الموضوع: شارك ولا بوما ولا 301

سؤال لولبي محير لأن كل واحدة في ال3 ليها مميزات وعيوب فلازم تعرفها صح وتختار الانسب بالنسبة ليك ورأيي : ان لو ناوي تتابع مع التوكيل على طول ومايهمكش أوي موضوع اعادة البيع يبقى 301 (العربية الحلوة بس لسة مبهمة بالنسبة للسوق المصري) أو شارك الاتنين فيهم امكانيات وتكنولوجيا اعلى من البومة .
لكن لو عايز الاكثر عملية واعتمادية والاكتر انتشارا والاسرع عند اعادة البيع يبقى البومة اللي ناس كتير شايفة بساطة شكلها عيب وناس كتيرة(وانا منهم) شيفاه ميزة...وطبعا الشكل ده اذواق.
بالنسبة لأسعار جميع الفئات ممكن تشوفها في كونتكت كارز ... وربنا يوفقك في الاختيار الانسب

المشاركة الأصلية كتبت بواسطة waleedelpiloot

رجاله ميتسوبيشى
اولا انا بقالى حوالى 4 سنين فى المنتدى بس عمرى ما تابعة قوى مع قسم ميتسوبشى و اول ما فكرت فى عربية ميتسوبشى قولت مفيش غير وحوش الشارك والبوما
ان شاء الله نويت على عربية جديدة
يا بيجو 301
يا شارك
يا بوما
نصيحتكوا اية فى الموديلات دى وياريت اسعار الوما والشارك لانى توهت فيهم
شكرا يا رجالة مقدما

شارك طبعا بس خليك فى الفئة الثانية او اعلى، و بص على الشنطة علشان أصغر من 301 و البوما

المشاركة الأصلية كتبت بواسطة miceg

انقل موضوعك لقسم المقارنات
بس ارشحلك شارك ثم بيجو 301 ثم بومة

انا مع الشارك او 301 بس مش عارف اسعار الشارك والفروقات فى موديلاتها اية

المشاركة الأصلية كتبت بواسطة aboamina

سؤال لولبي محير لأن كل واحدة في ال3 ليها مميزات وعيوب فلازم تعرفها صح وتختار الانسب بالنسبة ليك ورأيي : ان لو ناوي تتابع مع التوكيل على طول ومايهمكش أوي موضوع اعادة البيع يبقى 301 (العربية الحلوة بس لسة مبهمة بالنسبة للسوق المصري) أو شارك الاتنين فيهم امكانيات وتكنولوجيا اعلى من البومة .
لكن لو عايز الاكثر عملية واعتمادية والاكتر انتشارا والاسرع عند اعادة البيع يبقى البومة اللي ناس كتير شايفة بساطة شكلها عيب وناس كتيرة(وانا منهم) شيفاه ميزة...وطبعا الشكل ده اذواق.
بالنسبة لأسعار جميع الفئات ممكن تشوفها في كونتكت كارز ... وربنا يوفقك في الاختيار الانسب

ما انا عشان كدة محتار انا حاسس ان الى قريبين من بعض اوى فى المقارنة دى الشارك و301

المشاركة الأصلية كتبت بواسطة hunting_eagle

علشان انا بحب العربية دي و عايز اشتريها فهقولك الشــــارك

عربية شكلها جميل و شبابي و سواقتها ممتعة

البيجو بصراحة ما عنديش معلومات عنها

انما البومة فبقت قديمة اوي وكفاية عليها كده (الشارك نفسها بقالها يمكن حوالي 5 او 6 سنين فما بالك بالبومة)

....

هوة شكل البوما مش مشكلة اوى واهوة عمالين يغيروا فيها كل شوية مرة فوانيس مرة جنوط شبكة وحاجات فى التبلوة

رأيي الشخصي الشارك ( مع استبعاد ان الشنطه صغيره شويه )
غير كده العربيه مافيهاش غلطه
واسعه جدا - ثابته علي الطريق و معاك لحد ما تزهق من السرعه - عزلها جيد - قطع غيار موجوده ( مش كتير زي البومه لكن اصبحت موجوده )
قيادتها ممتعه اكثر من البومه بكثير بصراحه ( انا عندي البومه و اخويا معاه الشارك ) .

البيجو لا استطيع ان اعطي فيها رأيي لأنها جديده جدا علي مستوي العالم مش مصر بس .
ربنا يوفقك و نبارك لك قريب علي العربيه اللي ترتاح ليها .