انا عندى محل خدمات محمول فى العاشر من رمضان (بيع -شراء - استبدال - صيانة)
وانا مصدقك فى موضوع انة قفل محلة بسبب (النهضة) اللى للركب
لان فية واحد او اتنين فى العاشر (فى نفس المجال) عندنا قفلوا محلاتهم فعلا
بس على فكرة
طالما هو فنى كويس يبقى لو اشتغل فى اى محل تانى (صنايعى) الموضوع هيبقى مرضى جدا ومعقول معاة
لكنى ضد فكرة مشروع تانى او فكرة تانية
لان صيانة المحمول مهنة وعلم مش من السهل اكتسابها وبتعتمد على الخبرة التراكمية
وعشان يخش مجال تانى يبقى هيبدأ من الصفر فى وقت البلد فية واقفة فعلا مش كلام
ولو هو معندوش فكرة يدور فين على شغل
هقولك انا
انا هكتب لك اسماء المنتديات النشيطة جدا فى مجال المحمول (بدل الروابط عشان قوانين المنتدى)
جوة المنتديات دى فى قسم (الوظائف والتوظيف)
لو بص عليهم بصة اكيد هيلاقى حاجة
المنتديات هيا :
- الجيم فلاش
- المصرية للمحمول
- اكت
- لؤلؤة الخليج
- احمد تحسين
- الصباحى
دى كلها اسامى منتديات لو كتبها على الجوجل ودخل دور قى قسم الوظائف والتوظيف اكيد هيلاقى اكتر من فرصة
لكن صدقنى
يبدأ من جديد؟؟؟؟؟
يبدأ من الصفر......!!!!!!!
يبدأ فى مهنة جديدة او مشروع جديد فى الوقت دة.؟؟؟؟؟؟؟
صدقنى مغامرة غير مأمونة العواقب
المفضلات