وصلنا ليه

**Ahmed_selmy** · 28-05-2013 12:47 PM

معاش يا باشا.....بس المشكله ان دى بقت ثقافة شعب....وحتاخد فترة لحد اما تتغير

**midnightman_74** · 28-05-2013 12:58 PM

المشاركة الأصلية كتبت بواسطة ahmed_selmy

معاش يا باشا.....بس المشكله ان دى بقت ثقافة شعب....وحتاخد فترة لحد اما ة تتغير

تتغير بالزيادة ولا بالنقصان ؟؟

**horas3000** · 28-05-2013 01:30 PM

خلاص يا زعيم
البلد باللي فيها بالسلامه انت

و خد عندك موضوع شبيه في اقل من 24 ساعة
http://www.nilemotors.net/Nile/359822-a.html

**speed_magnum** · 28-05-2013 01:57 PM

معاك حق
مش دي الثورة اللي حلمت بيها
واللي ماسكين البلد ما فيش علي لسانهم غير تلت كلمات
##اديله فرصتووووو
##دا ميراث 30 سنه
##هو مرسي اللي بيقطع الكهرباااا !؟!؟
ربنا يهدي

**S O P H O S** · 30-05-2013 12:46 AM

هنـعمل ايه ؟؟
نعمل اعلان نقول مطلوب شعب
لازم نستحمل مفيش حل تاني وربنا يصبرنا ..

**bisoo** · 30-05-2013 01:07 AM

المشاركة الأصلية كتبت بواسطة S O P H O S

هنـعمل ايه ؟؟
نعمل اعلان نقول مطلوب شعب
لازم نستحمل مفيش حل تاني وربنا يصبرنا ..

فكرة الاعلان انه مطلوب شعب صعبة شوية
انما فكرة تطهير الشعب ممكن تكون سهلة بمعني
معظم شعبنا للاسف لازم تضربه علي دماغه وتفضل كل شوية ماسكله الفزاعة الخاصة بيه علشان يفضل ماشي علي طريقه الصح

اننا وصلنا للمرحلة دي

مثلا / ايه راي حضراتكم ف اللي كان رجالة الشرقية كانت بتعمله انها كانت بتاخد حقها بايديها من البلطجية ؟

وربنا يستر ع البلد

-

الموضوع: شعب عليه العوض فيه

LinkBack

أدوات الموضوع

عرض

-

-

-

-

المواضيع المتشابهه

سمير وعيسوي..... حوار من قلب توكيل كيا ..عليه العوض خلاص

لكل من تكالبت عليه الهموم وضاقت عليه الدنيا وغلب عليه التشاؤم

عليه العوض و منه العوض

عليه العوض

وإنعدم الاحساس بالمسئولية وتقدير الأخرين عليه العوض

الكلمات الدلالية لهذا الموضوع

المفضلات

المفضلات

ضوابط المشاركة