مش بشوف حاجة بعد صلاة الاستخارة

**RAPID** · 02-06-2013 02:22 AM

بحاول دايما اصلى استخارة قبل اى حاجة مهمة بس الغريب مش بحس بحاجة بعد الصلاة .. يعنى لا بحس براحة ولا عدم راحة .. هو هو نفس الاحساس اللى قبل الصلاة لو متضايق ومخنوق بفضل مخنوق ولو مرتاح نفسيا الاقى نفسى مرتاح زى ما انا ومفيش اى اشارات سواء فى الحلم او فى الواقع

فهل ده طبيعى ولا فى مشكلة عندى؟ ويا ترى بعد صلاة الاستخارة بتحسوا بايه وبتشوفوا ايه وايه اللى بيخليكم تمشوا فى الموضوع من عدمه؟ وهل بتفرق معاكم فى اتخاذ القرار؟

**rompo10** · 02-06-2013 02:42 AM

انا من زمان وبعد اي صلاه استخاره لازم احلم بس في ناس مش بتحلم بس اهم حاجه في صلاه الاستخاره انك تكون محتر بين الاختيار من جواك مش تبقي متخذ قرار وتصلي استخاره لازم تكون محتار

**Al-Farooq** · 02-06-2013 05:38 AM

انت تصلي وتاخد القرار ، بس كدة .
انما مش شرط تحلم او تحس براحة تجاه اى حاجة ، بتفوض امرك لله وتتوكل عليه وتاخد بالاسباب.

**dr.hazem** · 02-06-2013 05:49 AM

علامة استجابة الاستخارة هي تيسر الامر لو فيه الخير ومفيش لا راحه ولا غيره ولا اي كلام من ده...
اما يتيسر او يتكعبل...
تحياتي

Sent from my LT18i using Forum Runner

**RAPID** · 02-06-2013 10:33 AM

المشاركة الأصلية كتبت بواسطة rompo10

انا من زمان وبعد اي صلاه استخاره لازم احلم بس في ناس مش بتحلم بس اهم حاجه في صلاه الاستخاره انك تكون محتر بين الاختيار من جواك مش تبقي متخذ قرار وتصلي استخاره لازم تكون محتار

مش ببقى متخذ القرار بس على سبيل المثال لما اجى اعمل شئ (سفر - شراء او بيع - قرار مهم) واصلى استخارة شعورى ناحية الموضوع بعد الصلاة مش بيتغير عن قبل الصلاة ودة اكتر من مرة

**RAPID** · 02-06-2013 10:35 AM

المشاركة الأصلية كتبت بواسطة al-farooq

انت تصلي وتاخد القرار ، بس كدة .
انما مش شرط تحلم او تحس براحة تجاه اى حاجة ، بتفوض امرك لله وتتوكل عليه وتاخد بالاسباب.

المشاركة الأصلية كتبت بواسطة amr011111

بالظبط كده
وهى انك بتتوكل على الله ووبتمشى فى الموضوع اللى انت مصلى استخاره علشانه وربنا بيوفقك لو الموضوع فيه خير لك ولو مكانش بتلاقى الدنيا باظت لوحدها

غالبا بعمل كدة بس لو حضرتك تعرضت لموقف معين وحسيت بخنقة تجاهه من الاول على الرغم انه كويس وفيه مصلحتك وجيت صليت الاستخارة ولم يتغير هذا الاحساس، تعمل ايه؟

**RAPID** · 02-06-2013 10:36 AM

المشاركة الأصلية كتبت بواسطة dr.hazem

علامة استجابة الاستخارة هي تيسر الامر لو فيه الخير ومفيش لا راحه ولا غيره ولا اي كلام من ده...
اما يتيسر او يتكعبل...
تحياتي

sent from my lt18i using forum runner

فيه مقولة بتقول (علامة الاذن التيسير) يعنى الحكاية تبقى متسهلة وماشية فل من البداية .. بس احيانا فى حاجات لازم تتعب فيها ويطلع عينك فيها وتدوق الامرين فى اولها عشان تمشى زى لو فتحت مشروع مثلا اكيد هيكون فيه معوقات ومشاكل ولو طبقنا المقولة السابقة فى مثل هذه الموقف مش هنعمل حاجة !

**mikho83** · 02-06-2013 10:42 AM

ثمرة الاستخارة بتاقيها في تيسير الأمور، بمعني لو مثلا ناوي تشتري عربية وصليت استخارة، ولقيت ربنا ميسر لك عربية كويسة وصاحبها محترم وسعرها مناسب وعاجباك، دوس يا ريس، والعكس، لو لقيت كلاكيع وكل ما تيجي تشتري يحصل حاجة يبقى اجل شوية. دا المختصر المفيد :)

**RAPID** · 02-06-2013 12:12 PM

المشاركة الأصلية كتبت بواسطة mikho83

ثمرة الاستخارة بتاقيها في تيسير الأمور، بمعني لو مثلا ناوي تشتري عربية وصليت استخارة، ولقيت ربنا ميسر لك عربية كويسة وصاحبها محترم وسعرها مناسب وعاجباك، دوس يا ريس، والعكس، لو لقيت كلاكيع وكل ما تيجي تشتري يحصل حاجة يبقى اجل شوية. دا المختصر المفيد :)

تماااااام جزاك الله كل خير
اللهم يسر لنا جميع امورنا يا رب العالمين

الموضوع: مش بشوف حاجة بعد صلاة الاستخارة

LinkBack

أدوات الموضوع

عرض

-

-

-

-

المواضيع المتشابهه

بعد الاستخارة نوينا علي البونتو كلاسيك

عايز نصيحة يا جماعة انا بسافر في الضلمة ومش بشوف حاجة حد يساعدني

دعاء صلاة الاستخارة و دعاء دخول السوق

صلاة الاستخارة .. حكمها - وكيفية صلاتها - وتنبيهات وأمور هامة

صلاة الجنازة بالسيدة نفيسة بعد صلاة الظهر

الكلمات الدلالية لهذا الموضوع

المفضلات

المفضلات

ضوابط المشاركة