كنت هتثبت فى عز الزحمه

**mado83** · 30-05-2013 10:28 AM

ماشى فى امان الله واذ فجأه الطريق هدى اوى علشان زحمه البنزينه وعلى شمالى اوتوبيس والطريق يادوب واخد عربيتين
فاتح الشباك بتاعى نص واللى جنبى يادوب صوباعين اتنين وعلى الكرسى اللى جنبى تليفونى ومحفظتى ومتدارين بكيس كان فيه زباله فى العربيه علشان ارميه
وهوب واحد معدى من قدام الاوتوبيس والبديهى انه يعدى من قدامى انا كمان
لا لقيته قام ماشى بينى وبين الاوتوبيس وقام مصفر (طبعا علشان الرجاله اللى معاه يفهمو ان كده فى زبون) طبعا كان اول حاجه اعملها انى اقفل الزجاج
وبتابعه فى المرايه عارف انه هيعمل حاجه وراح راجع تانى ووقع نفسه وخبط نفسه فى المرايه وراح قايم يقولى لموأخذه ياباشاوايد على المرايه والتانيه فين................
على اوكره بابى بيفتحها شوفتو الفجر بتاع الناس ومارديتش تفتح قال بيجرب تانى وتالت ولو كانت فتحت كان هيقولى انى خبطه ويطلعنى من العربيه علشان اتخانق والرجاله يعملو الصح من الناحيه التانيه والحمد لله انى بققفل اللوك اول مابركب العربيه غير طبعا توكلت على الله قبل كل شئ وهنا الطريق بدأ يمشى وقولتله اهم حاجه انك كويس فداك المرايا وطبعا انا قريت الليله كده والحمد لله انها جت سليمه
على فكره دى مش اول مره فى المكان ده انا شوفت المنظر ده قبل كده بيتعمل مع واحد ومراته
المكان بقه فين للناس اللى عاوزه تعرف
الساعه 8 صباحا (طبعا ساعه البدريه منسيه ورزقها واسع)طريق مسطرد من نزله الدائرى عند بنزينه التعاون اللى قبل الشارع الجديد وقبل كوبرى مسطرد مباشره
ربنا يسترها علينا وعليكم
نسيت اقولكم على حاجه انى اتصلت بالشرطه علشان اعمل بلاغ يمكن يروحو هناك ويلمو الاشكال دى ولو انى عارف ان ماحدش هيعمل حاجه بس اهو الواحد بيعمل اللى عليه

**ديمو** · 30-05-2013 11:28 AM

هو الطريق الدى كلة كدة ؟؟

بعدين انت ما حكيت لينا اية اللى حصل مع الراجل ومراتة؟

**mado83** · 30-05-2013 11:51 AM

المشاركة الأصلية كتبت بواسطة ديمو

هو الطريق الدى كلة كدة ؟؟

بعدين انت ما حكيت لينا اية اللى حصل مع الراجل ومراتة؟

كان راكب عربيه شاهين ومراته جنبه وانا شايف لانه قدامى
وواحد جه من وراه ماشى على رجله وقام مخبطله على العربيه وايه ياااااااااااعم مش تحاسب ووقف عند اخر الرفرف الورانى علشان الراجل يبصله
وفعلا حصل الراجل لف جسمه كله وقعد يقوله هو انا كلمتك والواد يخبطله على العربيه وطبعا الست قامت لفت جسمها كله علشان تبص على الواد وفى اللحظه دى كان فى شريه دخل نص جسمه من الشباك اللى ناحيه الست وقعد يقلب فى العربيه والناس شايفين كل حاجه وقعدت ازمرله علشان ياخد باله والاخر واحد بموتوسيكل جه جنبه وقاله العيال دى بتقلبك وجريو وساله خدو منك حاجه قالهم لا الحمد لله

**El Prince** · 30-05-2013 11:58 AM

البلد كلها بأت حرامية - كويس انت بخير ...

يا جدعان ده انا نزلت انهارده الصبح لاقيت المساحات مسروقة !!!؟؟

تصوروا يسرقوا - مساحات - فى الصيف !!!

ايه القرف ده !!