المساعدة في تسعير سياره لانسر سوبر اكشن 2008 العربية رشة برة ماعدا السقف بس مفيش حواد

**temoo1977** · 01-06-2013 10:27 PM

ارجو من السادة مالكى لانسر المساعدة في تسعير سياره لانسر سوبر اكشن 2008 خليجي العربية رفعناها فى مركز خدمة وإدانة تقرير فية الاتى العربية رشة برة ماعدا السقف بس مش عاملة أى حوادث ومحتاجة ملف ايرباج و لمبة ديجيتال ايرباج ومساعد يمين والتكييف شغال بارد فقط وسؤال هل العربيةاللى رشة برة من غير حوادث هل الرش ده يعيب العربية ارجو المساعدة للاهمية

**kokowasfy** · 02-06-2013 12:12 AM

هو اية كمية المشاكل الى فى الايرباج انا مش عارف لية حاسس ان فية حاجة غلط و على فكرة العربية ممكن تتقلب و تتصلح عادى و محدش يعرف نصيحة لو حالة حلوة اوى اكشف عليها فى التوكيل و ربنا يسهل

**temoo1977** · 02-06-2013 01:28 AM

ماهو ياكوكو المركز اللى احنا كشفنا ع العربية عندة مركز معتمد . ورش العربية اللى برة دة ممكن يعيبها والة انا عاوز النصيحة لانى محتار وصحبها طالب 95 الف مش عارف اية راى اصحاب الانسر فى الموضوع دة لان المبلغ مش شوية ممكن الواحد يجيب بالمبلغ دة زيرو ارجو النصيحة ولافادة

**muslim_nsb** · 02-06-2013 01:32 AM

على ما اعتقد بالسعر ده ممكت تجيب واحد فابريكه بره وجوه او راشه اكصدامين بالكتير انما تدفع 95 الف وراشه لأ حرام طبعا

**temoo1977** · 02-06-2013 01:41 AM

انتو رايكم العربية بالحالة دى تعمل اد اية

**muhmado_furp** · 02-06-2013 03:02 AM

المشاركة الأصلية كتبت بواسطة temoo1977

ارجو من السادة مالكى لانسر المساعدة في تسعير سياره لانسر سوبر اكشن 2008 خليجي العربية رفعناها فى مركز خدمة وإدانة تقرير فية الاتى العربية رشة برة ماعدا السقف بس مش عاملة أى حوادث ومحتاجة ملف ايرباج و لمبة ديجيتال ايرباج ومساعد يمين والتكييف شغال بارد فقط وسؤال هل العربيةاللى رشة برة من غير حوادث هل الرش ده يعيب العربية ارجو المساعدة للاهمية

السلام عليكم
انا هرد علي حضرتك في الحاجات الي أفهم فيها
بالنسبة لرش العربية طالما من غير حادثة ميفرقش في موضوع البيع لان كل حاجه بسعرها يعني الفابريكه كلها بسعر والجنبين بسعر وهكذا
بالنسبة للحاجات الي في العربية زي المساعد والتكييف مفهمش مشكلة وحلهم سهل ومفيش عربيه مستعملة مش بتحتاج مصاريف صيانه وظبط الا نادر قووووووي
بالنسبة لموضوع ملف ايرباج ولمبة ديجيتال ايرباج بصراحه مش فاهم يعني ايه ملف ايرباج ولمبة ديجيتال ياريت تفهمني لاستفاده
بالنسبة للسعر انا شاري بتاعتي من اقل من شهر نفس الموديل وخليجي وراشه الجمبين ب 84 ألف
بس طبعا معرفش حالة عربيتك عامله ازاي مقارنة ببتاعتي ممكن تكون بتاعتك افضل في الحالة او العكس فانت ممكن تقييم
وعموما السوبر اكشن مش بيركبها الا غاويها وعاوز يستفاد من مميزاتها في سعر اعادة البيع وتوافر قطع الغيار
لكن ممكن في نفس السعر يكون عندك اختيارات افضل زي الالنترا والسيراتو كمثال
وربنا يوفقك للخير

**amro0000** · 02-06-2013 03:45 AM

انا شايف انها كتير بلفلوس دي تركب فبريكة ياباشا حرام تركب عربية راشة بصراحة دا رأي بس او ينزل في سعرها ولو اني بصراحة احب العربية تبقي فبريكة دا اهم حاجة عندي