هجيب فانتازيا 2010 ..ان شاء الله

**KABOKY_2010** · 09-06-2013 03:22 AM

الحمد لله احنا قررنا فى البيت نجيب فانتازيا بس لسة الاستخارة اكيد لو رسينا على حجة مينة عايز بقى الخبراء بتوع الفانتازيا يقولولى أكشف عليها فين واعمل اية بالضبط دى اول ركوبة ليا بعد الشاهين بالتفصيل الممل كل تفصيلة صغيرة الكل يقولى عليها مش هحلفكم بقى واوصيكم محدش يسيبنى كدة انا فى وسط اخواتى وعايز كل الى عندة معلومة يقولى وكمان رنج الاسعار والتسجيل والرخص كل حاجة فى البيع ...اسف للاطالة

**المنسي** · 09-06-2013 10:53 AM

موفق باذن الله

**inspiron** · 09-06-2013 12:07 PM

موفق بإذن الله وأحسنت الإختيار..هتكشف علي الآتي :-

- إذا كانت السيارة كسرت حاجز الـ 50 ألف كيلو متر..هل تم تغيير زيت الفتيس أم لا..مع العلم إنه بيتغير علي 60 ألف كيلو متر هو والفيلتر.وعشان تكون في الأمان غيروا علي 55 ألف.

- هتكشف علي العفشة من الجهة الأمامية خصوصاً ( البطاحات - شدادات الميزان )

- هتكشف علي الكبالن

- هتكشف علي التكييف

- هتكشف علي حالة الطنابير الأمامية

**Moratoz** · 09-06-2013 04:01 PM

اكشف عند مهدس هاني في جسر السويس خلف حديقه بدر وطبعا تكشف علي الدواخل مفيش كلام وتبص علي الحاله العامه للصالون وطارة الدركسيون العرييه يعني لو لقيت عداد قليل وصالون خلصان ومتهان وطارة ممسوحه ومقطعع يبقي ملعوب في العداد مثلا ولو فيها زينون اصلي تبص علي مواتير الفوانيس علشان تشوف التحرك بتاعه الفانونس
اما الترخيص بحوالي ٤٥٠ جم السنه مع التأمين الإجباري بخلاف رسوم العقد المسجل لنقل الملكيه
تحياتي

**Moratoz** · 09-06-2013 07:03 PM

بص تأخذ طريق المطار وتطلع الكوبري وتخش طريق السندباد وتعمل يوترن من تاني واحد وتخش يمين هتطلع علي جسر سويس تعمل يوترن علشان تبقي الناحيه التائه هتلاقي حديقه بدر تخش بعديها مباشرة يمين عدي شريط القطر تلاقي مهندس هاني عي ايدك اليمين