أفيدونى لو سمحتوا أسترا 2000 ولا كليو 2003

**wolverine_egy** · 06-06-2013 03:00 AM

يا ريت يا رجالة حد يفيدنى فى الموضوع ده أنا محتار بين الأسترا موديل 2000 أو2001 و بين الرينو كليو 2002 أو 2003 و تقريبا الأتنين فى نفس السعر حوالى 40000 بس مش عارف أننهو الأحسن
فى ناس تقول اللأوبل ألمانى و عربية محترمة بس عيبها الماتور الضعيف بالذات لما يكون التكييف شغال بتبقى بطة و فيها سينسورات كتيرة بتبوظ
و على الكليو يقولو برضو عربية فرنساوى و محترمة بس ضيقة جدا من الكنبة اللى ورا و تكييفها أى كلام فى الحر وطرمبة البنزين بتبوظ كتير
فأنا خلاص مش عارف أعمل أيه و بصراحة شايف أن دول أحسن عربيتين فى حدود الفلوس اللى معايا
ياريت حد يريحنى و يقولى بس ميبقاش بيفتى و خلاص
أسف على الإطالة

**gym1974** · 06-06-2013 10:20 AM

السلام عليكم ورحمه الله ان هاكلم حضرتك على الكليو عربيتى عربية جميلة جدا اقتصادية جدا جدا فى البنزين تكييفها كويس بالنسبة لى لأنى مش بحب التكييف العالى قوى زى التويوتا مثلا بتعب منه على طويل السحب ممتاز جدا يقل شوية طبعا مع تشغيل التكييف علشان زى ما حضرتك عارف الموتور 1200 الثبات لحد 130 كويس جدا بعد كده خفيفة قطع الغيار غالية شوية عن الكورى بس معمرة ضيقة شوية الشنطة كبيرة نيجى بقا للمهم مش اى حد يشتغل فى كهرباء العربية ده يعنى لو حد مش فاهم فى الرينو هيخرب ام العربية ومش هيعرف يشتغل فيها اساسا ام الميكانيكا والعفشة لو حد كويس شغال ما فيش مشاكل ام بالنسبة لأسترا معرفشى عنها حاجة بصراحة وان كنت بعشق ماركة اوبل ده بكل انواعها لأنها فعلا عربيات محترمة جدا