الموضوع: أفكار بعيد عن السياسة

دى مجرد افكار بتيجى ف بالى قلت اكتبها يمكن نقدر نستفيد بيها
الموضوع كتبته ف الاجتماعى لانه بعيد عن السياسة و عن الاخوان و المعارضة و كل الكلام ده
دا متعلق بينا كمصريين و بس
انا الحقيقة بسافر كتير ف طول مصر و عرضها و طول فترات السفر مع الجو المحيط بيخلى خيالى يسرح ف حالنا كمصريين
مثلا
- مشكلة الكهرباء : كلنا او اغلبنا دلوقتى بيستعين بمولدات كهرباء تدار بالديزل او البنزين عشان انقطاع الكهرباء ليه ما نستغلش الشمس :)
فيه قرى كاملة ف الصين شغالة بالشمس
مستثمر او مشروع حكومى يبدا ف انتاج خلايا شمسية صغيرة كافية لانتاج كهرباء لعمارة او مبنى سكنى و يتباع ف السوق المحلى و كل عمارة يشترك سكانها ف شرا وحدة زى دى نستخدمها طول النهار و نوفر كهرباء الحكومة و يبقى وفرنا فلوس كتير و حافظنا ع البيئة و حاجة كده ببلاش

- السولار:
ليه ما نبدأش كافراد - محتاجين للسولار ف زراعة نبات الجيتروفا و استخدامه كوقود حيوى خاصة انه يمكن استخدامه بدون معالجة كيميائية ف احيان كثيرة
‫السودان تزرع البترول صدق أو لا تصدق Jatropha curcas‬‎ - YouTube

- القمح كالجتروفا نزرعه ع الاسطح فوق المنازل و امام المنازل و ف الجنائن العامة بدل ما نزرع شجر الزينة بس الحكومة تتكرم بتوفير تقاوى قمح ممتازة للمواطنين


- ليه ما نعملش مشروع بتمويل الصكوك نجدد منظومة الرى ف مصر كلها بانظمة حديثة توفر مياه و نردم ترع و مصارف و نحافظ ع البيئة

بعد الثورة الناس كان عندها امل كبير اختفى الايام دى
الامل المفروض احنا اللى نصنعه ما نخليش حالنا تلعب بيه الظروف و الاحوال
لازم نتشارك بالحلامنا و افكارنا لبلدنا لازم نطلع لقدام لازم ان شاء الله نكون احسن و اقوى و افضل من الذل و الهوان الحالى
يا رب

اليوم على راديو مونت كارولو يتحدثون عن جزيرة كورسيكا و احتمالية الانفصال عن فرنسا و كيف ان فرنسا لا تريد حيث ان الجزيرة غنية بالموارد الطبيعية و من اهمها الشمس طوال العام كطقس بلدان جنوب المتوسط كما يقول المحلل بالحرف
و انا و الشمس تلسع ذراعى مش عارف اذا كنت هاوصل البيت هلاقى كهربا و لا لأ :(