حل مشكلة صوت رنة الحديد فى العفشة قدام و الهبد

**mmh666** · 07-06-2013 08:20 PM

السلام عليكم

المشكلة دى ظهرت معايا بالظبط بعد سنة من شراء العربية فى يناير 2012...
و انتا ماشى بالراحة كده مثلا فى حتة مش مستوية تلاقى صوت زى خبط حديد كده جاى من قدام و مش بيتكرر دايما... الصوت ده كمان ممكن كنت بسمعه لو خدت نقرة صغيرة و انا ماشى بسرعة أو ببطء مكانتش بتفرق... العربية كمان كانت بتهبد جامد منى لو اى حفرة صغيرة او نقرة صغيرة

أخيرا النهاردة قررت أروح للعفشجى الأسطى طارق الحداد فقالى انتا عايز جوز رومبلات فطاحات (دى جزء من البطاحات )و جوز بيض طرف (بيتهيالى دول جزء من المقصات) عشان تحل المشكلة دى
قاللى تروح لمحل فى آخر صلاح الدين اسمه حسن شنك قدام جزارة صلاح الدين
مكانش عندى وقت عشان اسأل و أدور فى بقية المحلات فرحت على المحل على طول
جبت جوز الرومبلات بـ 150 جنيه الاصلى... كان مكتوب عليها France موجود منها التركى الواحدة بـ 50 جنيه
جبت جوز البيض بـ 180 جنيه
رجعتله تانى عشان يركبهم فك البطاحات و ركب جوز الرومبلات و ركب بعدها البيض

طبعا بعد تغيير جوز البيض العجل فتح جامد كنت ماشى مش عارف امسك الدريكسون من الغربلة اللى فيه رحت ظبطت زوايا عشان أحل المشكلة دى

رقم المحل اللى جبت منه الحاجات 01223327307 إيهاب حسن شنك

رقم الأسطى طارق 01005163860 مكانه عند إشارة الإبراهيمية اللى فى شارع أبو قير .... هتدخل يمين من الإشارة عشان تدخل سموحة من نفق الإبراهيمية بدل ما تمشى فى طريقك لاتجاه النفق هتلاقى الطريق اتفرع يمين كده هتدخل فى الاتجاه ده هتلاقيه على اليمين كده محل صغير مفيش عليه يفط و المحل واجهته معمولة بسيراميك أزرق و قصادة الناحية التانية هتلاقى واحد سروجى و واحد بيغسل عربيات...اسأل عليه أكيد هيدلوك عليه و لو كلمته قوله اللى دلنى عليك صاحب اللوجان الحمرا عشان قلتله ان انا هحط نمرتك للناس على النت

العملية كلها اتكلفت 500 جنيه(جوز رومبلات + جوز البيض+ سبراى عشان يزيت بيه العفشة + المصنعية + الزوايا)

أتمنى أكون أفدتكم

**miguel** · 08-06-2013 12:42 AM

طب والعربية دلوقتي عاملة ايه؟؟؟

**mmh666** · 08-06-2013 12:54 AM

المشاركة الأصلية كتبت بواسطة miguel

طب والعربية دلوقتي عاملة ايه؟؟؟

أكيد تمام ... أنا جربتها كتير لحد دلوقتى و فى نفس الاماكن بتاعة كل يوم
الهبد و الصوت راحوا

**DOCTOReng** · 09-06-2013 02:07 AM

يا ترى العربية عاملة كام ألف كيلو؟ وهل تمشى كثيرا فى مطبات وأرض سيئة أثرت على العفشة؟ وهل السيارة ما زالت فى الضمان ؟ ولماذا لم تعملها فى التوكيل؟ وشكرا

**mmh666** · 09-06-2013 10:16 AM

المشاركة الأصلية كتبت بواسطة doctoreng

يا ترى العربية عاملة كام ألف كيلو؟ وهل تمشى كثيرا فى مطبات وأرض سيئة أثرت على العفشة؟ وهل السيارة ما زالت فى الضمان ؟ ولماذا لم تعملها فى التوكيل؟ وشكرا

العربية عاملة 42 ألف كيلو و العربية فى الضمان بس أعتقد وقت ما المشكلة دى حصلت الأجزاء اللى كانت فيها المشكلة كانت بره الضمان
أنا بمشى يوميا حوالى ربع ساعة فى منطقة مش ممهدة دا طبعا بالإضافة لشوارع الإسكندرية الجميلة

لما روحت التوكيل و اشتكيت فى صيانة من الصيانات .... طبعا كالعادة قالولى مفيش حاجة حتى انا فاكر انى دفعت يومها 50 جنيه على الفاضى تكلفة كشف على العفشة و كل اللى عملوه فيها انهم ربطوها بس بدون اى كشف عنها

**Neo206** · 10-06-2013 03:22 PM

الف مبروك الاصلاح
و جزاك الله خير على النصيحة و الامانة فى نقل المعلومة

**eng.mmontash** · 16-06-2013 07:59 AM

انا كان عندي نفس المشكله بالظبط.... رحتت للعفشجي قالي فكلي المصفحه عند الميكانيكي عشان نعرف نبص عليها من تحت.... رحت فكيت المصفحه.... وانا رايح للعفشجي لاقيت الصوت راح خالص.... ولا اي خبط ولا ترزيع..... المهم كملت للعفشجي بص عليها ملقاش اي حاجه..... رجعت للميكانيكي وركبت المصفحه تاني... والحمد لله الصوت مرجعش.. استنتاجي ان المصفحه كانت مزنقه مع حاجه

**faresattar** · 16-06-2013 03:37 PM

نفس المشكلة كانت عندي ، بس راحت لما غيرت الكاوتش وربنا يستر ومترجعش تاني

**elhygan** · 16-06-2013 05:09 PM

لما بدوس علي نقرة بسمع صوت تكتكة حديد او صاج من العجلة الشمال الامامية
في صيانة 15000 هروح التوكيل و اقولهم عليها

**elhygan** · 16-06-2013 05:17 PM

بس اعتقد صوت تكيكة الحديد دي من بيضة علبة الدركسيون لان في ميكانيكي مشهور بتاع رينو قالي ان بيضة علبة الدركسيون اللي بتيجي مع العربية بتكون ضعيفة و بتبوز بسرعة
بس الغريبة ان الصوت دة بدا يظهر عندي لما ربطت العفشة في التوكيل فيمكن تكون صاجة الحماية بتحك مع حاجة تانية