الموضوع: منتدي نيسان ... كان و مازال وسيظل الاقوي بفضل الله (موضوع لأعضاء وإدارة نيسان)

رأى سليم ويحترم جدا جدا جدا ويا ريت الاخذ والعمل به

ربنا يوفقكم جميعا ان شاء الله .. ويلم شمل اعضاء قسم نيسان تانى مش هبالغ لو قولت ان قسم نيسان هو اللى كان

مصحصح المنتدى كله بما فيه اه والله واعضاءه ماشاء الله عمرى ماشوفت منهم حاجه وحشه ابدا وربنا يلم الشمل تانى ..

وكل شىء يرجع زى الاول واحسن ...

المشاركة الأصلية كتبت بواسطة sonasteel

بسم الله الرحمن الرحيم

اخواتي واحبائي و كل اصدقائي الصقور اللي طلعت بيهم في الدنيا والله ....... وربنا شاهد ان كل اصدقائي واخواتي دلوقتي من المنتدي عموما و نيسان خاصة
ومنهم اخويا ابن امي وابويا احمد مصطفي ..... ربنا يعينه وييسرله الخير ويقدره علي شغله يارب

مما لاشك فيه طبعا والواضح للقاصي والداني الوضع اللي منتدي نيسان تحديدا وصل له

انا عايز بس اتكلم كلمه صغيرة علي نيسان قبل الثورة وقبل ما يتهاجم المهاجمة الشنيعه اللي بقيت سمه في الشعب المصري

طبعا الكلام اللي جاي ده من رأي الشخصي و الجو اللي كنت عايشه

نيسان : كان منتدي ظريف و شيق وقوي و فيه من المعلومات كم طيب جدا جدا ... وفي اعضاء احسبهم علي الخير ولا ازكيهم علي الله ..... فعلا اعضاء لو كان واحد منهم بس اخ لي .. مكنتش احتاجت حاجة تاني من الدنيا ديه .... (الصحبة الصالحة)

وربنا يشهد ان نيسان فعلا كان صرح بيدخله الزائر قبل العضو والغريب قبل القريب وكانوا بيستفادوا منه معلومات او حتي خصومات ....... وده الطبيعي لان ده منتدي خدمي

واحمد مصطفي ربنا يجيزيه عنا خير ويجعل تعبه في ميزان حسناته .... كان ليه طريقته واسلوبه المحترم الجميل اللي يجبر اي حد انه يمشي علي طريقته بكل احترام وده راجع لاخلاق الاعضاء نفسها ومدي تقبلهم زاتسيعابهم لاهمية ومكانة نيسان واللي كانت بتزيد من وقت للتاني ووصلت لمستوي طيب جدا ...فعلا فعلا فعلا اتحسدنا عليه.

وزي اي مكان في الدنيا لازم يبقي فيه خلاف ..... سبحان الله ايش حال فيه خلاف بين الرجل وزوجته وديه اسمي العلاقات البشرية اللي ربنا خلقها .

بس بيجي حاجة هننا اسمها ادارة الازمة ........ ازاي ندير الازمة بأقل الخساير

بصراحة شديدة
نيسان انا كنت بعتبره اقوي منتدي من حيث المعلومات والترافيك بعد الاجتماعي وفي فترة الاخيرة كان الترافيك بتاعه بيزيد جدااااا ....... لدرجة ان الزائرين كان بيوصل عددهم 140 غير الاعضاء
مش بتحصل اصلا غير في الاجتماعي او المنتدي العام

وعلي قد الشهرة والمكانة اللي خدها اكيد الهجوم والضربات هاتبقي اقوي ..... يمكن احنا كأعضاء نيسان معرفناش ندير الأزمة ؟
ويمكن الاداراة معرفتش تدير الازمة
ويمكن احنا الاتنين مع بعض والمفروض ندير الازمة .... وده محصلش لاي سبب كان بقي في اعضاء نيسان او في الادارة
مش مهم اللي فات ... المهم اللي جاي

دلوقتي احنا في وضع ومحتاج حل ....... ومينفعش بأي حال من الاحوال نجدف في مركب الريس بتاعها مش موجود اصلا ... لا هانعرف رايحين فين ولا هانوصل اصلا

الموضوع ده انا عاملة لاعضاء نبسان و للادارة كأخ أصغر طبعـــــــــــا ... والموضوع ده رأي شخصي تماااااما وكاتبه حالا وبدون الاتفاق مع حد واي حد

