أرجو الإفاده ..تأثير الهواء على الطريق على الفانتازيا 2010

**محمد البدرى** · 03-06-2013 06:35 PM

معايا فانتازيا 2010 أول فئه خليجى .. العربيه و أنا مسافر بيها على طريق الصعيد البحر الأحمر الجديد بحس الهوا بيلعب بيها جامد جدآ على سرعات مش كبيره زى 130 أو 140 !!! مع العلم إنى مظبط مقياس هوا الإطارات تمام و خايف يكون فيه حاجه فالعربيه .. ؟؟ !!

**inspiron** · 03-06-2013 07:10 PM

راجع مقاس ضغط الإطارات وتخليه علي الموصي به في البادج اللي علي العربية..تأكد من حالة الإطارات..ربط عفشة..اطلع علي طريق وجرب..لو استمر الوضع علي ما هو عليه يبقي في حاجة غلط تحتاج لكشف متخصص.
ملحوظة..العربية دي أنا هاريها سفر رايح جاي علي سرعات 180 و 200..ولو قطر معدي من جنبها متغيرش حارتها..وعمر ما حصل والهوا عاكسها..ده من باب العلم بالشئ عشان يكون عن حضرتك علم إن عندك مشكلة مش مخلياها علي طبيعتها..إن شاء الله تكون حاجة بسيطة..تحياتي

**inspiron** · 04-06-2013 02:23 AM

المشاركة الأصلية كتبت بواسطة محمد البدرى

متشكر جدا عالإهتمام يا باشا :) .. أنا ظبطت الهوا و الكاوتشات جديده يادوب مكملتش 6 آلاف كيلو .. يبقى كده ممكن العيب يكون فــ إيه إحتمال حتى عشان أطمن يعنى ممكن يكون المقصات أو الإسكاترا ؟؟ :(

نصيحة متسلمش تفكيرك للإحتمالات..لازم تكشف عليها..العربية دي 3 حاجات مينفعش التخمين فيهم
- موتور
- فتيس
- عفشة

**محمد البدرى** · 04-06-2013 02:31 AM

متشكر جدا يا رجاله بس المشكله إنى فــ سوهاج وهنا محدش بيفهم فيها أوى ربنا ييسر و أعرف أنزل القاهره عشان هناك فيه مليون حد بيفهم فــ الإسكودا و ربنا يستر أنا زهقت منها العربيه الخنقه دى و توبه مش هشترى مستعمل تانى :(

**محمد البدرى** · 04-06-2013 02:32 AM

أنا قولت يمكن طريق الغردقه ده عشان أسفلت بتاعه مش نضيف والهوا عليه شديد جامد بس مش لدرجة إن العربيه تروح شمال لو الهوا جاى من اليمين مثلا و أحيانا لما بكون فــ منزل والهوا يشد مره واحده بتقعد تروح يمين و شمال كده بطريقه غريبه و ربنا يستر من المصاريف

**inspiron** · 04-06-2013 02:39 AM

بعد الكشف لو لقيتها زي ما هي..تبقي عربية وحشة وبيعها يا باشا

**inspiron** · 04-06-2013 02:44 AM

يا أخي الفاضل..أنا بهزر..أصل حضرتك بتقول زهقت من العربية الخنقة دي..فعشان كده بقول لو لقيتها زي ما هي بعد الفحص والإصلاح تبقي وحشة وبيعها.

الموضوع بسيط يا فندم وإن شاء الله هتطلع حاجة بسيطة متقلقش..إنت راكب أوكتافيا..يعني ثبات السنين..إن شاء الله خير