كومبريسور التكييف

**kmansy** · 01-06-2013 03:38 PM

سؤال يا جماعة للخبراء أنا عربيتي أوبترا موديل 2008 عاملة 53000 كيلومتر صيانة دائمة في التوكيل ، بعد دخول الصيف بدأت تشغيل التكييف وهو يعمل جيدا ولكن أثناء وقوفي خارج السيارة لاحظت صوت غير معتاد فصلت التكييف الصوت راح ، شغلت التكييف ثاني الصوت رجع فتوقعت إنها مشكلة في التكييف بس ظنيت إنها ممكن يبقى سير أو حاجة من هذا القبيل
المهم رحت أوتو ماستر طلعلي مهندس وكشف وقالي الكومبريسور بيخلص !!! ومحتاج يتغير كعادة كل التوكيلات
أنا بصراحة عايز أعرف ممكن أعمل حاجة للكومبريسور تصليح أو إني لازم أغيره وهل لو غيرته أغيره في التوكيل ولا لأ ، وهل ممكن أحط كومبريسور ياباني مثلا وكم تكون التكلفة.

شكرا ليكم جميعا وأرجو الإهتمام بموضوعي لإن الجو نار ومش حستحمل أمشي من غير تكييف

**MorSee** · 01-06-2013 04:30 PM

بص ..

انا معايا بيكانتوا 2013 و كانت المشكله دي عندي - بس العربيه كانت جديده - و روحت التوكيل قالولي نفس القصه برضه .. و غير الكومبرسور

روحت لواحد معرفه بتاع تاكيفات ابن ناس .. قالي ممكن تكون مشكلة في الكومبرسور نفسه فعلا او ممكن تبقي مشكله في شحن الفريون و الزيت بتاعه التكيف ..
و شحنته من تاني و العربيه ظبطت لحد كبير و الصوت شبه اختفي ..

فروح لحد قبل ما تغير في التوكيل برضه ، لانهم في الاغلب بيستسهلوا و بيقولك غير و خلاص ..

**MITSUKERO** · 01-06-2013 05:25 PM

للاسف لو الصوت من الكمبريسور نفسة يبقي بيودع

خلص عليه و غيره

و اتاتكد الاول ان بلية السير سليمة

والله اعلي و اعلم

**aldesha989** · 01-06-2013 05:49 PM

انا ما اعتقدتش كده لازم تجرب الاول

قبل اى حاجه روح لواحد محترم بتاع تكيف وخليه يعمل فاكيوم ويطلع الشحنه كلها واى هواء فى الدوره بتاعت التكيف وبعدين خليه يزود الكمبروسيسور زيت الاول علشان ممكن يكون ناقص تانى حاجه يشحنلك فريون r134a وتتاكد من الكتالوج التكيف عندك بيأخد كام جرام وعلى السلانسيه ولا على rpm كام

لو كل ده ما اثرش فا انتا ما خسرتش حاجه ان شاء الله كلام فاضى لكن لو نفع فا انتا هتوفر حوالى 2000 جنيه تمن الكمبروسيسور