الفتيس بينقط زيت

**wael abbas** · 02-06-2013 03:15 PM

انا مشكلتى ان الفتيس عندى خدله كام خبطه بسبب شوارعنا المحروسة ومطبات الاهالى اللى بيعملوها ربنا ينتقم منهم المهم الميكانيكى لحمهولى كذا مرة بس بردوا بينقط زيت فقالى ان الحل اننا نغير الفارغة اللى تحت او نجيب فتيس استيراد قالى اشتريها من عند ابو اسلام اللى فى الوكاله بس انا محتار اجيب فتيس كامل ولا اشترى الفارغة ده مع العلم ان الفتيس عندى كويس وشكرا لردكم عليا

**المنسي** · 02-06-2013 03:27 PM

مادام الفتيس عندك سليم الحم مكان التسريب واسمع ان فيه نوع لحام معين للحاجات دى بس بصراحة مش عارف اسمه

**أحمد جودة** · 02-06-2013 03:47 PM

زي ماقالك مستر منسي

الحم الفتيس بلحام كهرباء

كان عندي نفس المشكلة كنت عملت حادثة وخبط حجر خرسانة كان فى منتصف كورنيش النيل أة والله فى نص الكورنيش حسبي الله ونعم الوكيل

لقيت الفتيس شغال ومفيهوش مشاكل غير شرخ الفارغة لحمته كهرباء

مش هيكلفك أكتر من 100 جنية

العربية بتترفع على ونش والراجل بيقف تحتتها وبيلحم كهرباء وبيجلخ مكان اللحام وبيصنفروا كل دة والفتيس مكانه مبيتحلش ولا حاجة
سيبك من لحام الميكانيكي عملته ونقت زيت فى نفس اليوم

وكمان بعد ماتعمل اللحام هات انبوبتين ديفكون حديد بـــ 10 جنية
واحدة سودا وواحدة رصاصي بيتخلطهم على بعض وتعملها مكان اللحام وهيكون الوضع ممتاز شغال معايا بقالو 6 شهور والحمد لله

بلاش فكرة تغيير الفارغة علشان سألت لقيتها بحوالي 300 جنية غير تكلفة نقلها وفك الفتيس وتركيبة

دي نصيحة أخوية

ياريت أكون قدرت اساعدك بهذه المشاركة وتحت أمرك فى اي استفسار

**EngAhmedSayed** · 02-06-2013 04:00 PM

لو ينفع يتلحم يتلحم
يبقى اوفرلك بس تتأكد من التسريب

**أحمد جودة** · 02-06-2013 07:25 PM

عملته فى مدينة الحرفيين فى حلوان
واي ورشة لحام كهربا تعمله

تحياتي

**Ahmed Amin** · 04-06-2013 02:22 PM

الحمة الاول زي ما أستاذ أحمد ذكر.
ولو لاقيت الفتيس بعدها فيه مشاكل ف النقل ساعتها تغير الفارغة بس تكون نضيفة.
ومش مستاهلة أبداً فتيس إستيراد عشان فارغة.

**المنسي** · 04-06-2013 03:56 PM

المشاركة الأصلية كتبت بواسطة muhammad.elday

طيب ياجماعة بعد اذنكوا انا ليا سؤال مجنني
انا معايا a4 2002 اتوماتيك والمشكله اني مبفهمش فيها كتير بس مشكلتي ان فتيس الأتوماتيك لما امشي سفر او اكتر من 60 كم الاقي الفتيس مبينقلش الاتوماتيك بتاعو العادي غير لما الاقي المتور بينحر فبحاول اسرقلوا الغيار واحيانا مبينقلش اصلا فهل ممكن الاقي حل للمشكله دي عشان الميكانيكية دوخوني اللي يقولي غير فتيس واللي يقولي حساس مينفو وللي يقولي غير الزيت بتاعو فبجد مش عارف فيدوني ارجوكم ملحوظة انا عايش في الصعيد فصعب عليا انزل القاهرة كل شوية

ياريت حضرتك تعمل موضوع جديد تشرح فيه مشكلتك علشان الناس يقدرو يردو عليك