ممكن نصيحة من رجالة سكودا فيلشيا 1998

**modyd1** · 07-06-2013 04:26 PM

انا معايا عربية سكودا 1998
و عايز اركبلها[overline][overline] تكييف [/overline][/overline]
السؤال هنا .. هل فى اثار جانبية على الموتور لو ركبتة ..
و هل هيكون متوفر ليها تكيف (( مع العلم )) فيها فتحات تكييف
و هل هتأثر على الموتور ..
و انا مش عارف اسأل مين فقولت اسألكوا ...
و هيكون بكام ( حوالى -- بالتقريب --- )
و لو حد عندة حد بيركبية (( يقولى عليه ))
انا ساكن فى مصر الجديدة
برجاء التكرم من الرجالة ان ينصحونى

**aldesha989** · 07-06-2013 04:59 PM

انا سمعت انه بيركب عادى لكن بيكون حمل على الماتور بسبب الكربراتير وهتركب معاه شفاط كهرباء
فاكيوم علشان يعلى الماتور لما التكيف يشتغل والعربيه ما تبطلش
وتقريبآ التكلفه الكامله فى حدود 3500

وربناا يوفقك

**أحمد جودة** · 07-06-2013 07:21 PM

بخصوص التكييف نصحية أخوية بلاش أنا ممكن أركب التكييف من الصبح بس مش هعمل كدة علشان الاتي

الموتور 1300 سي سي يعني لو حالة الموتور اكتر من 90 % وممتاز صغير على التكييف الكلام دة لو كان الموتور 1600 مثلا فدة هققل سحب العربية وهتكون مخنوقة ومش هتاخد منها أداء يرضيك دة لو افترضنا ان حالة الموتور 90 %

ثانيا مواتير الفليشيا بتسخن بسرعة زي ماكلنا عارفين فالتكييف هيبقي عبئ عليها كبير وكلنا بنسايس العربية وبنتابع صيانتها علشان ماتسخنش بالتكييف الوضع هيبقي ماسوي

تكييف العربية الاصلي مصمم للاجواء الاوربية فطبيعي فى جو مصر مش هيكون مرضي بالنسبالك
ولو ركبت تكييف يتوافق مع الجو فى مصر معرفش التفاصيل هتكون ازاي

أنا مأجل موضوع التكيف لحد ماربنا يكرمني واجيب اوكتافيا كاملة ساعتها مش هكون قلقان لان الموتور هيكون سعته اللترية كبيرة فهيعوض التكييف

وفى النهاية دي حرية شخصية بس حبيت أنقل لحضرك تفكيري

**المنسي** · 08-06-2013 11:52 AM

عربية نازلة غير مجهزة بتكييف بلاش تركب عليها تكييف وهتصرف على الفاضى ... فى ناس بتشكر فى التكييف الساندن اليابانى بس برده هاقولك ان التكييف بيبقى حمل على موتور العربية وهيسخن العربية