المشكلة فى حساس المكيف و الله اعلم

**megoo42002** · 30-05-2013 07:52 PM

السلام عليكم ورحمة الله وبركاته
اناعندي مشكله في مكيف سيارتي اوكتافيا 2007 a5 ..
المشكله ان المكيف شغال ويبرد وماعليه كلام
و شوية يطلع هواء حار / كانه يفصل الكمبروسر
بس لمبة الـ ac ماتطفى أبد , و يرجع يبرد مره ثانيه
والوضع عذبني بيحصلي كل خمس دقايق و فى اى وضع ان كنت واقف او ماشى بالسيارة
روحت كشفت فى التوكيل قالى الكمبروسر محتاج تغيير و روحت كشفت برة التوكيل قالوا حساس الكمبوسر هو الخربان
السؤال اللى عاوز اجابة هو
هل الحساس هو الترموستات ؟ هل ممكن نغير الحساس لوحدة و لا لازم نغير الكمبروسر كلة بالحساس بتاعة ؟؟؟؟؟؟؟؟
اسف على الاطالة

**roland_yamaha** · 30-05-2013 08:18 PM

انا حاسس برضو انه حساس الضغط اللي ع الكمبرسور
او في زياده فريون يعمل كده برضو عشان الكمبرسور ميبوظش فبيفصل اتوماتيك
بص كلم الراجل ده واشرحله المشكله هو كويس جدا وشاطر اوي اوي وشوفه هيقولك ايه
م/احمد حنفي المعادي 01065020100

**Sa3D ALEX** · 30-05-2013 08:57 PM

يا با شا دى مشكله ضبط ضغوط يعنى ايه
حضرتك تروح لواحد متخصص تكيف محترم و يفضى الفريون الموجود ويشحن فريون جديد

المشكله دى كانت عندى فى الشارك والكمبريسور بيفصل ويشتغل مع نفسه دى نتيجه ان الهواء اكتر من الفريون وادى الى تمدد الهواء مع الحراره وسخنيه الجو والموتور وذاد الضغط على الكباس طبعا وخلى أدائه مش مظبوط ومتغير شويه سحن وشويه بارد بس نصيحه روح اشحن فى وقت الظهر علشان دا احسن وقت بيتم فيه تظبيط ضغوط

وبدل الكمبريسور بيبرد حتى فى فتره صغيره جدا يعنى سليم وشغاااال ميه الميه المشكله كلها فى ضبط الضغط فقط

والحساس وظيفته فقط انه يفصل الكباس ويشغله فى وقت الحصول على الحراره المطلوبه غير كده لا

**megoo42002** · 30-05-2013 10:46 PM

شكرا على الردود
اولا انا بالخليج و ليس فى مصر و بالتالى الصيانة الوحيدة المعتمدة فى التوكيل فقط واى مكان تانى بيكون صنيعية عاديين مش متخصصين و الاسكودا بالاخص لازم حد بيفهم فيها .
ثانيا انا كنت محتار من المكيف و كشفت علية فى التوكيل و كان ردهم واحد مش بيتغير مع 2 فنيين فلبينيين ان الكمبروسر لازم يتغير و مفيش اى حل تانى
بس انا خايف ادفع فى التوكيل و يبقى العيب زى ما هو علشان كدا بسعى اتأكد الاول

بس كان عندى استفسار مهم جدا و هو
انى قرات فى بعض المنتديات مشاركات بعض الاخوة ان فى واحد غير الكمبروسر و اكد انة لازززززززم يغير رديتر المكيف ( السربنتينة ) ضروررررى جدأأأأأ لان عدم تغيرها يؤدى الى تلف الكمبروسر مرة اخرى ...هل دة صحيح؟ و اية السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

اسف على الاطالة

**megoo42002** · 30-05-2013 10:47 PM

و فى مرة تانية روحت التوكيل علشان المكيف تانى قولت استهبل عليهم و اشوف الرد تانى هيكون اية
قالولى لازم تغير الكمبروسر و مضيعش فلوسك فى شحن الفريون بدون فائدة

**megoo42002** · 30-05-2013 10:51 PM

هل رديتر المكيف لازم يتغير لو جبت كمبروسر جديد ؟؟؟

**Moratoz** · 30-05-2013 11:01 PM

المشاركة الأصلية كتبت بواسطة megoo42002

هل رديتر المكيف لازم يتغير لو جبت كمبروسر جديد ؟؟؟

ما دام السربنتينه سليمه مفيش داعي لتغييرها وحاول الاول تشوف موضوع الضغط داخل الكباس قبل التغير

**megoo42002** · 30-05-2013 11:15 PM

شكرا لاهتمام بالرد
بس اعرف منين ان السربنتينة سليمة و لا لا ؟
انهاردة روحت لصنيعى هندى كويس بس ميعرفش فى الاوكتافيا و ممكن ميكونش شافها قبل كدا و بعد ما شاف ان الماسورة اللى عند الكمبروسر باردة قالى الفريون كويس و لما قولتلة ان بيفصل و يشتغل و البرودة بتتقطع قالى يبقى مشكلة حساس بس هو ميعرفش يصلح الاوكتافيا فسبتة و مشيت و شكلى هروح التوكيل يصلحوها و يفضل تخوفى الوحيد ان يكون فى سبب بيخرب الكمبروسر ذى مثلا رديتر المكيف و ميتصلحش و ادخل فى المشكلة دى تانى
اسف على الاطالة

**megoo42002** · 30-05-2013 11:22 PM

المشاركة الأصلية كتبت بواسطة sa3d alex

بدل حضرتك ناوى تغير الكباس بس بتسأل علشان تتأكد وخايف يطلع العيب من حاجه تانيه
انا بقوللك ان التوكيل لو العيب متصلحش يبقى يلزمه ويرجعله تانى وغير كده بيديلك فتره ضمان اعتقد هتبقى كافيه لظهور عطل تانى
ده حل تانى مع الاولانى و غير كده معلوماتى وقفت

اشكر اهتمامك و ردك
بس احب اوضح ان التكلفة فى التوكيل هتكون كبيرة و انا متخوف ان العيب يكون بسيط و فى التوكيل يصلحة و فى نفس الوقت البس الكمبروسر الجديد
هى الفكرة متشعبة بين
فكرة اخلى التوكيل يضبط المكيف و خلاص على الاقل هيكون فية ضمان لمدة سنة بس التكلفة عالية و ممكن يسيب السبب اللى ادى لكدا و هو مثلا رديتر المكيف و يخرب تانى بعد فترة قصيرة ممكن تكون عدت الضمان
و فكرة ان يكون العيب بسيط و يتعالج بس التوكيل عملها عملية جراحية و غير حاجات زيادة مش محتاجينها
فشوروا عليا اعمل اية ؟؟؟؟؟؟؟