انطباعى عن الماروتى اول عربيه فى حياتى

**yasser36b** · 31-05-2013 01:47 AM

وبالنسبه عن انطباعى عن العربيه هى جميله جدا و الحمدلله بناتى لسه صغيرين فلمانا وهى اللهم بارك قرده على الطريق و بتجيب لحد 120 بس بقلق بعديها بس بجيب السرعه دى كل فتره عشان اصحيها :) عشان بحس ساعات انها شبه بناتى عايزه تجرى وتلعب بس خفيفه فبهدى بعد 30 ثانيه تانى.....وعندى مشكله فى الأول دايما بتكركر و تقف و خصوصا لما يكون فى حد ورايا بيزمر او لا برتبك وبتفصل كتيييييير بس الناس محترمه ولسه ماتشتمتش فعلى ما اعتقد لازم اتدرب شويه على الأول ده فى حته فاضيه ان شاء الله بس عموما بحبها الحمدلله وبعاملها زى عيالى وبفكر أطلعها معايا فى الأسانسير قدام الشقه :)....من الاخر بجد كنت مابحبش السواقه خاااااااااالص ومعذبها معايا فى نقل الفتيس بس هى جميله الحمدلله و بتستحمل

**monamize4** · 31-05-2013 02:05 AM

ما شاء الله ,, ربنا يباركلك فيها يا باشا و يديك خيرها و يكفيك شرها و عبقال ال S-class ان شاء الله

**YahiaAshraf** · 31-05-2013 02:09 AM

الف مبروك يا باشا و ربنا يباركلك فيها و يحفظهالك يارب

**أحمد جودة** · 31-05-2013 03:16 AM

ربنا يحعلها خير ليك وعليك ويديلك خيرها ويبعد عنك شرها

السواقة ممارسة وبالتعود هتلاقي نفسك بتنقل الغيارات تلقائيا بدون ماتشعر

تقبل مروري

**Eng.Peter** · 31-05-2013 03:36 AM

ربنا يبارك لك فيها

**lidosasa** · 31-05-2013 03:16 PM

ألف مبروك وربنا يبارك ليك فيها
ومشكلة التقطيع دى كانت بتحصل معايا كتير جداً لآن البدلات حساسة خالص وأنا كنت متعلم على لادا وبعد شوية حتتعود على طلعة العربية . أهم حاجة تراعى العربية هى عشرية وبتعمل بلقمتها :) ومصروفها قليل