الموضوع: تسريب زيت فتيس اللوجان اوتو .. !!

السلام عليكم

كان عندي صوت بقالوا فترة ومش عارف اوصفوا ازاي - بالصدفة لاقيت حد بيتكلم عن صوت مشابه في احدى المواضيع هنا - وتابعت مع الاخوة هناك لحد ما وصلنا لان ممكن يكون عندي مشكلة في زيت الفتيس -

وصف الصوت والوصول لاحتمالات مصدره هاكتبها تحت - الاهم دلوقتي - أتأكد ازاي من مستوى زيت الفتيس - اكشف عليه من تحت ازاي ان فيه تسريب ولا لآ

النقطة اني تذكرت ان عامل غسيل العربيات في المحطة علقلي مرة ان فيه زيت تحت - فتابعت زيت الماتور فترة ولاقيته مستقر قولت يمكن حاجة نطرت عليه من تحت وخلاص - فاسترجعت الموقف ده لما اتفتح قصة زيت الفتيس

ارجوا الافادة - ومتشكر جدا


-----------------------------------------------------------------------------
http://www.nilemotors.net/Nile/360010-a-2.html
----------------------------------------------------------------

المشاركة الأصلية كتبت بواسطة Sh_sunsea

مبروك لصاحب الموضوع حل المشكلة - واسمحولي أستكمل مع التعليق الي فوق ده
معايا لوجان اوتوماتيك - وحسيت بعد فترة بصوت النحرة ده

صوت بيظهر فعلا على التالت والرابع - ويوضح اكتر لما ارفع رجلي من على البنزين ويبقى الماتور بيلف لوحده من سرعة العربية

والأغرب ان على أي سرعة - مجرد ما أجيب الفتيس n على المور - الصوت يختفي - يعني لازم أكون معشق وفوق 60 يعني تالت ورابع - قولتلهم عليها في صيانة 10 وللاسف رد ستاندرد - تربيطات وخلصناها - والصوت لا يزال في جيبي .. !!!

المشاركة الأصلية كتبت بواسطة Karim Ibiza

طيب لو انت واقف على الـ n ودوست بنزين بنفس مقدار الدوسة وانت ماشى لما الصوت بيطلع, هل فيه صوت؟؟

لو فيه صوت يبقى فعلا بلية شداد
لو مفيش صوت يبقى اكشف على زيت الفتيس

المشاركة الأصلية كتبت بواسطة Sh_sunsea

مممم انت قلقتني - لا الصوت بصراحة مش ببقى سامعه اطلاقا طالما مش معشق

حتى كنت دائما أشير انه لا من السرعة ولا من ضغطة البنزين ولفات الماتور - سرعة مع تعشيق اسمه الصوت - واسمعه اكتر لما العجل يبقى هو الي بيلف الماتور لما ارفع رجلي من على البنزين

المشاركة الأصلية كتبت بواسطة Karim Ibiza

ده صوت ونة زى صوت العربيات اللادا والميكروباصات وده ناتج عن احتكاك التروس ببعضعها بدون ما يكون فيه زيت لتبريدهم وتسهيل حركتهم
اكشف على زيت الفتيس

ان شاء الله بسيطة

المشاركة الأصلية كتبت بواسطة Sh_sunsea

الله ينور عليك - فعلا نفس ونة صوت ميكروباصات التويوتا لما ييجي يقرص جنبي - ربنا يسهل هاروحلهم الاحد اشوف ايه الحكاية - وشاكر جدا لمتابعة حضرتك

المشاركة الأصلية كتبت بواسطة nadernabil

انا عندي نفس الملاحظة دي في اللوجان الاوتوماتيك من يوم ما استلمتها

الونة بتظهر اول ماتشيل رجلك من على البنزين و خصوصاً على سرعة ٧٠ فأقل

لما رحت صيانة ال ٥٠٠٠ بلغتهم بيها و قاللولي مافهاش حاجة و العربية زي الفل

بفكر على صيانة ال ١٠٠٠٠ اغيرلها زيت فتيس بره و اشوف ايه الاخبار

ب ياريت نتابع مع بعض علشان نغي الاحتمالات - انا عايز اسئل حد فاهم على قصة بلية الشداد دي