كيفية تركيب فلتر الهواء (لانسر بومة 2008)

**newmoner** · 30-05-2013 11:48 AM

السلام عليكم ياشباب
النهاردة رحت اغير زيت الموتور وقبل التغيير فتحلى علبة فلتر الهواء وطلعه ونضفه بالهواء ومن بعدها وحاسس ان العربية مش مظبوطة وكنت راجع من مشوار فوجئت ان الكبوت مولع نار وشاكك ان يكون ركب فلتر الهوا غلط مش مكانه الصح لان فلتر الهواء له حساس ولازم يركب عليه
لو حد يعرف طريقة التركيب الصحيح لفلتر الهواء ياريت يشارك بيها
جزاكم الله كل خير

**mahmoud85** · 30-05-2013 12:09 PM

مافيش حساس علي فلتر الهوا
الفلتر بيطلع ويركب عادي جدا ومش محتاج خبير ... الحساس علي مدخل الهوا وده بعد الفلتر
موضوع السخونيه ده ممكن يكون من نوع الزيت او الفلتر او اي حاجه تانيه والله اعلم
ماتقلقش من الفلتر لان لو شيلته خالص اساس هيكون احسن في تدفق الهوا بس هيكون كارثه في دخول العوالق والشوائب

**amro0000** · 30-05-2013 08:38 PM

بص كويس تحت العربية وبص علي مقاس الزيت ليكون الفلتر اتركب غلط او طبة الزيت متركبتش صح والزيت بينقص من العربية دا ممكن يسببلك مصيبه وفية نقطة تانيه الجو اليومين دول حرررررررررر جدا جدا فخلي بالك دا طبيعي اكيد العربية هتلاقيها سخنة بردة بس حاول تتأكد من مقاس الزيت وعموما فلتر الهوا لية نحيتين هتلاقي نحية فيها سفنجة كدة والنحية التانيه الي هيا الفتحات خلي النحية الي فيها السفنجة نحية الشمال يعني النحية الي فيها السفنج كأنها نحية الشبكة بتاعة العربية والنحية الي فيها الفتحات نحية الدركسيون مثلا بتاع العربية اتمني تكون فهمت وصفتي اة واتأكد من الماية بتاعة الرداتير والمراوح شوفها شغاله ولا لاء ومؤشر الحرارة شوف فية فرق فية ولا علي النص اياك والسخونيه تدمر اي عربية وربنا يحفظك من المواقف دي وطمنا هنا ضروري

**newmoner** · 02-06-2013 12:58 PM

الف شكر ياجماعة على المشاركات والافادة انا فعلا بصيت على مقياس الزيت لقيته تمام وفتحت علبة فلتر الهواء ولقيته راكب زى ما عمرووو قالى بالظبط وغالبا بقى موضوع السخونية ده من حرارة الجو لان المؤشر مظبوط فاشكرا ياشباب واسف على ازعاجكوا