فكرة؟

**SaSa.FireBlade** · 08-06-2013 05:02 PM

فكرة للناس الى بتحب الصينى انا ملاحظ اليومين دول ان سعر الجاوا 350 رخص يعنى حالة كويسة 2000 حالة ممتازة 2500 حالة جامدة 3000 او 2800 لو مثلن هيبقا سعروا 2500 مش وحش دة حتا لو محتاج عمرة عمرتوا بتتكلف 700 او 800 جنية بلكتير ويتشد والشكمانات تتعمل نيكل وى يترش بى 200 جنية وى الكهرباة تتظبط هيتصرف علية حوالى 2000 جنية بعجل جديد بكل حاجة يعنى كلفة 4000 لحد 5000 بلكتير واعتقد انو اشد من الصينى ب 300 مرة لانوا 2 سلندر وى 350 سى سى وى تقيل على الارض وخاماتو محترمة جدن مين معايا فى الفكرة دى ؟ للناس الى بتحب الصينى :b4_564:

**Amo0o0oRa** · 09-06-2013 01:43 AM

هو انا مش بحب الصينى خالص بس انا مؤيد للفكرة دى وانا بحب الجاوا جدا...ده انا حتى كنت بفكر اجيب واحد استيراد متعرفش بيعمل كام استيراد

**magic_rock** · 09-06-2013 05:41 AM

صعب اوى يا درش الفكرة دى الجاوا اولا تقيل عن الصبنى بمراحل ثانيا مشاكلو كتير جدا زيت ودخان وشحم فى مصافى الشكمنات بيحتاج دايما غسيل كرابرتير والمصافى بياخد زيت على البنزين عشان البساتم وخد عندك دخان بقة لالالا صعب خالص الفكرة دى يعنى عكس الصينى تماما الصينى خفيف مفيش مشاكل كتير مفيش زيوت وشحم وشكل الجاوا مش شبابى حتى نهائى انما الصينى تقدر تقول شبابى انا عن نفسى ارفض تماما وانا برفض الصينى برضو بس قدر اخف من قدر......ولك حرية الاختيار

**SaSa.FireBlade** · 09-06-2013 11:57 PM

لالالا مع احترامى لرايك يا درش بس الصينى اساسن شكلوا مش حلو خالصصصصصصصص الجاوا لو نضف بيبقا حكاية وكفاية العزم بتاعوا وعلى فكرة عمرك ما هتقدر تحكم علية صح غير لما تركب مكنة منو وهيا مشدودة صح واتفرج تحس انها عايزة تخدك من على الارض وتطير بيك والله وثابت بشكل مش معقول على الارض وقطع غيارو رخيصة اوى والمكنة ونتا راكبها تحس انك راكب معدة بحق وحقيقى ومشكلة الدخان ديت امرها سهل الكربراتير يتنضف بضمير والشكمان او ممكن تجبولا شكمان مستعمل بحاله نضيفة وتجيب مصافى جديدة وتنكل الشكمان وديمن تعمل تناسق مبين الزيت والبنزين مش هيدخن كتير من الاخر الموتوسيكل دة معمول للرجالة بلعربى حمال قاسية بكل المقاييس حتى الى يركبوا لو خرع هيزعل منوا

**shaawa_dj** · 11-06-2013 02:09 AM

هههههههههههههههههههههه
والله انت رايق يا درش
مينفعش تقارن بين الصينى والجاوا
دا ليه ركوبته ودا ليه ركوبته
و الجاوا مشاكلة كتيرة للصبح ومش هتلاقى ميكانيكية يعرفوا يشتغلوا فيه دلوقتى