اهلا و سهلا بحضرتك معانا
العربية موديلها كام و ماشية كان الف كيلو ؟؟ و اخبار الصيانات ؟؟
اما عن نتيجة رفع الهاند بريك و تمشي بالعربية هياكل التيل الخلفي اسرع و هتلاقي سخونية جامدة طالعة من العجل ورا ده غير انه هيبقي حمل ع الموتور لأن العربية الفرامل ورا مكلبشاها و في نفس الوقت الموتور بيعافر عشان العربية تمشي اما الدوارة و السخونية ده نتيجة ان الموبينة سخنت اوي فلازم تبرد ياما تسيبيها شوية او فوطة مندية تتحط عليها تبردها شوية و تتشال و بعدها هتشتغل عادي لأن الموبينة العادية لما بتسخن يا العربية بتاخر في الدوارة بعد مشوار او الموبينة بتفصل و لازم تستني لحد ما تبرد
خلي حد يبصلك ع التيل الامامي لو محتاج يتغير و لا لسه
و كذلك التيل الخلفي يتبص عليه و الهانك بريك يترجلش لأن بعد القصة ديه احتمال يحتاج يترفع ع الاخر عشان يمسك العربية كويس فلما يترجلش يبقي من 3-4 تكات بس و يمسك
و اي استفسار اتفضلي
المفضلات