حد يقدر يأكد معلومة إن يونيون إير 2013 الكباس بتاعه lg?

**marsguy** · 04-06-2013 10:23 AM

بافكر أشتري تكييف سبليت جديد

إمبارح سألت على التكييفات الجديده سبليت والراجل رشحلي تكييف يونيون إير سبليت, وقال لي إن إنتاج السنه دي مختلف عشان الكباس بتاعه كباس lg كوري وده من أحسن الكباسات في مصر.

واللي زاد على كده إن سعره رخيص جداً وأرخص من شارب و lg بأكتر من 400 جنيه. مع إني مش باحب يونيون إير بس لو معلومة الكباس الـ lg دي صحيحه يبقى ممكن يكون صفقه رابحه.

حد يقدر يأكد معلومة إن يونيون إير 2013 الكباس بتاعه lg?

شكراً

**Magoda** · 04-06-2013 01:45 PM

طب ما تجيب كايير جامد جدا وعن تجربه 1.5حصان و 3حصان

**marsguy** · 04-06-2013 02:12 PM

المشاركة الأصلية كتبت بواسطة magoda

طب ما تجيب كايير جامد جدا وعن تجربه 1.5حصان و 3حصان

الراجل قال لي إن الكاريير ضمانه بقى سنه واحده. صحيح الكلام ده؟

**hazemhany** · 04-06-2013 08:29 PM

بص يا باشا متخدش كلام من تاجر اطلاقا ...اولا كباسات lg ازبل كباسات عرفها التاريخ وده لأسباب فنية كتير لاداعي لذكرها الأن وخلي بالك كاريير كانت الأول lg ولما زادت الشكاوي غيروه تماما واستبدلوه بكباسات توشيبا اللي هيا افضل حالا منها ...ثانيا اللي فعلا جديد السنة في كل الشركات هو استخدام كباسات من تروبيكال او t3 ودي تشتغل لحد درجة حرارة 52 بدون ميفصل اوفرلوود ..ثالثا واخيرا كل الشركات بدون استثناء بتديك خمس سنين ضمان ولكن ده ع الكباس فقط وبيدوك سنة واحدة ع الجهاز بالكامل واتحدي اي حد يقول غير كده ...

**Ahmedhussein007** · 05-06-2013 04:44 AM

شارب 5 سنين عالجهاز كله مش الكباس بس

**beshomilan** · 05-06-2013 08:22 AM

ابعد تماما عن يونيون اير
ليا تجارب معاه سيئة جدااااااااا

**marsguy** · 05-06-2013 03:44 PM

المشاركة الأصلية كتبت بواسطة hazemhany

بص يا باشا متخدش كلام من تاجر اطلاقا ...اولا كباسات lg ازبل كباسات عرفها التاريخ وده لأسباب فنية كتير لاداعي لذكرها الأن وخلي بالك كاريير كانت الأول lg ولما زادت الشكاوي غيروه تماما واستبدلوه بكباسات توشيبا اللي هيا افضل حالا منها ...ثانيا اللي فعلا جديد السنة في كل الشركات هو استخدام كباسات من تروبيكال او t3 ودي تشتغل لحد درجة حرارة 52 بدون ميفصل اوفرلوود ..ثالثا واخيرا كل الشركات بدون استثناء بتديك خمس سنين ضمان ولكن ده ع الكباس فقط وبيدوك سنة واحدة ع الجهاز بالكامل واتحدي اي حد يقول غير كده ...

السلام عليكم ورحمة الله وبركاته،،،

اللي أنا باشوفه في الجرائد إن معظم الماركات بتدي 5 سنوات ضمان على الجهاز بالكامل

وبصراحه نفسي أعرف ليه كباس الـ lg وحش, أنا ما ليش خبره بخبايا عالم التكييف بس أنا أعرف إن lg من الشركات القليله اللي بتصنع كومبريسور.

شكراً

**hazemhany** · 05-06-2013 10:33 PM

المشاركة الأصلية كتبت بواسطة marsguy

السلام عليكم ورحمة الله وبركاته،،،

اللي أنا باشوفه في الجرائد إن معظم الماركات بتدي 5 سنوات ضمان على الجهاز بالكامل

وبصراحه نفسي أعرف ليه كباس الـ lg وحش, أنا ما ليش خبره بخبايا عالم التكييف بس أنا أعرف إن lg من الشركات القليله اللي بتصنع كومبريسور.

شكراً

بص يا باشا بخصوص الضمان الكلام اللي بقولهولك ده انا واثق منه 100% وسيبك من كلام الجرايد انت لو مسكت شهادة الضمان بعد ما تشتري الجهاز هتلاقي انه مبيضمنلكش غير الكباس خمس سنين ضد عيوب الصناعة وباقي المكونات لأ ...