الطريق من الشروق إلى العتبة

**falcon191** · 29-05-2013 01:54 PM

ياريت حد يدلني على الطريق من مدينة الشروق إلى الى شارع الجمهورية بالعتبة
واعتقد إن الأفضل أن يكون الطريق مارا بنفق الأزهر.
وشكرا

**Eng_Mostafa_89** · 29-05-2013 02:05 PM

هتاخد طريق مصر اسماعيلة و تدخل صلاح سالم ومن صلاح سالم تدخل ننفق الازهر وهتطلع فى العتبة

**mohamed_selim** · 30-05-2013 01:12 AM

هو فعلا كده اسهل طريق بس هتقابل زحمة السلام و زحمة جوزيف تيتو (السندباد) و زحمة صلاح سالم
فلو تعرف تخش من طريق السويس طوالى و من فوق نفق الثوره تاخد صلاح سالم هيكون افضل فى رايي
بعد ما تطلع من نفق الازهر العتبه هتكون فى ضهرك فالمفروض تلف ميدان الاوبرا و ترجع كانك هتنزل النفق تانى بس تاخد من جنبه على الشمال عشان تخش الميدان و تلف الميدان تلاتاربع لفه بس مش متاكد انهى شارع هو شارع الجمهوريه

**falcon191** · 30-05-2013 05:43 AM

شكرا على المشاركة ، بس كنت عاوز أتأكد اني لازم اطلع كوبري الفردوس قبل دخولي النفق؟

معلش آسف على اﻷسئلة الكتيرة دي أصلي خايف ادخل في طريق غلط واتعطل كتير ..كفاية الزحمة

**mohamed_selim** · 30-05-2013 11:07 AM

حتى لو غلط و مطلعتش الكوبرى يا اما هتنزل النفق اللى على اليمين خالص و ده زى الكوبرى بالظبط يا اما هتمشى من تحت الكوبرى على الميدان و تعدى الميدان و تكمل طوالى ... هتتزنق حاجه بسيطه بس الطريق واحد فمتقلقش