العربية زعلتني وانا راجعة من اسكندرية

**mona_881** · 04-06-2013 12:27 AM

طول الطريق كنت ماشية ورا أخويا تقريبا 140 150 مقلناش عن كده ومزودناش عن كده علشان الطريق كان فاضي حوالي الساعة 11 ووصلنا بالسلامة الحمدلله علي الساعة تقريبا 1 ونص كده
المهم أول لما قربنا عند البوابات كده وبهدي فجأة ألاقي الدبرياج مييييييه والدواسه ساقطة لتحت واللي زاد المشكلة ان الفتيس حجر ونقلت بصعوبه جدا وفي الطلوع من الاول لحد الخامس عذاب في نقل الفتيس
وقفنا في واحة عمر حوالي ربع ساعة وفي الطلوع الفتيس خف شوية والدبرياج علي شوية قولت الحمدلله لحد ماوصلنا لغاية الدائري بدأت المشكلة تاني ولحد مصر الجديدة وانا في العذاب دا
النهارده بقي مجربتش العربية لاني منزلتش
أسفه علي الاطالة بس ياريت حد يقولي ايه اللي حصل ده

**aldesha989** · 04-06-2013 12:57 AM

بصى على زيت الفتيس وجربى العربيه تانى ولو لقتيه ناقص زوديه او غيريه كله افضل

وان شاء الله باقى الشباب يقولو اقتراحتهم

**yyy** · 04-06-2013 01:04 AM

المشاركة الأصلية كتبت بواسطة micho_881

طول الطريق كنت ماشية ورا أخويا تقريبا 140 150 مقلناش عن كده ومزودناش عن كده علشان الطريق كان فاضي حوالي الساعة 11 ووصلنا بالسلامة الحمدلله علي الساعة تقريبا 1 ونص كده
المهم أول لما قربنا عند البوابات كده وبهدي فجأة ألاقي الدبرياج مييييييه والدواسه ساقطة لتحت واللي زاد المشكلة ان الفتيس حجر ونقلت بصعوبه جدا وفي الطلوع من الاول لحد الخامس عذاب في نقل الفتيس
وقفنا في واحة عمر حوالي ربع ساعة وفي الطلوع الفتيس خف شوية والدبرياج علي شوية قولت الحمدلله لحد ماوصلنا لغاية الدائري بدأت المشكلة تاني ولحد مصر الجديدة وانا في العذاب دا
النهارده بقي مجربتش العربية لاني منزلتش
أسفه علي الاطالة بس ياريت حد يقولي ايه اللي حصل ده

لو الدبرياج زيت غالبا هايبقى ماستر الدبرياج بيسرب وجربى تدوسى على الدبرياج كذا مرة ورا بعض هتلاقى الدواسة بتعلى