احنا قلنا هانعمل مقابلة ان شاء الله ... علشان نلم الشمل ..تمام ؟

انا موافق طبعا علي المقابلة وهاتبقي في مكان عام .... طيب دلوقتي احنا هانتقابل علشان نلم شمل عيلة نيسان ... تمام ؟؟
هانلمها فين مش لازم بيت نتلم فيه ؟ ......... البيت ده هو المنتدي والمسئول عنه الادارة

فلااااازم ولابد يكون للادارة دور في المقابله علشان يبقي طلعنا من المقابله بحاجة
مش مجرد ان احنا اتقابلنا وخلاص ....... واصلا مشكلة اعضاء كتير مع الادراة

فدلوقتي لازم يكون حد من الادارة متواجد طبعا علشان ياخد شكاوي واقتراحات الاعضاء يعرضهاا علي الادارة طبعا .

انا مش عايز اطول عليكم

انا مش عايز اجي في صف حد علي حد وانا عارف ان فيه اخطاء من هنا ومن هنا ويمكن اخطاء حد اكبر من اخطاء حد

بس احنا بشر وبنصيب وبنخطأ ..... بس اهم حاجة التذكير بالله اولا ثم التنبيه بالخطأ اللي حصل علشان منقعش فيه تاني

انا مش عايز اخص حد بالاسم ....... بس رجاء خاص من اعضاء نيسان عضو عضو .واعضاء الادارة عضو عضو ... المكان ده نجح وبينجح وهاينحج ان شاء الله

ولم ينجح بالاعضاء لوحدهم ومنجحش بالادارة لوحدها ..... انا اتمني من الله ان الخلاتفات ديه تصفي والمشاحنات ديه تقل
ونعتبر ان المكان ده هو بيتنا فعلا اللي مينفعش نقعد فيه بكمية المشاحنات ديه كلها

دعوة للهدوء وتمالك النفس ان شاء الله ........ لاني والله مش عايز اخسر حد
لا اعضاء واخوات هم اعز وصدقاء واخوات ليا ......... ومكان بفضل الله هو السبب انه عرفني عليهم

المقابلة اللي جاية ان شاءالله اتمني انها تبقي مختلفة من نوعها ....... ويكون الاعضاء والادارة ايد واحده فعلا
ونقدر نمشي المركب تاني في طريقة الصح ان شاء الله

ولازم طبعا احمد مصطفي ان شاء الله يبقي موجود لانه المؤسس فعلا بلا خلاف ... مؤسس قسم نيسان
ربنا يجعلها في ميزا حسناته .......وانا عملت الموضوع ده علشان صعبان علي فعلا اللي بيحصل هنا والاعضاء بدأو يخسروا بعض وياريتها بسبب سياسة ولا حتي دين ....... لا علشان عربيات صاج في صاج

والمحبة والاخوة في الله هي اللي بتدوم ..... وسامحوني لو كنت قصرت في الرد ساعات خالافات اللي اكنت بتحصل
بس هي كانت فتنة وانا تجنبتها علي قد ما اقدر علشان مخسرش حد ..... ودلوقتي الجو هدي الحمد لله وكل واحد هايعرف يسمع التاني بهدووووووووووووووء ههههههههههههههه

بحبكم في الله بجد وانا متوقع منكم ان شاء الله هانرجع احسن واشد من الاول حتي لو حاجة جت علي حساب التانية

انا في انتظار ردكم وتفاعلكم ..... علشان الاعضاء من نيسان وبره يقروا اللي جواكم والادارة تقرا اللي جواكم يمكن هي مش عارفة تعالج الموقف علشان مش عارفة اسباب ولا حاجة

بس لكل الطرفين ........ التمسوا لأخيكم سبعين عذر , فان لم تجد فالتمس له عذرا

والدعوة لانشاء جروب علي الفيس استأذنكم نأجلها علشان دلوقتي احنا بنلم الشمل مش بنفرقه

واقعدوا بألف عافية يارب

شكرا أخي الكريم على مبادرتك الطيبة .. وانت تعرف أن كل أمنياتنا أن يعود القسم على ما كان عليه
تحياتي واحترامي لشخصك الكريم ولكل أعضاء قسم نيسان

ان شاء الله يرجع الشمل ويهدي النفوس باذن الله