سؤال فى تقسيم شقة تمليك

**beshomilan** · 31-05-2013 04:22 PM

هل لو انا عندى شقه 200 متر صافى واشتريتها من المالك زى ماهى وفيها مثلا 4 غرف و2 حمام ومطبخ

اقدر اقسمها على شقتين كل واحده 100 متر بغرفتين وبحمام واخلق مطبخ جديد فى ركن وحتى اقدر اشيل حوائط فى الشقه واغير مكانها بدون الاقتراب من العمدان والاساسات؟؟

هل هذا قانونى؟؟ويتسجل عقد كل شقه فى الشهر العقارى؟؟

وادخل مياه وغاز وكهرباء للشقه الاخرى؟؟

ولو فيه حصه فى الارض تتقسم على 2 ؟؟

**أحمد كمال** · 31-05-2013 04:30 PM

اعتقد و الله اعلم ينفع

الا لو طبعا ساكن في مشروع عقاري ليه ادارة زي الرحاب مثلا و ماضي على عقد بعدم التعديل

**beshomilan** · 01-06-2013 12:00 PM

هل هناك جديد؟؟

**amr011111** · 01-06-2013 02:16 PM

الاهم من قبل ذلك
نظام السقف متصمم ازاى وهل يقبل هذه الاحمال

**speed_magnum** · 01-06-2013 02:42 PM

في مباني ينفع التعديل فيها وسقفها بيكون فلات
ومباني تانيه سقفها بيكون سملات ودي ما ينفعش تعدل فيها

**amr011111** · 02-06-2013 08:30 AM

المشاركة الأصلية كتبت بواسطة beshomilan

تقصد حضرتك سقف الشقة اللى هيكون تحتى؟
منا هشيل حيطان وهبنيها فمكان تانى..يعنى نفس النسبه بس هتتغير من مكان لمكان..ولا ايه؟

الفلات اللى هو سطح مستوى..صح؟
السطح السملات ده ايه؟؟

اقصد ان لو السقف اللى تحتك ليس به اى كمرات ( يعنى سقف مستو او ما يسمى بالفلات سلاب ) وهو غالبا بيكون مصمم انت ممكن تبنى الحوائط فى اى مكان - يعنى شيل اى حيطه وابنى فى مكان تانى

اما لو كان السقف اللى تحت عباره عن كمرات او ما يسمى بالسوليد سلاب فانه يكون متاح لك فقط ان تبنى فوق تلك الكمرات
ولو اصلا كمرات وجبيت تبنى فوق السقف مش فوق الكمره هتلاقى ان عندك المنظر الجمالى قد تشوه تماما لانك هتلاقى انك بنيت حيطه ووجدت بعدها كمره ساقطه كانت مداريه بالحيطه