عايز اشترى برنتر all in one فى حدود 300 جنيه

**greenday** · 28-05-2013 07:38 PM

انا محتاج اطبع اكتر من 200 ورقة ابيض واسود والوان ففكرت اشترى برنتر وسكانر بالمرة لانى بقالى فترة بفكر اشترى سكانر لان البرنتر مبحتجوش على طول فرايكم ايه فى افضل برنتر الوان وسكانر فى حدود 300 جنيه وياترى هاقدر اطبع بيه كام ورقة بالظبط ياريت حد يقولى رايه

**mando800** · 28-05-2013 11:02 PM

شوف دي
HP Deskjet Ink Advantage 2515 All in One Printer (CZ280A) | Price in Egypt سعر فى مصر | Collection

او دي

Canon Pixma MP230 All in One Printer | Price in Egypt سعر فى مصر | Winner Brands

**Ahmed_Adham** · 29-05-2013 12:56 AM

خد بالك الحبر بينشف لو مر فتره بدون استخدام فحاول تبقى تطبع ورقتين تلاته كل اسبوع ولا اتنين عشان تحافظ على الحبر.

**windofchange** · 29-05-2013 02:42 AM

الاينك جيت مش كويسة ميزتها انها الوان بس كده...لو مش عايز الوان هات ليزر نصيحة مني لك انا عندي واحدة استعملتها وركنتها بسبب حوار الحبر ده لو عايز اديهالك بسعر كويس بدل مهي مركونة عندي

**mohamed_selim** · 29-05-2013 10:41 AM

هيطلع عينك و الحبر بيخلص بسرعه بتيجى فيها نص كارتريدج يعمل ٥٠ ورقه الوان و الاسود حوالى ٥٠ برضه و بعدين تشترى حبر الكارتريدج حوالى ١٠٠ ورقه ب ٨٠ جنيه و فى xl ب ٢٥٠ بيعمل ٤٠٠ ورقه
بتكلم عن ال hp لو الالوان مش فارقه هات ليزر و فيها سكانر هتلاقيها بحوالى ٨٠٠ و بتطبع ١٠٠٠ ورقه

**javierzanetti** · 29-05-2013 09:34 PM

بلاش الحبر خالص هى الشركات بتغريك بالامكانيات الكتير و السعر قليل بس بعد كده هتلبس فى تمن الحبر - لازم تطبع على الاقل كل اسبوع مرة يا اما الحبارة تنشف
غبر ان البرنتر الحبر ابطأ من الليزر بكتير - و حتى لو هتملى الحبارة اخرها 3 مرات تقريبا و بعدين لازم تجيب واحدة جديدة اللى تمنها معدى 100 جنيه لكن بتاعت الليزر على الاقل هتطبع 1000 ورقة و ممكن تركنها فى الوقت اللى مش محتاجها

دى حاجة all in one laser ب 700 جنيه
Samsung SCX-3405 Multifunction Laser Printer | Price in Egypt سعر فى مصر | G Stores

و دى برنتر ليزر بس ب 375 جنيه
Samsung ML-1915 Laserjet printer | Price in Egypt سعر فى مصر | HiTech Stores

**mr_green** · 30-05-2013 08:38 AM

المشاركة الأصلية كتبت بواسطة javierzanetti

بلاش الحبر خالص هى الشركات بتغريك بالامكانيات الكتير و السعر قليل بس بعد كده هتلبس فى تمن الحبر - لازم تطبع على الاقل كل اسبوع مرة يا اما الحبارة تنشف
غبر ان البرنتر الحبر ابطأ من الليزر بكتير - و حتى لو هتملى الحبارة اخرها 3 مرات تقريبا و بعدين لازم تجيب واحدة جديدة اللى تمنها معدى 100 جنيه لكن بتاعت الليزر على الاقل هتطبع 1000 ورقة و ممكن تركنها فى الوقت اللى مش محتاجها

دى حاجة all in one laser ب 700 جنيه
samsung scx-3405 multifunction laser printer | price in egypt سعر فى مصر | g stores

و دى برنتر ليزر بس ب 375 جنيه
samsung ml-1915 laserjet printer | price in egypt سعر فى مصر | hitech stores

متفق تماما مع الرأى ده - عندى فى البيت و الله مش عارف ولا أطبع و لآ أصور حاجة مليت الحبر 3 مرات و بعد كده عايزة كارتدج جديدة و آخر ملوة ماشتغلتش أصلا

هات ليزر و إشترى راحة بالك و نفض للألوان

**Salamonti** · 30-05-2013 01:09 PM

الحل الاقتصادي والعملي هو انك تجيب واحدة ليزر تطبع بيها الاسود كله في البيت وتروح تطبع الألوان في اي حتة برة زي بين السرايات عند جامعة القاهرة أسعارهم رخيصة