علبة فيوزات بيجو 307

**ladanow** · 31-05-2013 09:39 AM

السلام عليكم

انا عندي بيجو 307 النور العالي علق و مش راضي يطفي خالص

الكهربائي كشف عليها و قالي العلبة بايظة ... حد عنو خبرة بالموضوع ده ؟

و حد عندو فكرة عن سعرها في مصر ؟

هي على ebay مستعملة ب 110$ نفس البارت نامبر اللي عندي

محتاج رأيكم

**hamaka** · 31-05-2013 01:11 PM

بتاعة السى 4 الجديدة الفرنساوى الأصلى ب 2000 تقريباً

**aldesha989** · 31-05-2013 02:12 PM

دور عليها استعمال احسن بس انا مش مصدق ان علبه الفيوزات معلقه وملهاش حل اللى اعرف اللى بيعمل كده كتاوت النور نفسها وبتتغير

**MuhamedNabil** · 01-06-2013 08:56 AM

المشاركة الأصلية كتبت بواسطة aldesha989

دور عليها استعمال احسن بس انا مش مصدق ان علبه الفيوزات معلقه وملهاش حل اللى اعرف اللى بيعمل كده كتاوت النور نفسها وبتتغير

بالضبط كدة , افتح المانيول بتاع العربية و دور على ريلاى النور , غالبا بيكون معلق و ممكن لو متعرفش كهربائى كويس روح التوكيل او مركز حدمة محترم حيخلصهالك و اعتقد الموضوع فى التوكيل مش حيتجاوز 150 جم.

**eng_asd2000** · 06-06-2013 02:32 PM

انا عندى نفس المشكلة بتاعتك... النور العالى بيفضل شغال و مابيفصلش غير لما افصل الفيشة بتاعة علبة الفيوزات الخارجية .... روحت وهدان اللى فى اكتوبر قالى لازم تغير علبة الفيوزات و تمنها كان قريب من 3000 مش فاكر بالضبط الرقم ...... سيبتهم وروحت لكهربائى بعد ما عرفت العيب فين وقالى هاشوفلك علبة فيوزات استيراد وهايكون تمنها فى حدود 850 جنية و انا فى انتظارة لما يشتريها ........ واحد صاحبى قالى اسأل سوسو اللى فى الهرم بس انا كنت مشغول الفترة اللى فاتت و متصلتش ودة رقمة لو انت حابب تستفسر و لو عرفت معلومات ياريت تفيدنا بيهاااا (هيثم سوسو 01009041761)

**Ahmed Amin** · 06-06-2013 03:52 PM

ومشوفتيش ليه ريلاى النور الأول زي ما بشمهندس محمد وضح.

مش منطقي انك تغير علبة الفيوزات عشان ريلاي نور معلق او فيوز.
شوف مكان الريلاي الاول اتاكد منه اذا كان سليم ولا بايظ.
ولو تروح التوكيل يبص لك عال علبة لو مش عارف مكانة او مش معاك الكتالوج والموضوع كله مش هيكلفك ١٠٠ ل ١٥٠ جنيه.
بدل ما يتشخص لك تشخيص غلط. وتتدبس ف علبة فيوزات استيراد رخيصة بس فيها مش عندك دلوقتي. او واحدة جديدة وانت مش محتاجها ولا العيب منها.

وابقي طمنا عملت ايه.